Isaiah 19:16 - De Beebaa Dabu

¹⁶ De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Isaiah 19:16 Iomraidhean Croise

Psalm 48:6

Gilaadeu gu manavasaa mmao, bei dagodo o de hine gu hai ono hagalangona.

Exodus 11:6

Gai dangada alodahi i honga de henua go Egypt e tangi naa; gai tigi ai ange se tangi bee nei mai i mua aabe go muli mai.

Isaiah 10:32

Anailaa nei gai ia e nnoho naa i Nob, ia e tugi ange naa dono lima gi tamaa hine o Zion, i de mounga o Jerusalem.

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Isaiah 30:17

E mano goodou e saavini naa ga hulo gee i doodou maatagu i dahi dangada sogosogo; e dogolima dangada e hai goodou alodahi gi saavini gi hulo i doodou maatagu, ga dae ai gi doodou bei dagodo o dahi laagau e duu laa i ulu de mounga, aabe go dahi hagailonga i honga dahi mounga.”

Jeremiah 50:37

Dahi gadilaasa e daa naa denga hoosa ma de oha denga hada hebagi, ma de gau henua gee e hebagi madali gilaadeu! Gilaadeu e bei naa dagodo o denga haahine. Dahi gadilaasa e oha naa ono goloa hagamogomogo! Gilaadeu e hai gi de mahi naa ono goloa.

Jeremiah 51:30

Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Obadiah 1:9

Teman, oo daane dau i de hebagi e kona naa donu de maatagu, gai daane alodahi i honga mounga o Esau e odi naa i de daa ga maakau.

Nahum 3:13

Galo ange diiloo doo hagabuulinga hebagi — gilaadeu alodahi ni haahine! Denga haitoga o doo henua gu maahuge ange gi oo hagadaumee; gai de ahi gu dudu oo laagau hagamakaga.

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Zechariah 2:13

Dangada alodahi, goodou gi dee mmuu i mada luu mada o Tagi Maolunga, go hiidinga ia gu daamada ana hegau i dono mommee noho dabu.”

Zechariah 2:9

tilo, au e hagaabo naa dogu lima e hai baasi ange gi gilaadeu, ga hai olaadeu dangada hai hegau gi haia gi de mahi olaadeu goloa, gi iloo ai e goodou bolo go Tagi o denga hagabuulinga hebagi donu ne haia nei au gi humai.

1 Corinthians 2:3

Gai au se dangada baageaa ma de madagu mmao aama de bolebole, i dogu masavaa nogo noho ai i oodou daha,

2 Corinthians 5:11

Deenei ai, go hiidinga demaadeu iloo dagodo de madagu i Tagi Maolunga, gimaadeu e usuusu ange dangada. Aagai de Maadua e iloo omaadeu dagodo, gai au e tali bolo goodou e tonu ange donu hogi omaadeu dagodo i tagi oodou lodo.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.