Isaiah 24:1 - De Beebaa Dabu

¹ Tilo, Tagi Maolunga e oha naa henua i lalo ga hai gi se mommee e ngadi dagodo; ia e oha naa ono elunga ga hai gi mavaevae saele dangada iai.

Isaiah 24:1 Iomraidhean Croise

2 Kings 21:13

Gai au e haide naa Jerusalem i de uga haide aagu ne haide ai laa Samaria, aama de huaabodu o Ahab. Au e ssolo naa Jerusalem gi bei de hai e ssolo ai laa gi deai mee i dahi gumedi; au e ssolo gi odi mee iai ga huli gi lalo.

Nehemiah 1:8

Hagamaanadu i au muna gu tala ange gi Moses, ma gu hai ange, ‘Noo goodou e dee hai hegau i de muna abodonu, gai au e hai naa goodou gi mavaevae saele i denga huaahenua ange laa,

Psalm 146:9

Tagi Maolunga e dagitilo de gau henua gee; ia e bale ange de hine gu magau dono bodu ma de gauligi gu deai sono damana, aagai e hai gi dee ssula hagatau a de gau baubau.

Isaiah 13:13

Deelaa ai, au e hai naa gi ngalungalue de langi; gai henua i lalo gi ngalue gee mai i dono duulanga, i de laangi o de bole o Tagi o denga hagabuulinga hebagi, ma de laangi o dono lili laumalie.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 2:19

Dangada e saavini naa ga mmuni i lodo haonga i magavaa hadu ma haonga i lo te gelegele, i hiidinga delaadeu maatagu i Tagi Maolunga, ma de mahamaha o dono maolunga, i de masavaa oona e hidi age ai ga luuluu henua i lalo.

Isaiah 24:19

Henua i lalo gu odi i de maoha, henua i lalo gu mahanga lua; henua i lalo gu kona donu de ngalungalue.

Isaiah 24:20

Henua i lalo gu bei tangada senga, gai gu singasinga saele i de madangi bei de baasi hale; gai gu kona taemaha i ono baubau ma dono hagamanege, gai gu baguu — gu dee maua donu gi duu age ange.

Isaiah 27:10

De aduhale buibui gu ngadi dagodo, gu deai e nnoho ai, bei dagodo o de vao; gai damaa a denga kaau e gaimee i kilaa, ma de daakodo ai ga hagammabu, ma de gai ga deai lau o ono laa.

Isaiah 29:16

Goodou e llui gee denga mee, goodou e hai tangada hai gumedi gi bei dagodo o bela pigi! Gai e maua e mee ne hai i luu lima o tangada hai gumedi i de hagadaba, “E dee go ia donu ne haia nei au”? Gai e maua e de gumedi hadu i de hagadaba i tangada ne haia ia, “Ia e deai donu ana mee e iloo”?

Isaiah 29:2

Aagai au e gaamai naa dahi hai ngadaa gi Ariel, dangada iai e tangi naa ma de hinangalosaa; gai au e hai naa de aduhale laa gi bei Ariel.

Isaiah 30:32

Gai hanonga alodahi a Tagi Maolunga e hagailiili ai gilaadeu i dana laagau hagaduasala, gai e hai gi bei hagadangidangi o denga tambourine ma harp, gai ia e hagaabo dono lima e hebagi ange ai gi gilaadeu.

Isaiah 32:12

Hagailiilihia oodou hadahada i hiidinga o denga veelenga danuaa, ma denga grapevine hhua lagolago,

Isaiah 33:9

De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Isaiah 34:10

Gai de ahi laa e ula naa i de boo ma de laangi, dono useahi e buu naa donu huu ga hano ai. Gai de mommee laa e ngadi dagodo naa i denga atangada e loomai; e deai naa hogi dangada e seesee i kilaa ga hano ai e dee ngado mai.

Isaiah 34:2

Tagi Maolunga gu lili i denga huaahenua alodahi, ma de bole mmao i olaadeu hagabuulinga hebagi. Ia e hai naa gi daia gilaadeu gi odi i de maakau; ia e hai naa gi daia gilaadeu gi maakau.

Isaiah 42:15

Au e ulu iho naa denga mounga ma duuduu, ma de hai gi mmae manu ssomo alodahi; au e hai naa denga saalingaa vai gi ni modu, ma de hai gi maamasa mommee iai vai.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Jeremiah 4:7

Dahi laiono gu sao mai i lodo mee muimui; gai de ia e oohaa denga huaahenua gu sao e humai. Ia gu dugu dono mommee gai ia ga oha ai gi maoha doo henua. Oo aduhale e ngadi daakodo naa, gu deai dangada e nnoho ai.

Jeremiah 40:15

Gai Johanan tama daane a Kareah ga basa hagammuni ange gi Gedaliah i Mizpah, ga hai ange, “Dugua mai gai au ga hano e daa Ishmael tama daane a Nethaniah gi magau, gai e deai naa donu dangada e iloo. Gu aha gu dugu ange ai ia gi daia goe gi magau, gai ia ga hai ai gi mavaevae de gau Ssuu alodahi gu hagabuni mai nei gi oo daha, gai dangada e doe i Judah ga odi ai naa loo i de maakau?”

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Jeremiah 51:34

⌊Dangada o Jerusalem e hagataba,⌋ “De hodooligi o Babylon go Nebuchadnezzar gu holo gimaadeu, ia gu hai gi ssenga ange gimaadeu, ia gu hai gimaadeu bei de ssaa gu deai mee i ono lodo. Ia gu holo gimaadeu bei dahi manu hagamaatagu, ma de hhao dono dinae i agu gai mammami, ga lava ga luei mai gimaadeu.”

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Ezekiel 12:20

Gai denga aduhale iai dangada e maoha naa ga daakodo ai, gai de henua e hai naa ga se mommee e ngadi dagodo. Gai gi iloo ai e goodou bolo go au donu go Iahweh.’ ”

Ezekiel 24:11

Gai dugu ange de ngadi anibada gi honga denga maga ahi ga dae ai gi de mahana, gai denga copper iai gu kaa, gi odi ai denga mee baubau iai i de vaivai, gai gu deai mee hongagelegele baalanga iai.

Ezekiel 35:14

E hagadaba de Ia Aamua go Iahweh: Henua i lalo alodahi e malangilangi naa, gai au e hai naa goe gi se mommee e ngadi dagodo.

Ezekiel 5:14

Gai au e hai naa hogi de aduhale gi se mommee e ngadi dagodo ma de hakadanga ai o denga huaahenua e paa adu gi goe, aama dangada alodahi e seesee mai laa kilaa.

Ezekiel 5:2

Gai de masavaa naa huu e odi ange ai laangi aau e duuli ai luu baasi de aduhale, gai koe ga kave e dahi diba i diba e dolu o ngaangaaulu laa ga dudu i lo te aduhale. Gai koe ga kave dahi hagabuulinga ga duuduu i de gadilaasa i luu baasi o de aduhale. Gai koe ga kave dahi hagabuulinga ga hai gi ilihia saele i de madangi. Go hiidinga au e doolohi saele naa gilaadeu ma dagu gadilaasa.

Ezekiel 6:14

Gai au e hagaabo naa dogu lima ga hai baasi ange ai gi gilaadeu, ma de oha de henua ga hai gi ngadi dagodo, i olaadeu mommee nnoho alodahi, mai i de vao ga dae ai gi Riblah. Gai gi iloo ai e goodou bolo go au donu go Iahweh.’ ”

Ezekiel 6:6

Denga aduhale alodahi oodou e nnoho ai naa e maoha naa ga ngadi daakodo, oodou mommee daumaha e oohaa naa, gai oodou mommee o ssigidaumaha e oha naa ga maoha, oodou diinonga e dugidugi naa ga maoha, oodou mommee e sigidaumaha ai mee maanongi e duuduu iho naa, gai oodou mee alodahi ne hai e odi naa donu i teai.

Ezekiel 7:12

De masavaa gu dae mai, gai de laangi laa gu dae mai donu. Tangada e hagao mai ana mee gi dee malangilangi, gai tangada e hagao ina ana mee gi daha gi dee daemaha, go hiidinga de bole ⌊o de Maadua⌋ gu dagodo donu, i honga ono dangada soa laa.

Ezekiel 7:14

Gai ga ili naa donu gilaadeu de trumpet ma de hagadabena mee alodahi, aagai e deai donu dangada e hulo i de hebagi, go hiidinga dogu bole gu i honga de hagabuulingaa dangada laa.

Nahum 1:5

Denga mounga e ngalungaalue i ono mada i mua, gai denga duuduu e vaivai. Henua i lalo e bolebole i mada luoono mada, go de henua ma dangada alodahi e nnoho ai.

Nahum 2:10

Nineveh gu se ngadi aduhale, gu maoha ma gu ngadi dagodo ai! Dangada gu maatagu, gai olaadeu duli gu pole; dangada alodahi gu manavasaa, gai gu mada tea olaadeu mada!

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Acts 17:6

Gai ga dee gidee huu e gilaadeu a Paul ma Silas, gai gilaadeu ga dada mai Jason ma hanu dangada gu hagadonusia laa, ga kave gi mada i mua o dagi o de aduhale laa. Gai gilaadeu ga hevaalogi ga hagataba, “Go denga daane nei ne haia ga hellumi henua i lalo, gai gilaadeu gu loomai hogi gi kinei,

Deuteronomy 28:64

Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.