Isaiah 24:10 - De Beebaa Dabu

¹⁰ De aduhale gu maoha ma gu dagodo; haitoga o denga hale alodahi gu hagamakaga gi deai dangada e ulu ai.

Isaiah 24:10 Iomraidhean Croise

Genesis 11:9

Deelaa ai, gu hagaingoo ange go Babel, go hiidinga go kilaa a Tagi Maolunga ne hai ai ga dee heloongoi denga muna o henua i lalo alodahi, gai go kilaa a Tagi Maolunga ne hai ai dangada gi mavaevae gi henua i lalo alodahi.

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Isaiah 23:1

Muna hagadaemaha i dagodo o Tyre. Denga vaga o Tarshish, goodou tangi see! Go hiidinga Tyre gu maoha ma gu ngadi dagodo, gu deai donu se hale be se ava i kilaa. Gai ne hagailoo mai gi gilaadeu mee nei i de henua go Cyprus.

Isaiah 24:12

De aduhale gu maoha ma gu ngadi dagodo, ono haitoga gu maoha ma e daakodo ai.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Isaiah 26:5

Ia gu hagamaolalo gilaadeu e nnoho i de mommee maolunga, ma de hai gi maolalo de aduhale maolunga; ia e oha iho naa ga hai gi dagodo i honga de gelegele, ma de maga iho gi lo te gelegele.

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 32:14

Denga hale danuaa e ngadi daakodo naa, de aduhale nogo hagalongaa laa e deai naa dangada iai; denga hale buibui makaga ma hale dagitilo e hai naa ga se vao, ga hano ai, gai se mommee e malangilangi ai denga donkey, ma de mommee e haangai ai denga hagabuulingaa ssiibi;

Isaiah 32:19

Gai ga too iho naa donu denga dibadibaa haisi ga oha lodo henua, gai de aduhale e oha ga odi,

Isaiah 34:11

De owl e loomai naa ga nnoho i kilaa; de owl laumalie ma de raven e nnoho naa hogi i kilaa. Gai de Maadua e dagi naa de uga haide i honga de henua, go de uga e haide ai de hellumi, ma de uga e haide ai de ngadi dagodo o de mommee laa.

Jeremiah 39:4

De masavaa o Zedekiah, de hodooligi o Judah ma denga daane hebagi ne gidee ai gilaadeu, gai gilaadeu ga saavini ga hulo; gilaadeu ne ssao ga hulo i de haitoga i magavaa luu buibui, i gaogao de veelenga a de hodooligi i de boo; gai gilaadeu ne hulo i de haiava e hano laa gi Arabah.

Jeremiah 39:8

Gai de gau Babylon ne dudu de hale o de hodooligi ma hale o dangada, ma de oha iho de buibui o Jerusalem.

Jeremiah 52:7

Gai gu oohaa ga masaavava de buibui o de aduhale, gai denga daane hebagi alodahi ne saavini ga hulo gee. Gilaadeu ne ssao ga hulo laa lo te haitoga i magavaa luu buibui, i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Micah 2:13

Gai de ia e hagamalaelae ina de haiava e hano naa i olaadeu mada i mua; gai gilaadeu e oha naa de haitoga ga ssao ai ga hulo. Delaadeu hodooligi e hano naa i olaadeu mada i mua, gai go Tagi Maolunga donu delaadeu dagi.

Micah 3:12

Deenei ai, Zion e hagabalabala ina naa bei de veelenga i oodou hiidinga. Jerusalem e bei naa dahi hagabuudungaa mee maoha, gai tuuduu iai laa de temple e hai naa ga se lodo mee muimui.

Luke 19:43

E tae mai naa laangi a oo hagadaumee e hagatuu age ai denga mee e duuli ai luoo baasi alodahi,

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Revelation 18:2

Gai ia ne oo i de leo mmahi, ga hagadaba, “Gu maoha, gu maoha loo Babylon maolunga laa! Gai gu se mommee e nnoho ai denga hagasaalunga baubau, se mommee e mmuni ai denga hagasaalunga hakino gee alodahi, se mommee e nnoho ai denga manu llele hakino gee alodahi, aagai se mommee e mmuni ai denga manu dolodolo hakino gee alodahi ma de kino ai o dangada.