Isaiah 19:4 - De Beebaa Dabu

⁴ Au e dugu ange naa de gau Egypt gi dahi dagi e vaivai haia laa dangada gai dahi hodooligi hagamaatagu e dagi naa gilaadeu,” go de Ia Aamua, Tagi o denga hagabuulinga hebagi e hagadaba.

Isaiah 19:4 Iomraidhean Croise

Psalm 31:8

gai koe tee gaavange au gi ogu hagadaumee, gai ne hai au gi duu i de mommee lahalaha.

Isaiah 19:2

“Au e hai naa de gau Egypt gi hagadau hebagi: dahi dangada e hebagi ange naa gi dono daina, dahi dangada e hebagi ange naa gi tangada e baa ange gi de ia, dahi aduhale e hebagi ange gi de aduhale ange laa, dahi nohoanga hodooligi e hebagi ange gi de nohoanga hodooligi ange laa.

Isaiah 20:3

Gai Tagi Maolunga ne hagadaba, “Gai e bei de hai o dogu dangada hai hegau go Isaiah e gilisau ai laa ma teai ono mee vae ga hano saele ai i e dolu ngadau, e hai ai dahi hagailonga ma de mee hagalele mouli ange gi Egypt ma Ethiopia,

Isaiah 20:4

gai e bei ai hogi, de hodooligi o Assyria e aau gee naa malo ma mee vae o de gau Egypt, ma de gau Ethiopia ga kave gilaadeu gi olaadeu henua, gai dae o denga gauligi ma de gau maatua e hai naa ga ssula mai — e hagadogaa ai Egypt.

Jeremiah 46:26

Gai au e dugu ange naa gilaadeu gi dangada e nnoho e daia gilaadeu gi maakau, go Nebuchadnezzar de hodooligi o Babylon ma dagi o ono daane hebagi. Gai muli mai naa huu gai dangada gu aahe ange ga nnoho i Egypt, bei ono dagodo madagidagi, go Tagi Maolunga e hagadaba.

Ezekiel 29:19

Deenei ai, e hagadaba de Ia Aamua go Iahweh: Tilo, au e dugu ange naa de henua go Egypt gi Nebuchadnezzar de hodooligi o Babylon, gai ia e mmoli naa denga goloa hagamogomogo alodahi ga kave. Ia e oha ma de gaiaa mee alodahi i de henua, ga hagao ange ai ono daane hebagi.

Ezekiel 30:12

Au e hai naa hogi denga vai o Nile gi deai vai iai, ma de hagao ange de henua gi de gau baubau; gai au e hai naa de gau henua gee gi oohaa de henua ma mee alodahi iai. Go au go Iahweh ne daalaa mee nei!

Nahum 3:10

Aagai ono dangada gu gaavee gee i de henua, ma de gaavee gi dahi henua gee. Ana gaagaa ne dagadagahia naa gi lo te gelegele i dege o denga haiava. Dangada e dada naa denga laagau i ono dangada aamua, gai ono dangada maolunga ne noonoodia i daula baalanga.

1 Samuel 23:7

Gai ga langona huu e Saul bolo David gu hano gi Keilah, gai ia ga hagadaba, “De Maadua gu dugu mai donu ia gi de au; go hiidinga ia gu pono ange ia i lo te aduhale iai denga haitoga ma mee hagamakaga.”