Isaiah 26:11 - De Beebaa Dabu

¹¹ Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 26:11 Iomraidhean Croise

De Beebaa go Job 34:27

go hiidinga gilaadeu gu daahuli gee ma gu dee daudali ange i de ia, gilaadeu gu hagangadi mee ono haiava.

Psalm 10:12

Tagi Maolunga, hidi age; de Maadua, hagaabo ina doo lima; aude ngalo gilaadeu e hagaduasala ina laa.

Psalm 21:8

Koe e booboo naa oo hagadaumee alodahi; doo lima madau e booboo naa gilaadeu e kino i de goe.

Psalm 28:5

Go hiidinga gilaadeu e hagangadi mee hegau a Tagi Maolunga, ma ana hegau hagalele mouli ne hai, ia e oha naa gilaadeu gai e dee hagaahe age naa donu.

Psalm 78:63

De ahi ne daa ga maakau alaadeu dama daane, gai alaadeu damaa hine gu dee maua i de hai bodu.

Psalm 86:17

Hagaagona mai gi de au de hagailonga o doo abodonu, gi dookaa ai gilaadeu e kino i de au, i de masavaa alaadeu e gidee ai, i hiidinga go koe, Tagi Maolunga, ne balea mai au ma de hagaaneane ogu lodo.

Exodus 9:14

Go hiidinga de hanonga nei gai au e gaamai naa denga mee hagamaakau e hagaduasala ai goe, ma oo dangada hai hegau, aama doo huaadangada alodahi, gi iloo ai e goe bolo e deai ange donu e bei ogu dagodo i henua i lalo alodahi.

Isaiah 1:31

Taane mmahi e bei dahi deleisi, gai ana hegau e bei dahi galo ahi; luu mee nei ngaadahi e dudu naa, gai e deai donu se dangada e maua i de diinei.

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 10:17

De Maalama o Israel e hai naa ga se ahi, de Ia Dabu o Israel se ahi ula; gai e dudu naa ga deai manu daladala ma manu duiduia i dahi laangi donu huu.

Isaiah 11:13

De lodo gaiaa o Ephraim e tuu naa, gai hagadaumee o Judah gu deai donu; Ephraim gu dee lodo gaiaa ange gi Judah, gai Judah gu dee kino i Ephraim.

Isaiah 18:3

Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Isaiah 37:32

Gai e hanu naa donu dangada e doe i Jerusalem, gai e hanu e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Isaiah 42:13

Tagi Maolunga e humai naa bei taane dau i de hebagi, ia e bei naa taane hebagi e hagammahi laa ia; ia e oo i de masavaa o de hebagi, ma de hagadee kii ono hagadaumee.

Isaiah 44:18

Gilaadeu e haia mee nei e dee tonu ange; gai de Maadua gu pono olaadeu ganomada, gi dee gidee ai e gilaadeu, gai alaadeu maanadu gu pono hogi, gi dee tonu ange ai gilaadeu.

Isaiah 44:9

Alodahi e haia denga diinonga ni ngadi mee, gai alaadeu mee hagamogomogo e deai donu mee e kii ange ai. Dangada e daalaa hagadonu olaadeu dagodo e dee kide, ma de ssenga — gilaadeu e hagadookaa ina naa.

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Isaiah 9:18

De baubau e bei dagodo o de ahi e duungia laa mee, gai e dudu denga manu duiduia ma manu daladala, ma de haaula lodo mee muimui, gai dono useahi e buu age laa gi lo te moana i lunga.

Isaiah 9:19

De lili o Tagi o denga hagabuulinga hebagi gu dudu de henua, gai dangada gu bei denga lahhie e haula ai de ahi; gu deai donu se dangada e hagaola ina dono daina.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Micah 5:9

Koe e hebagi ange naa ga kii i oodou hagadaumee; oo hagadaumee alodahi e daa naa ga maakau.

Micah 7:10

Dogu hagadaumee e dogaa naa i dana gidee de hai mee nei, tangada ne hai mai laa gi de au, “I hee iai Tagi Maolunga doo Maadua?” Au e gidee naa de hagadee kii ina o dogu hagadaumee; iainei donu gai ia e dagadagahi au gi lo te gelegele bei bela pigi i honga denga haiava.

Micah 7:16

Denga huaahenua e dookaa naa i delaadeu gidee naa mee nei, gilaadeu e deai naa olaadeu mahi. Gilaadeu e pono naa olaadeu ngudu i olaadeu lima, gai gilaadeu e longoduli naa.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Luke 16:23

aagai ia ne galo age i lo te ahi, i de masavaa oona e hagammae ai, gai ia gu gidee Abraham i de mommee mmao ma Lazarus i dono gaogao.

Acts 28:27

Go hiidinga de huaadangada naa e makaga olaadeu lodo, olaadeu dalinga gu longoduli, gai gu pono olaadeu ganomada. Kana gidee naa e gilaadeu i olaadeu ganomada ma de langona i olaadeu dalinga, ga tonu ange i olaadeu lodo, ga daahuli olaadeu lodo, gai au ga hagaieiangi gilaadeu.’

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Hebrews 10:27

aagai go de maatagu donu huu, i taadeu tali de hagaduasala, ma de ahi mmahi e daa ai laa ga maakau hagadaumee o de Maadua.

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.

1 Samuel 6:9

gai goodou dagidiiloo. Noo e hagasoe ga hano gi dono henua, laa gaogao o Beth Shemesh, gai gidaadeu gu iloo bolo go de Maadua donu ne hagaduasala ina nei gidaadeu. Aagai noo e deai, gai gidaadeu gu iloo bolo e dee go ia ne hagaduasala ina gidaadeu; gai se mee donu huu ne duu mai gi gidaadeu.”