Isaiah 19:1 - De Beebaa Dabu

¹ Muna hagadaemaha i dagodo o Egypt. Tilo, Tagi Maolunga e gage i honga dahi giliiga gemo, gai ia e humai naa gi Egypt. Denga diinonga o Egypt e bolebole naa i mada luoono mada, gai dangada o Egypt e manavasaa naa olaadeu lodo.

Isaiah 19:1 Iomraidhean Croise

Psalm 104:3

ma de hagatau dogai o dono aabi i lunga i honga denga vai. Ia ne hai dono hada hebagi i denga giliiga, gai ne gage i honga luu bakau o de madangi.

Psalm 104:34

Gai agu dalodalo gi hagamalangilangi ina ia; gai au e malangilangi i Tagi Maolunga.

Psalm 18:9

Ia ne hai gi baa iho de langi, gai ia ga iho ai, denga hagausinga maadolu i lalo luoono vae.

Psalm 68:4

Daahili ange gi de Maadua, daahili duuhia dono ingoo; daahili ange gi de ia e gage laa i honga denga giliiga — dono ingoo go Iahweh — gai gi malangilangi i ono mada i mua.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Isaiah 13:1

Muna hagadaemaha i dagodo o Babylon ne hagaago ange gi Isaiah tama daane a Amoz.

Isaiah 13:7

Gai dangada alodahi e pole naa olaadeu lima, gai dangada alodahi e maatagu naa.

Isaiah 19:16

De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Isaiah 21:9

Tilo, hanu dangada e kage i honga hoosa gu loomai, gai denga hoosa e hagatau dagilua.” Gai tangada dagitilo ne basa ange, “Babylon gu maoha, Babylon gu maoha! Denga diinonga alodahi o olaadeu maadua gu maoha ma gu daakodo i honga de gelegele.”

Jeremiah 25:19

go Pharaoh de hodooligi o Egypt ma ono dangada hai hegau, ma dagi o de henua aama ono dangada alodahi,

Jeremiah 4:13

Tilo, ia e hanage bei dagodo o hagausinga, ono hada hebagi e bei dagodo o ssio; gai ana hoosa e kemo ange i denga igele. E vakaa naa gidaadeu! Gidaadeu e maakau naa donu!

Jeremiah 44:8

Gai gu aha goodou gu hai ai au gi lili i oodou hegau e hai, i doodou dudu mee maanongi e sigidaumaha ange ai gi denga diinonga i de henua go Egypt, go de mommee oodou ne hulo laa ga nnoho ai? Gai goodou e hagaduasala donu huu goodou, ma de hai goodou gi se mee hagamalaia, ma de hakadanga ai dangada o huaahenua alodahi i henua i lalo.

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Ezekiel 30:13

E hagadaba de Ia Aamua go Iahweh: Au e oha naa denga diinonga, ma de hai gi deai diinonga i Memphis. Gai Egypt e deai naa sono dagi, gai au e hai naa gi maatagu dangada i honga de henua.

Joel 3:19

Egypt e hai naa ga deai dangada iai, gai Edom e bei naa de vao e deai laa dangada iai, go hiidinga delaadeu vaivai hai dangada o Judah, ma delaadeu daa dangada tigi haisala ga maakau.

Nahum 1:1

Muna hagadaemaha i dagodo o Nineveh. De beebaa o de midi hagaago ange a Nahum taane Elkosh.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Zechariah 14:18

Gai noo de gau Egypt e dee loomai gi taonga, gai e dee pala naa de langi i delaadeu henua. Gai de mee hagamaakau a Tagi Maolunga e hagaduasala naa denga huaahenua tee hulo laa e dao Taonga o denga Baasi Hale.

Numbers 33:4

i de masavaa a de gau Egypt e danu ai alaadeu dama daane maatua, go dama a Tagi Maolunga ne daa ga maakau; go hiidinga Tagi Maolunga ne hagaduasala olaadeu diinonga.

Deuteronomy 33:26

Jeshurun, e deai ange donu e bei dagodo o de Maadua, ia e lele mai laa lo te langi e bale adu goe, ma de humai laa lo te langi i dono mahamaha.

Joshua 2:11

Gai de masavaa amaadeu ne langona ai mee nei, gai gimaadeu gu dee paba omaadeu lodo, gai gu deai se dangada lo taane i omaadeu daha i oodou hiidinga, go hiidinga Tagi Maolunga doodou Maadua, go de Maadua donu o de langi i lunga ma henua i lalo.

Joshua 2:24

Gilaau ne hai ange gi Joshua, “Ni muna abodonu, Tagi Maolunga gu dugu mai donu de henua nei alodahi gi gidaadeu. Dangada alodahi i de henua gu kona donu de maatagu i gidaadeu.”

Joshua 2:9

ga hai ange gi gilaau, “Au e iloo bolo Tagi Maolunga gu lava donu i de gaavadu gi goodou de henua nei, gai gimaadeu gu maatagu mmao i goodou, gai dangada alodahi i honga de henua gu dee paba i oodou hiidinga.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.