Isaiah 19:12 - De Beebaa Dabu

¹² Gai i hee iai oo daane heiangi iainei? Gilaadeu gi hagaagona adu ma de hai gi iloo e goe mee a Tagi o denga hagabuulinga hebagi gu hagamodu e hai baasi ange ai gi Egypt.

Isaiah 19:12 Iomraidhean Croise

Isaiah 14:24

Tagi o denga hagabuulinga hebagi ne basa hagatoo donu, ga hai ange, “Agu hagatau gu hai, e hagassula naa donu, gai dagu mee gu hagamodu, e dee haisala donu.

Isaiah 44:7

Goai e bei ogu dagodo? Gai ia gi hagailoo ina. Ia gi daalaa ma de hagaagona mai gi de au be ni aha ne hai i mua dagu hai denga huaadangada madagidagi, gai aahee mee tigi loomai; gilaadeu gi daalaa mee e loomai.

Isaiah 5:21

E vakaa naa gilaadeu e maanadu laa bolo gilaadeu ni dangada heiangi ma de tonu!

Jeremiah 2:28

Gai i hee iai denga diinonga aau ne hai laa moou? Haia gilaadeu gi hiihidi age noo gilaadeu e maua i de hagaola goe i de masavaa oou e hai ngadaa ai! Judah, oo diinonga gu lagolago donu bei oo aduhale.

Obadiah 1:8

De laangi laa, go Tagi Maolunga e hagadaba, gai au e daa naa gi maakau denga daane heiangi o Edom, ma gilaadeu e tonu ange i denga mounga o Esau.

Romans 9:17

Gai de Beebaa Dabu ne tala ange muna a de Maadua gi Pharaoh, “Au ne hai goe gi hodooligi e hagaago mai ai dogu sauaa i oo daha, ma de hai gi langona e henua i lalo alodahi dogu ingoo.”

1 Corinthians 1:20

Gai go hee ai naa iai tangada heiangi? Gai go hee ai naa iai tangada sisi? Gai go hee naa iai tangada e hagadau gaavange i muna iainei? Gai de Maadua tee hai laa de heiangi o henua i lalo gi se lodo senga?

Judges 9:38

Gai Zebul ga hai ange gi de ia, “I hee au muna hagasoenga nogo tala laa, ma e hagadaba, ‘Se aha donu Abimelek, gai gidaadeu ga hai hegau ange ai gi de ia?’ E dee aanei denga daane oou e basa hakadanga ai laa? Hannoo hebagi ange gi gilaadeu!”