Isaiah 21:2 - De Beebaa Dabu

² Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Isaiah 21:2 Iomraidhean Croise

Genesis 10:22

Dama daane a Shem: go Elam, ma Asshur, ma Arpaxad, ma Lud, aama Aram.

2 Kings 17:6

Gai ssiva ngadau huu o Hoshea, gai de hodooligi o Assyria ga hagadee kii Samaria, ga kave de gau Israel gi Assyria, ga dugu gilaadeu i Halah ma Gozan i gaogao ssaalingaa vai go Habor, aama lodo aduhale o de gau Media.

Psalm 119:158

Au e kino i gilaadeu e dee hai hegau i de mee abodonu, i hiidinga gilaadeu e dee daudali i au muna.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Psalm 25:3

Gai gi deai donu se dangada e daalia adu goe e dogaa; aagai haia gi dookaa gilaadeu e hai baasi adu gi de goe i teai hiidinga.

Psalm 60:3

Koe gu hai oo dangada gi gidee denga masavaa hai ngadaa; koe gu hai gimaadeu gi unumia uvaini gi ssee saele ai gimaadeu.

Psalm 79:11

Koe gi hagalaangona de tangi o dangada i lo te hale pono; ma de hagaola gilaadeu gu hagamodu e daa gi maakau i doo lima mmahi.

Proverbs 13:15

De heiangi e hai ga hagadubu ina tangada, aagai de haiava o tangada e dee hai hegau laa i de mee abodonu e hai ngadaa.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 14:4

gai goodou e hua ange naa taahili hagammae manava nei gi de hodooligi o Babylon: “De ia e vaivai haia dangada gu lilo! Dono lili mmahi gu tuu!

Isaiah 14:7

Henua i lalo alodahi gu mmabu ma de nnoho paba, gilaadeu gu oo ma gu daahili.

Isaiah 22:6

Denga daane hebagi o Elam e hagauda mee hhao dao o de mee hholu, gilaadeu e loomai madali denga hada hebagi ma hoosa; Kir gu dada mai de mee hungihungi.

Isaiah 24:16

Gimaadeu gu langona de leo o taahili mai i luu bido o henua i lalo: “Hagamahamaha ina de Ia Heohi laa!” Aagai au ne hagadaba, “Au gu hagadaga mai! Au gu hagadaga mai! Gu vakaa loo au! De gau hadu muna e duudagi de hagabaubau! Gilaadeu e hagadaga ange donu de hagabaubau.”

Isaiah 33:1

E vakaa naa goe, de ia e oohaa denga henua, gai tigi ai donu dangada ne oohaa ina goe! E vakaa naa goe, tangada e dee hai hegau i de mee abodonu, gai tigi ai donu dangada ne hagasengalia goe! De masavaa naa huu aau e tuu ai de oha gai koe e oohaa naa donu hogi; de masavaa naa huu aau e tuu ai de hagasenga dangada, gai koe e hagasengalia naa donu hogi.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 47:6

Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.

Jeremiah 25:25

ma hodooligi alodahi o Zimri, ma hodooligi alodahi o Elam, ma hodooligi alodahi o Media;

Jeremiah 31:20

E aha, e dee go Ephraim dagu dama daane hagamogomogo, go tama oogu e malangilangi ai? Gai dee galemu tee modu dogu hai baasi ange i agu muna, aagai au e dee ngalo donu ia. Deenei ai, au e buliaamou donu i de ia, au e abodonu ange naa donu gi de ia, go Tagi Maolunga e hagadaba.

Jeremiah 31:25

Gai au e hai naa gi mmabu gilaadeu e daalea, ma de haangai gilaadeu gu deai olaadeu mahi.”

Jeremiah 45:3

Koe ne hagadaba, ‘Gu vakaa loo au! Tagi Maolunga gu hai gi kona dogu daemaha ma de mmae; au gu dalea i de gonogono gai gu dee maua i de hagamabu.’ ”

Jeremiah 49:34

Gai aanei muna a Tagi Maolunga ne hagaago ange gi de pelaabisi go Jeremiah, dagodo o Elam, i taamada de dagi o Zedekiah, de hodooligi o Judah, ga hai ange,

Jeremiah 49:35

“E hagadaba Tagi o denga hagabuulinga hebagi: Tilo, au e hhadi naa de mee hholu a Elam, go de goloa hebagi olaadeu e mmahi ai.

Jeremiah 50:14

Goodou holiagina luu baasi o Babylon hebagi ange aagena, goodou alodahi e dilia de mee hholu; dilia au dao gi odi ange gi lo te aduhale, go hiidinga ia gu haisala ange gi Tagi Maolunga.

Jeremiah 50:34

Aagai de ia e hagaola ina gilaadeu e mmahi mmao; dono ingoo go Tagi o denga hagabuulinga hebagi. Ia e bale ange naa donu gilaadeu, gai ia ga hai ai gi nnoho paba delaadeu henua, aagai e hai naa gi dee nnoho paba dangada e nnoho i Babylon.

Jeremiah 51:11

Hakaa ina denga dao! Gai hagauda ina denga mee hungihungi! Tagi Maolunga gu hagangaalue lodo o denga hodooligi o de gau Media, go hiidinga ia gu baba ange e oha Babylon. Tagi Maolunga e sui ange naa ana mee ne hai ange gi dono temple.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Lamentations 1:22

Alaadeu hegau baubau alodahi gi tae age gi mada luoo mada; gai hagaduasala ina gilaadeu bei dau hai gu hagaduasala ai nei au, i hiidinga o ogu haisala alodahi. Gu kona mmao dogu gonogono i dogu duasala gai gu deai ogu mahi.”

Daniel 5:28

Peres: Doo nohoanga hodooligi gu vvae lua ma gu gaavange gi de gau Media ma de gau Persia.”

Daniel 5:9

Gai de hodooligi go Belshazzar gu kii ange donu de madagu, luoono mada gu kii ange hogi i de mada tea. Gai ono dangada aamua gu dee iloo be ni aha alaadeu e hai.

Daniel 8:2

Au ne galo adu i dagu midi hagaago ange, gai au gu gidee, bolo au gu i de hale buibui makaga go Susa, i de ungaamee go Elam; gai au ne gidee i de midi, bolo au e duu i gaogao ssaalingaa vai go Ulai.

Daniel 8:20

Dau ssiibi daane ne gidee laa ma luoono hanga, go de hodooligi o Media ma de hodooligi o Persia.

Revelation 13:10

Noo tangada e kave gi dahi henua gee, gai ia e gaavee naa donu gi dahi henua gee. Noo e daa ia gi daa gi magau i de gadilaasa, gai ia e daia naa donu gi magau i de gadilaasa. De mee nei se hagahi ange gi dangada o de Maadua, gilaadeu gi hagaduu ngae i de golomagi lodo ma de gai.

1 Samuel 24:13

Gai e bei de muna hagasengasenga madagidagi e hai ange laa, ‘Go daho de gau baubau e ssula age ai hegau baubau.’ Aagai au e dee hai baasi adu naa donu gi de goe.