Isaiah 23:13 - De Beebaa Dabu

¹³ Galo ange diiloo dagodo o de henua o de gau Babylon; deenei de huaadangada nogo deai laa. De gau Assyria ne hai de henua gi se mommee e nnoho ai denga manu lodo henua; gilaadeu ne hagatuu denga mee ne hagatuu e oha ai, gilaadeu ne oha ga maoha ono hale maolunga.

Isaiah 23:13 Iomraidhean Croise

Genesis 11:28

Gai Haran ne magau i mua o dono damana go Terah, i dono henua donu, go Ur o de gau Babylon.

Genesis 11:31

Gai a Terah ga kave dana dama daane go Abram, ma dono mogobuna go Lot, tama daane a Haran, aama Sarai dono saulaba ga hulo gee mai ai i Ur o de gau Babylon ga hulo gi Canaan, gai gilaadeu ne hulo ga tae gi Haran ga noho ai.

Genesis 11:9

Deelaa ai, gu hagaingoo ange go Babel, go hiidinga go kilaa a Tagi Maolunga ne hai ai ga dee heloongoi denga muna o henua i lalo alodahi, gai go kilaa a Tagi Maolunga ne hai ai dangada gi mavaevae gi henua i lalo alodahi.

Genesis 2:14

Gai de ingoo o tolu saalingaa vai go Tigris, gai e sali ma e hano gi baasi i dua o Assyria. Gai de haa saalingaa vai go Euphrates.

2 Kings 17:24

Gai de hodooligi o Assyria ga gaamai de gau Babylon, ma Cuthah, ma Avva, ma Hamath, aama de gau Sepharvaim gi nnoho i denga aduhale o Samaria, o de gau Israel nogo nnoho ai laa. Gai gilaadeu ga loomai ga kave Samaria ma ono aduhale ga nnoho ai.

2 Kings 20:12

De masavaa laa gai Merodak-Baladan, tama daane a Baladan, de hodooligi o Babylon, ne gaamai hanu leda ma dahi mee ngadi gaavange gi Hezekiah, go hiidinga ia gu langona bolo ia nogo magi.

2 Chronicles 33:11

Gai Tagi Maolunga ne gaamai dagi o denga daane hebagi o de hodooligi o Assyria gi noodia Manasseh gi gaavee; gai gilaadeu ne hagalau ange dahi maadau gi dono usu, ma de nnoa ia i denga mee noonooa baalanga ga kave ai ia gi Babylon.

De Beebaa go Job 1:17

De masavaa a taane laa goi tala ai ana muna, gai gu humai ange hogi dahi, ga hai ange, “E dolu hagabuulingaa daane o de gau Chaldea ne loomai ga hebagi mai gi gimaadeu, ga kave gee ai denga gamelo ma de daa ga maakau de gau hai hegau i de gadilaasa. Gai go au donu huu ne ola, gai au ga humai ai nei e tala adu gi de goe.”

Psalm 72:9

Gai denga aamuli i lodo henua e ino naa i ono mada i mua, gai ono hagadaumee e gai naa denga gelegele.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 10:7

Aagai e dee deenei dana hagasaele, e dee deenei hogi dana mee ne maanadu; aagai ia ne hagatau de oha, ma de hagadee kii denga huaahenua soa.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Isaiah 13:21

Aagai denga manu lodo henua e nnoho naa i kilaa, denga jackal e hhao naa lodo olaadeu hale ga hoohonu; denga owl e nnoho naa i kilaa, gai denga guudi de vao e saavini saele naa i kilaa.

Isaiah 18:6

Gai angaanga o denga daane hebagi e gaavange naa gi denga manu llele i honga de mounga, ma denga manu dolodolo i honga de henua. Denga manu llele e gai naa olaadeu kano i de masavaa mahanahana, denga manu lodo henua e gaimee ai naa i de masavaa hagamagalili.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Ezekiel 23:23

go de gau Babylon ma de gau Chaldea alodahi, ma de gau Pekod, ma de gau Shoa ma Koa, gai de gau Assyria alodahi ne dau hogi madali gilaadeu, gai gilaadeu ni dama daane mahamaha, gai ni goobenaa alodahi, gai ni dagi i de hebagi, ma dagi ma daane dau i de hebagi. Gai gilaadeu alodahi e kage i honga hoosa.

Ezekiel 29:18

“Tama a tangada, Nebuchadnezzar, de hodooligi o Babylon ne hai dono hagabuulinga hebagi gi hagammahi gi hebagi ange gi Tyre; gai biho o denga daane alodahi ne tuu ga malali, gai olaadeu eu ne lagolagohia. Aagai teai donu alaadeu mee ne mau i delaadeu hebagi ange gi Tyre.

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Habakkuk 1:6

Gai tilo, au e hai naa gi mmahi de gau Babylon, go de huaahenua hagamaatagu ma de moolau olaadeu lodo, gilaadeu e hagadaga naa i henua i lalo alodahi, ga kave denga mommee nnoho e dee niiolaadeu.

Acts 7:4

Gai ia ne hano gee mai i de henua o de gau Chaldea ga hano ga noho i Haran. Gai dua huu de magau o dono damana, gai de Maadua ga hai ia gi hano gee i de henua laa, gi humai gi de henua oodou e nnoho ai nei iainei.