Isaiah 22:5 - De Beebaa Dabu

⁵ De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Isaiah 22:5 Iomraidhean Croise

2 Kings 19:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, gai gu bei de masavaa o de hine e hai ai ono hagalangona, gai gu deai ono mahi e haanau ai.

2 Kings 25:10

Gai de hagabuulinga hebagi o Babylon alodahi ne loomai laa madali tagi o de gau hagaloosi ga oha de buibui i luu baasi o Jerusalem.

Esther 3:15

Gai de gau ne gaavee laa de hagailoo, ne hagamoolau ga hulo i hiidinga muna a de hodooligi; gai muna laa ne hagailoo hogi i de madaaolo go Susa. Dua mee laa gai de hodooligi ma Haman ne nnoho ga unu, aagai dangada i de aduhale go Susa gu dee tonu ange gi de hagailoo laa.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 22:1

Muna hagadaemaha i dagodo o de Geelonga o Midi Hagaago. Ni aha gu hai naa, gai goodou alodahi ga kage age ai gi tua denga hale?

Isaiah 25:10

De lima mmahi o Tagi Maolunga e buibui de mounga nei, aagai ia e dagadagahi naa Moab gi lalo luoono vae, bei denga lau helii mmasa e dagadagahia laa gi lodo duudae.

Isaiah 37:3

Gai gilaadeu ne hai ange gi de ia, “E hagadaba Hezekiah, ‘Anailaa nei gai gidaadeu gu hai ngadaa, ma de dookaa, aama de hagangadi mee ina, bei de masavaa o de hine e hai ai ono hagalangona, gai gu deai ono mahi e haanau ai.

Isaiah 5:5

Iainei gai au e tala adu gi goodou dagu hai e hai ai dagu veelengaa grape: au e aau gee naa de buibui i luu baasi, gai e oha naa ga maoha; au e oha iho naa dono buibui, gi dagadagahia ai gi lalo.

Isaiah 63:3

“Go au donu huu ne dagadagahi denga grape i de mommee kumi uvaini; gai teai donu se dangada mai i de huaadangada madali au. Au ne dagadagahi gilaadeu i dogu lili ma de hagaduasala gilaadeu gi lalo i dogu bole; gai olaadeu dodo ne ssii age gi ogu malo, gai ogu malo alodahi gu baalau hogi i dodo.

Isaiah 63:6

Au ne dagadagahi denga huaahenua i dogu lili, gai ne hai gilaadeu gi ssenga i dogu bole; au ne llingi olaadeu dodo gi honga de gelegele.”

Jeremiah 30:7

E vakaa naa dangada i de laangi laa! Gai e deai ange naa donu se laangi bei nei. De laangi laa e hai naa ga se masavaa hai ngadaa ange gi Jacob, aagai ia e ola mai ai naa donu.

Lamentations 1:5

Dangada e kino i Zion gu ni dagi i kilaa, ono hagadaumee gu nnoho paba. Tagi Maolunga gu hagaduasala Zion, i hiidinga ono haisala gu lagolago mmao. Ana dama gu gaavee gee mai i de henua, gai gu hai gi seesee i mada i mua o olaadeu hagadaumee.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Lamentations 2:8

Tagi Maolunga gu baba ange e oha de buibui o tamaa hine o Zion. Ia gu dagi de uga haide e haide ai, gai tee hagaahe donu dono lima e oha ai laa. Ia ne hai denga mee hagamakaga i tua de buibui ma denga buibui gi hagaaloha olaadeu dagodo; gai mee nei alodahi gu maoha ma gu daakodo ai.

Ezekiel 7:7

De hagaduasala gu dae mai donu gi goodou — dangada e noho i de henua. De masavaa gu dae mai donu, gai de laangi laa gu baa mai donu; gai se hagamaatagu, e dee se laangi e malangilangi ai dangada i honga mounga.

Hosea 10:8

Denga mommee daumaha o Aven e oha naa, go de mommee o Israel ne haisala ai. Manu daladala ma manu duiduia e ssomo age naa i honga olaadeu mommee o ssigidaumaha. Gai gilaadeu e hai ange naa gi denga mounga, “Haolia gimaadeu!” gai e hai ange naa gi denga duuduu, “Baakuu mai haolia gimaadeu!”

Micah 7:4

Tangada danuaa hugadoo e bei de manu duiduia, tangada heohi hugadoo e baubau ange i de buibui o manu daladala. De laangi o oo dangada dagitilo gu baa mai donu, go de laangi o de Maadua e dae mai ai gi de goe. Iainei go de masavaa olaadeu e ssenga ange ai.

Zephaniah 1:15

De laangi laa se laangi niio de bole — se laangi hagamaatagu ma de hagamanavasaa, se laangi hai ngadaa gai e oha ai mee alodahi, se laangi gohu ma tee maalama, se laangi hagausinga ina ma de gohu boo dangodango,

Matthew 24:16

“gai dangada i Judea gi saavini gi hulo gi denga mounga.

Luke 23:30

Gai dangada e hai ange naa gi denga mounga, ‘Baakuu mai haolia gimaadeu,’ gai e hai ange naa gi denga duuduu, ‘Haolia gimaadeu!’