Isaiah 22:1 - De Beebaa Dabu

¹ Muna hagadaemaha i dagodo o de Geelonga o Midi Hagaago. Ni aha gu hai naa, gai goodou alodahi ga kage age ai gi tua denga hale?

Isaiah 22:1 Iomraidhean Croise

Genesis 21:17

Gai de Maadua gu langona de leo o tama daane laa, gai tangada de langi o de Maadua ga basa ange gi Hagar mai i de langi, ga hai ange gi de ia, “Gu aha naa goe e Hagar? Aude madagu, go hiidinga de Maadua gu langona de leo o tama i de mommee oona iai.

2 Samuel 14:5

De hodooligi ne ssili ange gi de ia, “Se aha aagu e bale adu ai goe?” De hine laa ne hai ange, “Au se hine gu deai sogu bodu; gai dogu bodu gu magau.

2 Kings 6:28

Gai de hodooligi ga ssili ange gi de hine laa, “Se aha oou e duasala ai?” Gai de hine laa ga hai ange, “De hine nei ne hai mai gi de au, ‘Gidaau ga daa dau dama daane e gai ailaa nei, daiao gai gidaau ga daa dagu dama e gai.’

Psalm 114:5

Tai, gu aha gu savini ai laa goe ma gu hano? Jordan, gu aha gu ahe dua ai laa goe?

Psalm 125:2

Tagi Maolunga e duuli ono dangada, mai iainei ga hano ai, bei de duuli a denga mounga luu baasi o Jerusalem.

Proverbs 29:18

Ga deai naa huu midi hagaago ange, gai dangada gu hai donu huu olaadeu lodo, aagai e manuuia tangada e daohia de hainga.

Isaiah 13:1

Muna hagadaemaha i dagodo o Babylon ne hagaago ange gi Isaiah tama daane a Amoz.

Isaiah 15:3

Gilaadeu gu kahu i malo daladala i honga haiava; gai dangada alodahi gu tangi ssee i honga dahuuhuu o denga hale ma lodo aduhale, ma de ino gi honga de gelegele ma e tangi ai.

Isaiah 22:5

De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Jeremiah 19:13

Denga hale i Jerusalem ma hale o denga hodooligi o Judah e hai naa ga hakino gee bei de mommee go Topheth — go denga hale alaadeu ne dudu ai mee maanongi i tua denga hale, ange gi denga heduu, aama de llingi ai denga sigidaumaha o mee unu ange gi denga diinonga.’ ”

Jeremiah 21:13

Tilo, au e hai baasi adu gi de goe, Jerusalem, go de aduhale e duu laa i honga de geelonga nei, ma honga de mommee haduhadua i de mommee soe, go Tagi Maolunga e hagadaba; ma goodou e hagataba laa, ‘Goai e maua i de hai baasi mai gi gimaadeu, gai goai e maua i de ulu mai gi lo te maadeu mommee nnoho?’

Jeremiah 32:29

Gai de gau Babylon e hebagi ange nei gi de aduhale nei e ulu mai naa ga dudu de aduhale i de ahi, madali denga hale a dangada e dudu ai laa mee maanongi ange gi Baal i tua olaadeu hale, aama de sigidaumaha ange mee unu gi denga diinonga ga hidi mai ai dogu bole.

Jeremiah 32:32

Dangada alodahi o Israel ma dangada o Judah gu hai au ma gu bole, i alaadeu hegau baubau alodahi — go gilaadeu ma olaadeu hodooligi, ma olaadeu dagi, ma olaadeu dangada haimeedabu, ma olaadeu pelaabisi, go daane o Judah ma dangada o Jerusalem.

Jeremiah 48:38

Honga hale alodahi i Moab aama honga ono haiava e deai ange naa donu mee e langona ai, go de tangi donu huu, i hiidinga au gu hhoa Moab bei de ssaa e deai dangada e lodo ai, go Tagi Maolunga e hagadaba.

Joel 3:12

Haia gi loomai denga huaahenua; haia gilaadeu gi hulo gi de Geelonga o Jehoshaphat. Go hiidinga au e noho naa i dogu nohoanga i kilaa ga hagamodu ai muna o denga huaahenua i luu baasi delaadeu henua.

Joel 3:14

Dangada soa mmao, dangada soa mmao, i lo te geelonga e hagamodu ai muna! Go hiidinga de laangi o Tagi Maolunga gu baa mai donu gi de geelonga e hagamodu ai muna.

Micah 3:6

Deenei ai, de boo e dae mai naa gi goodou, gu deai oodou midi hagaago ange e gidee, gai gu gohu, goodou gu dee maua i de tala mee e loomai. Denga pelaabisi e dee gidee naa de laa, gai de laangi e hai naa ga gohu ange gi gilaadeu.

Zephaniah 1:5

go gilaadeu e ino gi lalo i tua denga hale ma e daumaha ange gi denga heduu i lo te langi; ma dangada e ino ange ma de hagatoo donu i de ingoo o Tagi Maolunga aagai e hagatoo donu hogi i de ingoo o Milcom,

Matthew 10:27

Agu mee e tala adu gi goodou i lo te gohu, gai goodou daalaa i de maalama; agu mee ne musumusu adu gi oodou dalinga, gai goodou hagailoo ina i tua denga hale.

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Deuteronomy 22:8

De masavaa naa huu aau e hagaduu ai doo hale, gai koe haia dahi mee ga buibui tua doo hale i luu baasi, gi dee haisala ai goe, noo dahi dangada gu doo iho i tua doo hale.

Judges 18:23

Gai gilaadeu ne oo ga hagaagahi de gau de aamuli o Dan; gai denga daane laa ne aahe mai ga ssili ange gi Micah, “Gu aha, gai koe ga hagahi mai ai naa dahi hagabuulingaa daane e humai ai?”

1 Samuel 11:5

Gai a Saul se goodo ahe mai donu huu i de mommee iai denga veelenga madali ana kaau. Gai ia ne ssili ange, “Gu aha dangada gu tangi ai nei?” Gai gilaadeu ga tala ange gi de ia longo o dangada i Jabesh.

1 Samuel 3:1

Gai tama daane go Samuel ne hai hegau ange gi Tagi Maolunga i lalo o Eli. Laangi laa gai gu dai deai donu midi hagaago ange, mai i daho Tagi Maolunga.