Isaiah 24:5 - De Beebaa Dabu

⁵ Dangada gu hai gi hakino gee henua i lalo, gilaadeu tee daudali i denga hainga, gilaadeu gu hagahaisala mee gu lava i de hagasauaa, ma de oha de hagatoo donu hagaheloongoi dee ngado mai laa.

Isaiah 24:5 Iomraidhean Croise

2 Samuel 23:5

E aha, e dee aanei dagodo o dogu huaabodu i daho de Maadua? Ia gu hai dahi hagatoo donu hagaheloongoi dee ngado mai madali au, ma de hai gi too donu mee alodahi iai. E aha, ia e dee hai naa gi sula dogu hagaola, ma mee alodahi oogu e lodo ai?

2 Kings 21:12

deelaa ai, Tagi Maolunga, de Maadua o Israel, gu hagadaba: Au e hai naa gi humai dahi hai ngadaa laumalie gi Jerusalem ma Judah, gai dangada alodahi e langona mee nei e lele mouli naa.

2 Kings 21:15

go hiidinga gilaadeu gu hai denga dahulinga baubau i mada luoogu mada ma gu hagadaemaha ai au, mai i de masavaa o olaadeu dubuna madagidagi ne ssao mai ai i Egypt, ga dae mai ai gi anailaa nei.”

2 Chronicles 33:9

Aagai Manasseh ne dagi gee Judah ma dangada o Jerusalem, gai gilaadeu ga hai denga dahulinga e kii ange de baubau, i dahulinga a denga huaahenua a Tagi Maolunga ne hai laa, gi hulo gee mai i daho de gau Israel.

Psalm 105:10

Ia ne hai de hainga nei gi too donu ange gi Jacob, ma de hai dahi hagatoo donu hagaheloongoi ange gi Israel ga hano ai:

Psalm 55:5

Au gu madagu ma de bolebole; de mee hagamaatagu gu hagamadagu au.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 33:8

Denga haiava nnui gu ngadi daakodo, gu deai dangada e hulo saele i honga denga haiava. Gai de hagatoo donu hagaheloongoi gu maoha, denga aduhale gu hagangadi mee ina; gai gu deai donu se hagadubu o dangada.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Jeremiah 11:10

Gilaadeu gu buni e aahe ange gi haisala o olaadeu dubuna, go dangada ne kino laa i de hagallongo agu muna. Gai gilaadeu ne daudali i denga diinonga ma de daumaha ange gi gilaadeu. Dangada o Israel ma Judah gu oha de hagatoo donu hagaheloongoi aagu ne hai madali olaadeu dubuna.

Jeremiah 50:5

Gilaadeu e ssili naa de haiava e hano laa gi Zion, ma de huuhuli ange gi kilaa, ga hagataba, ‘Loomai, gidaadeu ga hagabuni ange gi Tagi Maolunga i dahi hagatoo donu hagaheloongoi dee ngado mai e dee maua laa gi ngalo.’

Ezekiel 16:59

Gai e hagadaba de Ia Aamua go Iahweh: Au e hagaduasala naa goe gi bei au hegau gu hai, go hiidinga koe ne hagangadi mee de hagatoo donu ma de oha de hagatoo donu hagaheloongoi.

Ezekiel 20:13

Gai de gau Israel ne hai baasi mai gi de au i de vao. Gilaadeu tee daudali i agu mee gu hagasauaa, aagai ne tili agu hainga — go mee e haia ga mouli tangada, noo ia e daudali ai — gai gilaadeu ne hagangadi mee agu Sabbath. Deelaa ai, au ne maanadu de hagaduasala, ma de daa gilaadeu gi maakau i de vao, i hiidinga dogu bole.

Ezekiel 20:24

go hiidinga gilaadeu tee daudali i agu muna gu hagasauaa, ma de tili agu hainga, aama de hagangadi mee agu Sabbath, gai ne daumaha ange gi denga diinonga a olaadeu maadua.

Ezekiel 37:26

Au e hai naa dahi hagatoo donu hagaheloongoi o de nnoho paba madali gilaadeu, gai se hagatoo donu hagaheloongoi ange gi gilaadeu ga hano ai e dee ngado mai. Au e hai naa gilaadeu gi nnoho i de henua ma de hai gi soa gilaadeu, gai au e hagaduu naa dogu mommee dabu i olaadeu daha ga hano ai.

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Daniel 9:10

gimaadeu tee hagallongo ange gi Tagi Maolunga demaadeu Maadua, ma tee daudali i ana hainga gu gaamai gi gimaadeu i daho ono dangada hai hegau go denga pelaabisi.

Daniel 9:5

Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Hosea 6:7

Gilaadeu gu oha de hagatoo donu hagaheloongoi, bei hegau a Adam ne hai; gilaadeu tee hai hegau mai gi de au i de mee abodonu.

Leviticus 20:22

Gai goodou daohia agu mee alodahi gu hagasauaa ma agu mee gu hagamodu adu gi goodou ma gi daudali ai, gi dee lueia mai ai goodou e de henua aagu e kave goodou gi nnoho ai.

Leviticus 26:35

i de masavaa o de henua e ngadi dagodo ai. Go hiidinga tee dugu ange gi hagamabu i denga Sabbath, i de masavaa oodou e nnoho ai i kilaa.

Micah 2:10

Hiihidi age hulo gee mai i kinei! De mommee nei e dee se mommee e hagammabu ai goe, go hiidinga gu hakino gee, gai gu maoha, gu odi donu i de maoha.

Luke 1:6

Gilaau ni dangada e heohi abodonu i mada luu mada o de Maadua, gai e honu delaau daudali i muna alodahi ma hainga a Tagi Maolunga gu hagasauaa.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Deuteronomy 32:20

Gai ia ga hagadaba, “Au e huli gee naa i gilaadeu, e tilo ai be aahee olaadeu dagodo. Go hiidinga gilaadeu se atangada baubau, gai ni dama e dee hai hegau i de muna abodonu.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Hebrews 9:1

Gai tahi hagatoo donu hagaheloongoi ne hanu donu hogi hainga ange gi de hai daumaha, aama de mommee dabu i henua i lalo.

Joshua 23:16

noo goodou e hagahaisala de hagatoo donu hagaheloongoi a Tagi Maolunga doodou Maadua, ma ana muna adu gi goodou, gai ga daumaha ange gi denga diinonga ma de ino ange gi gilaadeu. Gai Tagi Maolunga e lili mmao naa i goodou, ga hai gi moolau doodou maakau ga dee nnoho, i de henua danuaa aana gu gaavadu gi goodou.”

Joshua 24:25

Gai Joshua ga hai dahi hagatoo donu hagaheloongoi madali dangada i de laangi laa, gai ia ne hagasauaa hanu hainga ma hanu hagamodu ange gi gilaadeu i Shechem.