Isaiah 15:5 - De Beebaa Dabu

⁵ Au gu dangi ogu lodo i hiidinga o Moab; hanu ono dangada gu saavini ma gu hulo gi Zoar, ma Eglath Shelishiyah. Gilaadeu e tangi ma e hulo ai i delaadeu loage i de haiava e hano laa gi Luhith, gilaadeu e tangi i hiidinga mee gu maoha laa i honga de haiava e hano laa gi Horonaim.

Isaiah 15:5 Iomraidhean Croise

Genesis 13:10

Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 14:2

ne loomai e hebagi ange gi Bera, de hodooligi o Sodom, ma Birsha, de hodooligi o Gomorrah, ma Shinab, de hodooligi o Admah, ma Shemeber, de hodooligi o Zeboiim, aama de hodooligi o Bela, e bei go Zoar.

Genesis 19:22

Aagai koe hagamoolau savini gi kilaa, go hiidinga au e dee maua donu i de hai dahi mee daudahi, ga dae ai gi doo dae gi kilaa.” (Deelaa ai, de aduhale laa gu hagaingoo ange go Zoar.)

2 Samuel 15:23

Gai dangada alodahi i de henua gu tangi i de masavaa o dangada alodahi e seesee ai e hulo. Gai de hodooligi ne hano gi de baasi laa o de geelonga go Kidron, gai dangada alodahi ne daga ga hulo gi de vao.

2 Samuel 15:30

Aagai David ne dangi ga hanage ai i de Mounga o denga Olive, gai ia ne aau luoono mee vae ma de haoli dono biho; gai dangada alodahi madali ia ne haoli hogi olaadeu biho ma de tangi ga loage ai madali ia.

Isaiah 16:14

Aagai iainei Tagi Maolunga e hagadaba, “E dolu ange naa ngadau, bei taelodo ngadau o tangada hai hegau hagao, gai de mahamaha o Moab e hagangadi mee ina naa, gai e dee galemu donu de soa ono dangada, gai e sogoisi naa donu huu ono dangada e ola, gai e baageaa.”

Isaiah 22:5

De Ia Aamua, Tagi o denga hagabuulinga hebagi gu hagadabena dahi laangi hagalongaa, ma de hagadee kii aama de hagamaatagu, i lo te Geelonga o Midi Hagaago ange, se laangi e oha ai de buibui o de aduhale, ma de oo ai o dangada i lodo mounga.

Isaiah 59:7

Gilaadeu e moolau donu delaadeu hai de baubau, gai e moolau hogi delaadeu daa dangada ga magau. Gai maanadu i olaadeu lodo e baubau; gai mee gu maoha ma de oohaa e gidee i haiava olaadeu e seesee ai.

Jeremiah 13:17

Aagai noo goodou e dee hagallongo mai, gai au e dangi hagammuni naa i hiidinga doodou hagamaolunga. Au e kona naa donu de dangi ma de ssali ogu loimada go hiidinga de hagabuulingaa ssiibi a Tagi Maolunga gu gaavee gee i de henua.

Jeremiah 17:16

Au tee savini donu ga hano gee i hegau a tangada hagaloosi; koe e iloo bolo au tee lodo hogi gi humai de laangi hai ngadaa. Koe e iloo agu muna gu tala gai e daakodo donu i mada luoo mada.

Jeremiah 4:19

Au gu duasala mmao, au gu duasala mmao, gai gu kona mmao dogu mmae! Au gu dee baba mmao ogu lodo! Gai gu bonabona age ogu lodo. Au gu dee maua i de noho donu ga dee muu. Go hiidinga au gu langona de ili de hanga manu, au gu langona de hagailoo o de hebagi.

Jeremiah 4:20

Gu lagolago mmao mee ne oha ga maoha, de henua alodahi gu maoha ma gu ngadi dagodo ai. Gai ne daa hagalele donu de maoha ogu hale malo, ma malo e buibui ai luu baasi.

Jeremiah 48:3

Hagalaangona adu de tangi o dangada i Horonaim, gilaadeu e tangi i delaadeu vaivai haia ma de oohaa.

Jeremiah 48:5

Dangada e loage naa e hulo gi Luhith, gai gilaadeu e tangi i delaadeu loiho i honga de haiava e hano laa gi Horonaim; gai gilaadeu e langona naa de tangi o dangada, i de manavasaa olaadeu lodo i hiidinga de oohaa mee.

Jeremiah 50:46

Gai henua i lalo e bolebole naa i delaadeu langona de hagadee kii ina o Babylon; gai dono leo e dangi ai e dae naa gi denga huaahenua.

Jeremiah 9:10

Au e dangi naa ma de dangi see i hiidinga o denga mounga, ma de dangi i hiidinga o mommee iai helii i lodo henua. Mommee laa gu ngadi daakodo ma teai dangada e seesee ai, gu dee langona hogi leo o denga manu haangai ai. Gai denga manu llele ma manu dolodolo gu hulo gee mai i kilaa.

Numbers 21:29

De gau Moab, goodou e vakaa naa! Dangada o Chemosh, goodou e maakau donu! Ia gu tili ana dama gi silivaahea saele, gai ana damaa hine gu noonoodia ma gu gaavee gi Sihon, de hodooligi o de gau Amor.