Isaiah 24:16 - De Beebaa Dabu

¹⁶ Gimaadeu gu langona de leo o taahili mai i luu bido o henua i lalo: “Hagamahamaha ina de Ia Heohi laa!” Aagai au ne hagadaba, “Au gu hagadaga mai! Au gu hagadaga mai! Gu vakaa loo au! De gau hadu muna e duudagi de hagabaubau! Gilaadeu e hagadaga ange donu de hagabaubau.”

Isaiah 24:16 Iomraidhean Croise

Psalm 106:15

Ia ne gaavange gi gilaadeu olaadeu mee ne dangidangi ai, gai ne gaamai de mee hagamaakau gi olaadeu magavaa.

Psalm 119:158

Au e kino i gilaadeu e dee hai hegau i de mee abodonu, i hiidinga gilaadeu e dee daudali i au muna.

Psalm 2:8

Dangidangi mai gi de au, gai au ga bolo adu gi de goe denga huaahenua, ma de hai goe gi henua i henua i lalo alodahi.

Psalm 58:10

Tangada heohi e malangilangi naa i dana gide de hagaduasala o de gau baubau; gai ia e hhui naa luoono vae i olaadeu dodo.

Psalm 65:8

Dangada i luu bido o henua i lalo e maatagu i au hagailonga; koe e hai gi humai de malangilangi i baasi dua ga hano ai gi de baasi dai.

Psalm 67:7

De Maadua e hagamanuuia naa gidaadeu; gai henua i lalo alodahi e maatagu naa i de ia!

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Isaiah 10:16

Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 17:4

De laangi laa gai de mahamaha o Jacob e lilo naa, gai dono angaanga bedi e bangabanga naa.

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Isaiah 26:15

Tagi Maolunga, koe e hai ma gu kii ange de laumalie de huaahenua, koe e hai ma gu kii ange de laumalie age de huaahenua. Koe gu hagamahamaha goe i daho dangada; koe gu hagatolo gi daha goinga alodahi o de henua.

Isaiah 28:5

De laangi laa gai Tagi o denga hagabuulinga hebagi e hai naa go de hau mahamaha, gai se hau ua mahamaha ange gi ono dangada e doe laa.

Isaiah 33:1

E vakaa naa goe, de ia e oohaa denga henua, gai tigi ai donu dangada ne oohaa ina goe! E vakaa naa goe, tangada e dee hai hegau i de mee abodonu, gai tigi ai donu dangada ne hagasengalia goe! De masavaa naa huu aau e tuu ai de oha gai koe e oohaa naa donu hogi; de masavaa naa huu aau e tuu ai de hagasenga dangada, gai koe e hagasengalia naa donu hogi.

Isaiah 42:10

Daahili ange gi Tagi Maolunga i taahili hoou, duuhia ia i henua i lalo alodahi, go goodou e loiho gi tai, ma mee alodahi i ono lodo, goodou denga mommee i tagudai, ma mee alodahi e mouli i kilaa.

Isaiah 48:8

Koe tigi langona naa donu aabe gu donu ange; mai loo i mua gai luoo dalinga tigi maahuge donu. Gai au e iloo dagodo o doo dee hai hegau i de mee heohi, gai koe ne hagaingoo ange bolo se dangada hagamanege mai i doo haanau.

Isaiah 52:10

Tagi Maolunga e hagaabo naa dono lima dabu, i madamada o denga huaahenua alodahi, gai henua i lalo alodahi e gidee naa de hagaola a taadeu Maadua.

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Isaiah 60:21

Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Jeremiah 3:20

Aagai goodou e bei de hine vaivai dagodo e tili laa dono bodu, goodou dangada o Israel gu vaivai daakodo mai donu gi de au,” go Tagi Maolunga e hagadaba.

Jeremiah 5:11

Dangada o Israel ma dangada o Judah e dee hai hegau mai gi de au i de muna abodonu,” go Tagi Maolunga e hagadaba.

Lamentations 1:2

De aduhale laa e kona mmao de dangi i de boo, ono loimada gu ssali iho gi luoono galaahuu; gu deai se dangada i magavaa o ono soa e hagaaneane ina ia. Ono soa alodahi gu vaivai daakodo ange gi de ia, gilaadeu gu ni hagadaumee niiona.

Hosea 5:7

Gilaadeu tee hai hegau ange gi Tagi Maolunga i de muna abodonu; gilaadeu ne hagadili denga dama gaiaa. Gai taonga i de duu de maasina i dai, e oha naa gilaadeu ma alaadeu veelenga.

Hosea 6:7

Gilaadeu gu oha de hagatoo donu hagaheloongoi, bei hegau a Adam ne hai; gilaadeu tee hai hegau mai gi de au i de mee abodonu.

Leviticus 26:39

Gai dangada e doe laa i henua o oodou hagadaumee e odi naa i de maakau i hiidinga olaadeu baubau, ma hiidinga hogi baubau o olaadeu dubuna madagidagi.

Micah 5:4

Ia e duu naa ga hagaloosi ana ssiibi i mahi o Tagi Maolunga, ma ssauaa o Iahweh dono Maadua. Gai gilaadeu e nnoho paba naa, gai ia e maolunga naa i henua i lalo alodahi.

Habakkuk 1:13

Luoo mada e gilimalali mmao, e dee maua i de tilo de baubau; koe e dee maua i de galo ange e tilo de mee dee heohi. Gai gu aha gu dugu ai naa donu huu goe gilaadeu e hai hegau i de hagasenga? Gai gu aha gu dee muu ai naa goe i de masavaa a de gau baubau e daa ai dangada e heohi ange i gilaadeu?

Habakkuk 1:3

Gu aha gu hai ai naa goe gi gidee e au hegau baubau? Gu aha gu noho ai naa donu huu goe e tilo denga hegau dee heohi? Au e gidee de oha ma de vaivai haia o dangada i masavaa alodahi; dangada gu hagadau hebagi ma de hagadaumee.

Mark 13:27

Gai ia e hai naa ana dangada de langi gi hulo, gi hagabuni ina mai ana dangada gu hili i denga madangi e haa, aama mai i luu bido o henua i lalo ma luu bido o de langi.

Acts 13:47

Go hiidinga deenei de mee a Tagi Maolunga gu tala mai gi gidaadeu, e hagadaba: ‘Au gu hai goe gi se maalama ange gi denga Gentile, gai koe ga kave ai de hagaola gi de bido laa o henua i lalo.’ ”

Revelation 15:3

Gai gilaadeu ne daahili i taahili a Moses, tangada hai hegau o de Maadua, ma taahili a Ssiibi Gauligi, ga hagataba, “Tagi Maolunga de Maadua Mmahi Mmao laa, ga dae laa de hagamaatagu ma de hagalele mouli au hegau! Au hegau e heohi gai ni mee abodonu, de Hodooligi o denga huaahenua.