Isaiah 2:11 - De Beebaa Dabu

¹¹ Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 2:11 Iomraidhean Croise

2 Samuel 22:28

Koe e hagaola gilaadeu e llodo maolalo, aagai koe e hagamaolalo gilaadeu e llodo maolunga.

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Psalm 18:28

Tagi Maolunga, go koe e haula dagu laama i masavaa alodahi; dogu Maadua e hai gi maalama de gohu i ogu daha.

Psalm 20:8

Gilaadeu e hagamaolalo ina naa ma de baakuu, aagai gimaadeu e hiihidi age naa ga tuu gi makaga.

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 94:2

De ia hagamodu muna o henua i lalo, hidi age, hagaduasala ina de gau hagamaolunga!

Proverbs 16:5

Tagi Maolunga e kino i dangada hagamaolunga alodahi. Ni muna abodonu, de gau bee nei e dee haihai naa donu ga dee hagaduasala.

Proverbs 30:13

Hanu dangada e kona de lodo maolunga, gai e kona de hagangadi mee dangada.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 12:4

De laangi laa gai goodou e hagataba naa: “Hagaahe ange de abodonu gi Tagi Maolunga, ma de dalodalo ange gi de ia; hagadele ina i denga huaahenua dagodo o ana hegau gu hai, ma de tala bolo gi hagaamua ina dono ingoo.

Isaiah 13:11

Au e hagaduasala naa henua i lalo, ma de gau baubau i hiidinga olaadeu haisala. Au e hai naa gi dee llodo maolunga de gau hagamaolunga, ma de hai gi maolalo de gau alasala e llodo maolunga laa.

Isaiah 14:15

Aagai koe gu gave iho donu gi de mommee o de gau maakau, ma tagelo o de geelonga laa.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Isaiah 23:9

De hagatau nei nii Tagi o denga hagabuulinga hebagi gai ia ga oha ai de mahamaha alodahi o Tyre e hagamaolunga ai laa, ma de hai gi hagangadi mee ina gilaadeu alodahi e hagadubulia laa i henua i lalo.

Isaiah 24:21

De laangi laa gai Tagi Maolunga e hagaduasala naa denga dagi maolunga o lo te langi i lunga ma denga hodooligi o henua i lalo.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Isaiah 26:1

De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Isaiah 28:5

De laangi laa gai Tagi o denga hagabuulinga hebagi e hai naa go de hau mahamaha, gai se hau ua mahamaha ange gi ono dangada e doe laa.

Isaiah 29:18

De laangi laa gai de gau longoduli e langona naa muna i lo te beebaa mulo laa, gai gilaadeu e dee kide ma de nnoho i lo te gohu e aala naa olaadeu ganomada ga gidee.

Isaiah 30:18

Aagai Tagi Maolunga e tali e abodonu adu gi goodou, ia e baba ange e lodo aloha adu gi goodou. Go hiidinga ia se Maadua e hagamodu muna i de heohi. E manuuia gilaadeu alodahi e daalia ange ia.

Isaiah 30:23

Gai ia e hai naa gi pala iho de langi, e hagamaluulu ai oodou golee e doo i lo te gelegele, gai e maua mai i honga de gelegele e moomuna naa ma de lagolago. De laangi laa gai oodou manu haangai e gaimee naa i mommee iai helii lau kohu.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 4:1

De laangi laa gai e dogohidu haahine e poo naa dahi daane, ga hai ange, “Gimaadeu e gai naa donu huu amaadeu gai, ma de hai omaadeu malo e kahu ai; deelaa donu huu, hai bodu mai gi gimaadeu, gi dee dookaa ai gimaadeu!”

Isaiah 40:23

Ia e hai dagi o de henua gi ni ngadi mee, gai e hai de gau hagamodu muna i henua i lalo gi deai olaadeu haigamaiana.

Isaiah 52:6

Deenei ai, ogu dangada e iloo naa dogu ingoo; de laangi laa gai gilaadeu e tonu ange naa bolo go au donu ne daalaa de mee nei. Uaa, go au donu deenei.”

Jeremiah 12:9

E aha, dogu boolonga gu bei nei de haonga o de hyena, gai denga manu llele e gaina laa manu maakau gu duuli ia e hai baasi ange? Goodou hulo hagabaa ina mai denga manu alasala gi gaina gilaadeu.

Jeremiah 9:24

aagai tangada e lodo e tuhi, ia gi duuhia dono donu ange ma dana iloo au, gai go au Tagi Maolunga, de ia e abodonu laa, ma de hai hegau i de hagamodu heohi ma de heohi i henua i lalo, go hiidinga aanei mee oogu e malangilangi ai, go Tagi Maolunga e hagadaba.

Ezekiel 38:14

Deenei ai, tama a tangada, basa pelaabisi ma gi hai ange gi a Gog, ‘E hagadaba de Ia Aamua go Iahweh: De laangi naa huu o ogu dangada go de gau Israel e nnoho paba ai, gai e aha, koe e dee iloo naa?

Ezekiel 38:19

Go hiidinga au e hagadaba naa i dogu lodo gaiaa, ma dogu bole, bolo e hai naa dahi hagangalungalue o de henua mmahi i Israel i de masavaa laa.

Ezekiel 39:11

De laangi laa, gai au e gaavange naa gi a Gog dahi daanunga i Israel, i lo te geelonga o dangada e hulo saele laa i baasi i dua o Tai. Gai de mommee olaadeu e danu ai e pono naa de haiava o dangada e hulo ai, go hiidinga Gog ma ono hagabuulinga hebagi e danu naa i kilaa. Gai de mommee laa e hagaingoo ange naa go de Geelonga o Hamon Gog.

Ezekiel 39:22

Gai mai i de laangi laa gai de gau Israel e iloo naa bolo go au donu go Iahweh, delaadeu Maadua.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Hosea 2:16

De laangi laa, go Tagi Maolunga e hagadaba, gai koe e hagahi mai naa ‘Dogu bodu’ gi de au, koe gu dee hai mai ‘Dogu Baal’.

Hosea 2:18

De laangi laa, gai au e hai naa dahi hagatoo donu hagaheloongoi ange gi gilaadeu madali denga manu dolodolo o lodo henua ma manu llele, ma manu e tolo i honga de gelegele. Au e hai naa gi deai mee hholu, ma gadilaasa, ma hebagi i honga de henua, gai dangada alodahi e nnoho paba ma tee maatagu.

Hosea 2:21

De laangi laa, gai au e basa ange naa, go Tagi Maolunga e hagadaba, au e basa ange naa gi de langi, gai de langi e hai naa ga pala iho de langi gi honga de henua;

Joel 3:18

De laangi laa gai e hai naa tau uvaini i honga denga mounga, gai e lagolago naa vai uu i honga denga duuduu; denga saalingaa vai alodahi o Judah nogo deai vai iai e ssali ai naa vai. Gai dahi vai e sali mai naa i de hale o Tagi Maolunga, ga hagamaluulu de geelonga o Shittim.

Amos 9:11

“De laangi laa gai au e hagaahe age naa de hale malo o David gu maoha laa, ma de hai ange naa mommee gu masaavava laa, ma de hagaahe age mommee gu maoha, aama de hagaduu age ange gi bei ono dagodo madagidagi.

Obadiah 1:8

De laangi laa, go Tagi Maolunga e hagadaba, gai au e daa naa gi maakau denga daane heiangi o Edom, ma gilaadeu e tonu ange i denga mounga o Esau.

Micah 2:3

Deenei ai, e hagadaba Tagi Maolunga: “Tilo, au e hagaduasala naa de aamuli e haia hegau nei, gai goodou e dee maua naa donu i de hagaola goodou. Goodou e dee maua naa hogi i de seesee hagamaolunga saele, go hiidinga go de masavaa o de hai ngadaa.

Micah 4:6

E hagadaba Tagi Maolunga, “De laangi laa gai au e hagabuni naa gilaadeu e balagelage, ma gilaadeu gu mavaevae saele aama gilaadeu aagu gu hagaduasala.

Micah 5:10

E hagadaba Tagi Maolunga, “De laangi laa, gai au e daa naa ga maakau au hoosa i oo daha ma de oha oo hada hebagi.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Zephaniah 3:16

Gai dangada e hai ange naa gi Jerusalem i de laangi laa, “Zion, aude madagu; gai luoo lima gi dee baageaa.

Zechariah 9:16

De laangi laa gai Tagi Maolunga delaadeu Maadua e hagaola naa gilaadeu, bei de hagabuulinga o ono dangada. Gilaadeu e hai naa ga maalama i honga dono henua bei dagodo o denga hadu hagamogomogo i de hau hodooligi.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Luke 18:14

Au e hai adu gi goodou, taane nei ne ahe gi dono hale gu hagaheohi, aagai taane ange laa teai. Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

2 Corinthians 10:17

“Aagai tangada e duuhia laa dahi mee, gi duuhia donu huu Tagi Maolunga.”

2 Corinthians 10:5

Gimaadeu e daa denga maanadu hagamaolunga alodahi e hai baasi ange laa gi de iloo de Maadua, ma de noonooa denga maanadu alodahi ga hai gi hagallongo ange gi Klisdo,

2 Thessalonians 1:10

i dono masavaa e humai ai i de laangi laa, e hagamahamaha i daho ono dangada dabu, gai gilaadeu alodahi gu hagadonusia e llele naa olaadeu mouli i de ia. Goodou e dau hogi madali gilaadeu, i hiidinga goodou ne hagadonusia amaadeu muna gu tala hagadonu adu gi goodou.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”