Isaiah 20:4 - De Beebaa Dabu

⁴ gai e bei ai hogi, de hodooligi o Assyria e aau gee naa malo ma mee vae o de gau Egypt, ma de gau Ethiopia ga kave gilaadeu gi olaadeu henua, gai dae o denga gauligi ma de gau maatua e hai naa ga ssula mai — e hagadogaa ai Egypt.

Isaiah 20:4 Iomraidhean Croise

2 Samuel 10:4

Gai Hanun ga kave denga daane hai hegau o David ga dahi luu baasi o olaadeu gumigumi, ma de duuduu bido i lalo olaadeu malo gu ssula mai olaadeu dae, ga hai gilaadeu gi hulo.

1 Chronicles 19:4

Gai Hanun ne kave denga daane hai hegau o David ga dahi olaadeu gumigumi, aama de duuduu bido i lalo olaadeu malo gu ssula mai olaadeu dae, ga hai gilaadeu gi hulo.

Isaiah 19:4

Au e dugu ange naa de gau Egypt gi dahi dagi e vaivai haia laa dangada gai dahi hodooligi hagamaatagu e dagi naa gilaadeu,” go de Ia Aamua, Tagi o denga hagabuulinga hebagi e hagadaba.

Isaiah 3:17

Deelaa ai, de Ia Aamua e hai naa gi ssomo denga mangeo i biho o denga haahine o Zion, Tagi Maolunga e hai naa gi maalali olaadeu biho.”

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.

Isaiah 31:3

De gau Egypt ni dangada, e dee go de Maadua; alaadeu hoosa ni mee henua i lalo, e dee ni hagasaalunga. De masavaa a Tagi Maolunga e hagaabo ai dono lima sauaa, gai de huaahenua e balea ange laa e maoha naa, gai de ia e gaavee laa de bale e dee kii; gilaau ngaadahi e oohaa naa.

Isaiah 47:2

Haia denga hadu mmili ga mmili ai denga grain gi lligi; hagauia de malo e haoli ai luoo mada. Langaa age oo malo, gi ssula mai ai luoo gauanga, gai koe ga seesee laa lodo saalingaa vai.

Isaiah 47:3

Gai dangada e gidee naa doo gilisau, gai koe e dogaa naa i de hagaui oo malo; au e sui adu naa oodou hegau baubau, gai au e dee dugu naa donu dahi goodou gi ola.

Jeremiah 13:22

Gai noo koe e ssili i oo lodo, “Gu aha gu hai mai ai mee nei gi de au?” — go hiidinga de lagolago oo baubau ne aau gee ai oo malo ma doo haia gi de mahi.

Jeremiah 13:26

Au e hagaui naa oo malo ga haoli ai luoo mada gi dogaa ai goe i doo gilisau.

Jeremiah 46:19

Dangada e nnoho i Egypt, haoa oodou goloa e hulo ai goodou gi dahi henua gee, go hiidinga Memphis e oha naa ga ngadi dagodo, gu se mommee maoha gu deai dangada e nnoho ai.

Jeremiah 46:26

Gai au e dugu ange naa gilaadeu gi dangada e nnoho e daia gilaadeu gi maakau, go Nebuchadnezzar de hodooligi o Babylon ma dagi o ono daane hebagi. Gai muli mai naa huu gai dangada gu aahe ange ga nnoho i Egypt, bei ono dagodo madagidagi, go Tagi Maolunga e hagadaba.

Ezekiel 30:18

Tahpanhes e gohu naa i de laangi, i de masavaa aagu e hhadi ai de laagau hagahai hegau a Egypt. Gai ono mahi e hagamaolunga ai laa e lilo naa. De hagausinga e haoli naa de henua, gai ono dangada e noonoodia naa ga gaavee gi dahi henua gee.

Amos 9:7

“De gau Israel, goodou e dee bei laa dagodo o de gau Ethiopia i ogu daha? go Tagi Maolunga e hagadaba. E dee go au ne hagassao ina mai Israel i de henua go Egypt, ma de gau Philistia mai i Caphtor, aama de gau Syria mai i Kir?

Micah 1:11

Dangada e nnoho i Shaphir, goodou seesee hulo i doodou dookaa ma de gilisau. Dangada e nnoho i Zaanan e dee ssao mai gi tua de buibui. Beth Ezel gu hinangalosaa; go hiidinga delaadeu buibui gu gaavee gee.

Nahum 3:10

Aagai ono dangada gu gaavee gee i de henua, ma de gaavee gi dahi henua gee. Ana gaagaa ne dagadagahia naa gi lo te gelegele i dege o denga haiava. Dangada e dada naa denga laagau i ono dangada aamua, gai ono dangada maolunga ne noonoodia i daula baalanga.

Zephaniah 2:12

“De gau Ethiopia, goodou e bei naa hogi olaadeu dagodo, goodou e daa naa ga maakau i de gadilaasa.”

Revelation 3:18

Deenei ai, au e hai adu koe gi hagao ina hanu goolo gu lava laa i de hagadanuaa i de ahi i ogu daha, gi lava ai goe, ma de gahu i malo tea, gi dee hagadookaa ai oo dagodo i teai oo malo. Hagao ina hogi hanu valaai e hai ai luoo ganomada gi gide ai goe.