Isaiah 19:5 - De Beebaa Dabu

⁵ Denga vai o Nile e masa naa, gai lo te vai laa e masa bagubagu naa.

Isaiah 19:5 Iomraidhean Croise

De Beebaa go Job 14:11

De masavaa e deai ai vai i lo te vai, gai ssaalingaa vai gu mmasa bagubagu ma teai vai ia,

Isaiah 15:6

Denga vai o Nimrim gu maamasa, gai denga helii gu mmae; denga manu ssomo gu maakau, gu deai donu manu ssomo e doe.

Isaiah 23:11

Tagi Maolunga gu haalo dono lima gi honga tai, ia gu hagangalungalue denga nohoanga hodooligi; ia gu hagadaba bolo e oha Phoenicia, ma ono mommee buibui makaga.

Isaiah 37:25

Au ne geli denga vai ga unu vai iai; au ne hai ga maamasa denga saalingaa vai alodahi o Egypt i luoogu vae.’

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Jeremiah 51:36

Deenei ai, e hagadaba Tagi Maolunga, “Tilo, au e bale adu naa goe e sui ange ai hegau baubau aana ne hai adu gi de goe. Au e hai naa gi maamasa ono dai ma de hai gi deai vai i lodo ono saalingaa vai.

Ezekiel 30:12

Au e hai naa hogi denga vai o Nile gi deai vai iai, ma de hagao ange de henua gi de gau baubau; gai au e hai naa de gau henua gee gi oohaa de henua ma mee alodahi iai. Go au go Iahweh ne daalaa mee nei!

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Zechariah 14:18

Gai noo de gau Egypt e dee loomai gi taonga, gai e dee pala naa de langi i delaadeu henua. Gai de mee hagamaakau a Tagi Maolunga e hagaduasala naa denga huaahenua tee hulo laa e dao Taonga o denga Baasi Hale.