Isaiah 18:3 - De Beebaa Dabu

³ Goodou dangada alodahi o henua i lalo, go dangada e nnoho i honga de henua, de masavaa naa huu e hagaduu age ai de hagailonga i honga de mounga, gai goodou gu gidee, gai de masavaa naa huu e ili ai de hanga manu, gai goodou gu langona.

Isaiah 18:3 Iomraidhean Croise

Psalm 50:1

De Maadua Mmahi Mmao laa, go Iahweh e basa ma de hagahi henua i lalo mai i de sobo age o de laa ga dae ai gi de danu.

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 11:12

Gai ia e hagaduu age naa dahi hagailonga ange gi denga huaahenua, ma de hagabuni mai de gau Israel i denga henua gee; ia e hagaahe mai naa dangada o Judah gu mavaevae saele laa gi denga dege e haa o henua i lalo.

Isaiah 13:2

Hagaduulia age dahi hagailonga i honga dahi duuduu malaelae, gai oo ange gi gilaadeu, ma de aloalohagi ange gilaadeu gi loomai gi ulu i haitoga o de gau aamua.

Isaiah 13:4

Hagalaangona adu, de hagalongaa mai honga denga mounga, bei de hevaalogi o dangada soa mmao! Hagalaangona adu, de hellumi o denga nohoanga hodooligi, bei de hagabuni o denga huaahenua! Tagi o denga hagabuulinga hebagi gu hagabuni dono hagabuulinga e hebagi.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Isaiah 49:22

E hagadaba de Ia Aamua go Iahweh, “Tilo, au e aloalohagi ange naa denga huaahenua, ma de hagaduu age dahi hagailonga gi gidee e denga huaadangada; gai gilaadeu e hagauda mai naa oodou dama i olaadeu aloalo, ma de saabai mai oodou damaa hine i honga olaadeu eu.

Isaiah 5:26

Ia e hagaduu age naa dahi hagailonga ange gi denga huaahenua mmao, ia e hagavogi ange gi gilaadeu i luu bido o henua i lalo, gai tilo, gilaadeu e hagamoolau mai naa ma de hakemo mai!

Isaiah 7:18

De laangi laa gai Tagi Maolunga e hagavogi e hagahi ai denga lango mai i denga saalingaa vai mmao o Egypt, ma denga lango hai hooni mai i de henua o Assyria.

Jeremiah 22:29

De henua, de henua, de henua, noho mai hagalaangona muna a Tagi Maolunga!

Jeremiah 51:27

Hagaduulia age dahi hagailonga i honga de henua, gai ilihia de hanga manu i denga huaahenua. Hagadaabena ina denga huaahenua e hebagi ange gi de ia; gai hagahia de nohoanga hodooligi o Ararat, ma Minni, aama Ashkenaz. Hilia tagi o denga daane hebagi gi hebagi ange gi de ia, gai gaamai denga hoosa lagolago bei denga itebuubuu.

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

Micah 6:9

De leo o Tagi Maolunga e hagahi ai de aduhale — gai de heiangi abodonu go de madagu i doo ingoo — “Hagallongo ange gi de laagau haele ma de ia ne hagamodu ina.

Zechariah 9:14

Gai Tagi Maolunga e hagasula mai naa i honga ono dangada, gai tao o dana mee hholu e gemo bei de uila. De Ia Aamua go Iahweh e ili naa de hanga manu; ia e hano naa e hebagi bei dagodo o ssio e humai laa i ngaage,

Matthew 13:16

Gai goodou gu manuuia, go hiidinga oodou ganomada e gidee gai oodou dalinga e langona!

Matthew 13:9

Be goai e hanu ono dalinga, gai ia gi hagalaangona.”