Isaiah 2:2 - De Beebaa Dabu

² Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Isaiah 2:2 Iomraidhean Croise

Genesis 49:1

Gai Jacob ga hagahi ana dama daane, ga hai ange, “Goodou hagabuni mai, gai au ga tala adu gi goodou mee e hai adu gi goodou i muli.

De Beebaa go Job 19:25

Aagai au e iloo bolo dogu Ia Hagaola e mouli, gai muli mai naa huu gai ia e duu i honga henua i lalo.

Psalm 102:23

Ia ne tuu mai ogu mahi i de masavaa oogu e dama daane ai, gai ne hai gi sogoisi laangi oogu e mouli ai.

Psalm 2:8

Dangidangi mai gi de au, gai au ga bolo adu gi de goe denga huaahenua, ma de hai goe gi henua i henua i lalo alodahi.

Psalm 22:27

Henua i lalo alodahi e manadua, ma de daahuli mai gi Tagi Maolunga; gai aamuli alodahi o denga huaahenua e daumaha adu naa gi de goe.

Psalm 22:28

I hiidinga go Tagi Maolunga e maolunga; gai go ia e hodooligi i denga huaahenua alodahi.

Psalm 48:2

e mahamaha gai e maolunga, go de mommee e malangilangi ai henua i lalo alodahi, go de mounga go Zion, e duu laa i baasi ngaiho, go de aduhale o de Hodooligi maolunga.

Psalm 68:17

Hada hebagi o de Maadua e lagolago ange i tahisemada, gai e lagolago ange i tahiseguli; de Ia Aamua gu humai i Sinai gi dono mommee dabu.

Psalm 72:8

Ia e hodooligi naa mai dahi dai ga dae ai gi tai ange laa, ma mai i ssaalingaa vai go Euphrates ga dae ai gi de bido laa o henua i lalo.

Psalm 86:9

Denga huaahenua alodahi aau ne hai e loomai naa ga ino gi lalo ga daumaha adu gi de goe, dogu Ia Aamua, aama de hagamahamaha doo ingoo.

Psalm 87:1

De aduhale aana ne hai e duu i honga de mounga dabu;

Psalm 87:2

Tagi Maolunga e malangilangi ange i de aduhale go Zion i denga mommee alodahi e nnoho ai dangada o Jacob.

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 25:6

Gai Tagi o denga hagabuulinga hebagi e hagadabena naa i honga de mounga nei dahi daonga i gai mammami ange gi denga huaadangada alodahi, se daonga e hai i uvaini gu doange i ngadau lagolago — ma giidagi moomuna ma uvaini danuaa hugadoo.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Isaiah 30:29

Aagai goodou e daahili naa bei doodou daahili i de boo oodou e hai ai dahi daonga dabu; goodou e malangilangi naa bei de masavaa o dangada e ili ai denga flute, ga daga age ai gi de mounga o Tagi Maolunga, go de Baba makaga o Israel.

Isaiah 49:6

ia e hagadaba, “Se mee dee dau dagu hai goe go dogu dangada hai hegau, e hagaola ai denga aamuli o Jacob, ma de hagaahe mai de gau Israel aagu ne hagaola. Au e hai naa hogi goe gi se maalama ange gi denga huaahenua, gai koe ga kave ai dagu hagaola gi de bido laa o henua i lalo.”

Isaiah 56:5

au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.

Isaiah 56:7

au e gaamai naa gilaadeu nei alodahi gi dogu mounga dabu, ma de hai gilaadeu gi malangilangi i dogu hale dalodalo. Gai au e malangilangi naa i alaadeu sigidaumaha dudu ma alaadeu sigidaumaha e hai i honga dogu mommee o ssigidaumaha; go hiidinga dogu hale e hagaingoo ange naa go de hale dalodalo o denga huaahenua alodahi.”

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 65:11

Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;

Isaiah 66:20

Gai gilaadeu e hagaahe mai naa oodou daina i denga huaahenua alodahi gi dogu mounga dabu, e hai ai ssigidaumaha ange gi Tagi Maolunga. Gilaadeu e loomai naa i honga denga hoosa ma hada hebagi, ma honga hada ange laa, ma honga denga donkey ma gamelo, bei de hai a de gau Israel e gaamai ai laa alaadeu sigidaumaha grain i lodo gumedi gilimalali gi de hale o Tagi Maolunga, go Tagi Maolunga e hagadaba.

Isaiah 66:23

Mai i de duu o de maasina i dai ga dae ai gi de ahe ange ga duu, ma mai i dahi Sabbath ga dae ai gi dahi Sabbath, gai dangada alodahi e loomai naa ga daumaha mai gi de au, go Tagi Maolunga e hagadaba.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Jeremiah 23:20

De lili o Tagi Maolunga e dee ahe dua naa donu ga dae ai gi dana hagassula de hagatau gu dagodo laa i ono lodo. Gai muli mai naa huu gai goodou e tonu danuaa ange aagena.

Jeremiah 26:18

“Micah taane Moresheth ne tala pelaabisi i de masavaa o Hezekiah, de hodooligi o Judah. Ia ne tala ange gi dangada alodahi o Judah, ga hai ange, ‘E hagadaba Tagi o denga hagabuulinga hebagi: Zion e hagabalabala naa bei de veelenga; Jerusalem e bei naa de hagabuudungaa mee maoha, gai tuuduu iai laa de temple e hai naa ga se lodo mee muimui.’

Jeremiah 3:17

De masavaa laa gai Jerusalem e hagaingoo ange naa go de Nohoanga o Tagi Maolunga, gai denga huaahenua alodahi e hagabuni mai naa gi Jerusalem i mada luu mada o Tagi Maolunga. Gilaadeu gu dee aahe ange e hai de baubau ma de hagamakaga olaadeu lodo.

Jeremiah 30:24

Gai de lili mmahi o Tagi Maolunga e dee ahe naa donu ga dae ai gi dana hagassula mee alodahi aana e lodo e hai. Muli mai naa huu gai goodou gu tonu ange naa aagena.

Jeremiah 31:12

Gai gilaadeu e daga mai naa ma de daahili i honga tuuduu o Zion; gilaadeu e malangilangi naa i mee danuaa a Tagi Maolunga: go denga grain, ma uvaini, ma lolo, ma dama a de hagabuulingaa ssiibi ma guudi aama kaau. Gilaadeu e bei naa de veelenga gu maluulu danuaa laa, gai gilaadeu e dee daemaha ange naa donu.

Jeremiah 48:47

Aagai au e hagaahe ange naa de manuuia o Moab, i denga laangi e loomai,” go Tagi Maolunga e hagadaba. Deenei de odi de hagamodu muna o Moab.

Jeremiah 49:39

Aagai muli mai naa huu, gai au e hagaahe ange naa de manuuia o Elam,” go Tagi Maolunga e hagadaba.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Ezekiel 38:16

Gai koe e humai naa ga hebagi ange gi ogu dangada go de gau Israel, bei dagodo o de hagausinga e hanage laa ga haoli honga de henua. Au e gaamai naa goe gi hebagi ange gi dogu henua i denga laangi hagaodi, gi iloo ai e denga huaahenua ogu dagodo, i de masavaa aagu e hagaago ange ai gi gilaadeu bolo au e dabu i agu hegau e hai i oo daha i madamada o dangada.

Ezekiel 40:2

Gai de Maadua ne kave au i de midi hagaago ange gi de henua go Israel, ga dugu au i honga dahi mounga maolunga mmao, i de baasi gi ngaage o dahi mommee e tuu ai hanu hale gai e bei dahi aduhale.

Daniel 10:14

Gai au ne humai e hai gi donu ange goe gi mee e hai ange gi oo dangada i denga laangi hagaodi. Go hiidinga de midi hagaago ange nei ni mee ange gi de masavaa tigi dae mai.”

Daniel 2:28

aagai e dahi Maadua i de langi e maua i de hagaago mai mee e dee iloo laa. Ia gu hagaago ange gi de hodooligi go Nebuchadnezzar mee e hai i muli mai. Deenei de midi ma midi hagaago ange aau ne gidee i de masavaa oou e dagodo ai i honga doo moenga:

Daniel 2:35

Denga iron ma gelegele pigi, ma bronze, ma selevaa, aama goolo laa ne maoha i de masavaa daudahi, gai mee laa gu bei gili grain, i de mommee hili huamanu i de masavaa mahanahana, gai de madangi ne ili mee laa gu dee maaleva. Gai de hadu ne doo iho laa ga tugi de mee e bei laa hoolinga o tangada, ne somo ga se mounga laumalie, ga hhao ai henua i lalo alodahi.

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Zechariah 14:10

De henua alodahi e hai naa ga soe, mai i Geba ga dae ai gi Rimmon i baasi i ngaage o Jerusalem. Aagai Jerusalem e duu naa i dono duulanga donu i de mommee maolunga, mai i de haitoga o Benjamin ga dae ai gi tuulanga o de haitoga madagidagi, ma de Haitoga i Tege, aama mai i de hale dagitilo o Hananel ga dae ai gi de mommee e kumi ai uvaini a de hodooligi.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Zechariah 8:22

Dangada soa ma huaahenua mmahi e loomai naa e ssala Tagi o denga hagabuulinga hebagi i Jerusalem, e dangidangi ange ia gi abodonu ange gi gilaadeu.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Malachi 3:12

Gai denga huaahenua alodahi e hagataba naa bolo goodou gu manuuia, i hiidinga doodou henua gu se mommee hagamalangilangi, go Tagi o denga hagabuulinga hebagi e hagadaba.

Numbers 24:14

Tilo, au ga ahe nei gi daho ogu dangada. Aagai koe humai, gai au ga tala adu, dagodo o mee a de huaadangada nei e hai adu gi de goe ma oo dangada, i laangi e loomai.”

Acts 2:17

‘E hagadaba de Maadua: Denga laangi hagaodi naa huu, gai au e hai naa gi hano iho dogu Hagasaalunga gi honga o dangada alodahi. Gai oodou dama daane ma damaa hine e pasa pelaabisi naa; oodou dama daane e midi naa denga midi hagaago ange, gai oodou daane madumaatua e hai naa denga midi.

2 Timothy 3:1

Aagai koe gi iloo de mee nei: denga masavaa hai ngadaa e tae mai naa donu i laangi hagaodi.

Hebrews 1:2

aagai denga laangi hagaodi nei, gai ia gu basa mai hogi gi gidaadeu, i daho dana Dama Daane, go de ia gu hili e bolo ange aagena mee alodahi, gai go ono daha hogi aana ne hai ai henua i lalo alodahi.

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.