Isaiah 2:3 - De Beebaa Dabu

³ gai dangada soa e loomai naa, ga hagataba: “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia e agoago mai naa gidaadeu i ono haiava gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Isaiah 2:3 Iomraidhean Croise

Esther 9:27

gai de gau Ssuu ne hai de laangi nei gi se laangi e dao i olaadeu daha, ma olaadeu aamuli aama dangada alodahi gu hai laa gi ni dangada Ssuu. Gai gilaadeu ne duudagi de dao luu laangi nei, bei de hai gu sisi ai laa ma gu hagamodu ange gi denga ngadau alodahi.

Psalm 102:23

Ia ne tuu mai ogu mahi i de masavaa oogu e dama daane ai, gai ne hai gi sogoisi laangi oogu e mouli ai.

Psalm 110:2

Tagi Maolunga e haalo ina mai dau laagau hodooligi sauaa i Zion, gai koe e dagi naa i magavaa o oo hagadaumee.

Psalm 119:171

Au gi kona mmao dagu tuhi goe, gai koe e agoago mai au i au muna gu hagasauaa.

Psalm 122:1

Au ne malangilangi i delaadeu hai mai gi de au, “Gidaadeu ga hulo gi de hale o Tagi Maolunga.”

Psalm 48:1

Tagi Maolunga e maolunga mmao, gai e heohi de hagalaumalie dono tuhi i lo te aduhale o taadeu Maadua. Dono mounga dabu

Isaiah 1:26

Au e hagaahe adu naa oo dangada hagamodu bei de masavaa i mua, gai oo dangada hagasaele gi bei taamada age. Muli mai naa huu gai koe e hagaingoo ange go de Aduhale Heohi ma de Aduhale e Hai Hegau i de Mee Abodonu.”

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 19:23

De masavaa laa gai e dahi haiava laumalie e humai naa i Egypt ga hano gi Assyria. De gau Assyria e loomai gi Egypt, gai de gau Egypt e hulo gi Assyria. Gai de gau Assyria ma de gau Egypt e hagabuni naa ga daumaha.

Isaiah 28:9

⌊Gilaadeu e ssili,⌋ “Goai aana e hagatale nei de agoago ange i de iloo mee? Gai goai aana e hagadonu ange aagena ana muna? Go denga gaagaa gu dee unu laa vai uu, go denga gaagaa gu dee unuunu laa i de gaanuunu?

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”

Isaiah 56:5

au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.

Isaiah 56:7

au e gaamai naa gilaadeu nei alodahi gi dogu mounga dabu, ma de hai gilaadeu gi malangilangi i dogu hale dalodalo. Gai au e malangilangi naa i alaadeu sigidaumaha dudu ma alaadeu sigidaumaha e hai i honga dogu mommee o ssigidaumaha; go hiidinga dogu hale e hagaingoo ange naa go de hale dalodalo o denga huaahenua alodahi.”

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 65:11

Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;

Isaiah 66:20

Gai gilaadeu e hagaahe mai naa oodou daina i denga huaahenua alodahi gi dogu mounga dabu, e hai ai ssigidaumaha ange gi Tagi Maolunga. Gilaadeu e loomai naa i honga denga hoosa ma hada hebagi, ma honga hada ange laa, ma honga denga donkey ma gamelo, bei de hai a de gau Israel e gaamai ai laa alaadeu sigidaumaha grain i lodo gumedi gilimalali gi de hale o Tagi Maolunga, go Tagi Maolunga e hagadaba.

Jeremiah 12:16

Gai de masavaa naa huu alaadeu e kana ange ai ga ago haiava o ogu dangada, ma de hagatoo donu i dogu ingoo, ga hagataba, ‘Au e hagatoo donu i de mouli o Tagi Maolunga’ — bei delaadeu hai ne agoago ange ai ogu dangada, gi hagatoo donu i de ingoo o Baal — gai gilaadeu e nnoho paba naa i magavaa o ogu dangada.

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 31:6

Gai e dahi naa laangi a de gau dagitilo e oo ai i honga mommee iai mounga o Ephraim, ga hagataba, ‘Loomai, gidaadeu ga loage gi Zion, gi daho Tagi Maolunga, taadeu Maadua.’ ”

Ezekiel 40:2

Gai de Maadua ne kave au i de midi hagaago ange gi de henua go Israel, ga dugu au i honga dahi mounga maolunga mmao, i de baasi gi ngaage o dahi mommee e tuu ai hanu hale gai e bei dahi aduhale.

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Matthew 7:24

“Deenei ai, dangada alodahi e langona agu muna nei ga hai hegau ai, e bei dagodo o tangada heiangi e hagaduu laa dono hale i honga de baba.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

John 4:22

Goodou de gau Samaria e daumaha ange gi mee oodou e dee tonu ange aagena; aagai gimaadeu e daumaha ange gi mee amaadeu e tonu ange aagena, go hiidinga de hagamouli se mee mai i daho de gau Ssuu.

John 7:17

Tangada e lodo e daudali i lodo o de Maadua e maua gi iloo, be agu agoago ni mee mai i daho de Maadua aabe niiagu donu huu.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Acts 10:33

Deelaa ai, au ne hagamoolau ga hai gi loadu hanu dangada gi gaamai goe, aagai koe gu abodonu hogi ma gu humai. Gimaadeu alodahi gu nnoho i kinei i mada luu mada o de Maadua e hagallongo ai mee hugadoo gu lava i de tala adu gi de goe mai i daho de Maadua.”

Romans 10:18

Aagai au e ssili adu: E aha, gilaadeu tigi langona laa donu? Uaa, gilaadeu gu langona donu, go hiidinga gu sisi e hai ange, “Olaadeu leo gu hulo ma gu tae gi henua i lalo alodahi, gai alaadeu muna gu tae gi luu bido o henua i lalo.”

Deuteronomy 33:19

Gilaadeu e hagahi naa dangada gi loomai gi delaadeu mounga, gai gilaadeu ga hai ai denga sigidaumaha heohi. Gilaadeu e kave naa mee danuaa i lausedi, ma mee hagamogomogo e danumia laa i lo te gelegele.”

Deuteronomy 6:1

Aanei muna, ma hainga gu hagasauaa, aama hagamodu a Tagi Maolunga doodou Maadua ne gaamai, au gi agoago ina adu ai goodou; gai goodou ga daohi ai mee nei, i doodou tae gi de henua oodou ga hulo naa e kave i de baasi laa o Jordan,

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.