Isaiah 22:6 - De Beebaa Dabu

⁶ Denga daane hebagi o Elam e hagauda mee hhao dao o de mee hholu, gilaadeu e loomai madali denga hada hebagi ma hoosa; Kir gu dada mai de mee hungihungi.

Isaiah 22:6 Iomraidhean Croise

Genesis 10:22

Dama daane a Shem: go Elam, ma Asshur, ma Arpaxad, ma Lud, aama Aram.

2 Kings 16:9

Gai de hodooligi o Assyria ne hagallongo ange gi de ia, ga hano ga hagadee kii Damascus. Gai ia ga kave gee dangada e nnoho i Kir, gai ga daa Rezin gu magau.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 15:1

Muna hagadaemaha i dagodo o Moab. De aduhale go Ar o Moab gu odi i de maoha, gai ne dahi donu huu boo ne oha ai. De aduhale go Kir o Moab gu odi i de maoha, gai ne dahi donu huu boo ne oha ai!

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Isaiah 22:7

Oo geelonga hhua lagolago gu hoohonu i denga hada hebagi, gai denga daane e kage i honga hoosa e duuli naa denga haitoga o de aduhale;

Amos 1:5

Au e oha naa denga mee hagamakaga baalanga o de haitoga o Damascus, ma de daa gi maakau dangada e nnoho i de geelonga o Aven, ma de ia e hodooligi i Beth Eden; gai de gau Syria e noonoa naa ga kave gi Kir,” go Tagi Maolunga e hagadaba.

Amos 9:7

“De gau Israel, goodou e dee bei laa dagodo o de gau Ethiopia i ogu daha? go Tagi Maolunga e hagadaba. E dee go au ne hagassao ina mai Israel i de henua go Egypt, ma de gau Philistia mai i Caphtor, aama de gau Syria mai i Kir?