Isaiah 15:2 - De Beebaa Dabu

² Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Isaiah 15:2 Iomraidhean Croise

2 Samuel 10:4

Gai Hanun ga kave denga daane hai hegau o David ga dahi luu baasi o olaadeu gumigumi, ma de duuduu bido i lalo olaadeu malo gu ssula mai olaadeu dae, ga hai gilaadeu gi hulo.

1 Chronicles 19:4

Gai Hanun ne kave denga daane hai hegau o David ga dahi olaadeu gumigumi, aama de duuduu bido i lalo olaadeu malo gu ssula mai olaadeu dae, ga hai gilaadeu gi hulo.

De Beebaa go Job 1:20

Gai a Job ne hidi age ga ssae ono malo ma de dahi dono biho. Gai ia ga ino gi honga de gelegele ga daumaha ange gi de Maadua,

Isaiah 14:31

De haitoga, koe gi dangi see; de aduhale oo ma gi dangi! De gau Philistia alodahi, goodou gi bolebole ma de maatagu! Go hiidinga dahi hagabuulinga hebagi bei de useahi laumalie gu humai i ngaiho, gai e deai donu se daane iai e doo gi muli.

Isaiah 15:3

Gilaadeu gu kahu i malo daladala i honga haiava; gai dangada alodahi gu tangi ssee i honga dahuuhuu o denga hale ma lodo aduhale, ma de ino gi honga de gelegele ma e tangi ai.

Isaiah 16:12

Gai de masavaa o Moab e hano ai gi dono mommee daumaha, gai ia e hagadalea donu huu ia; de masavaa oona e hano ai e dalodalo i dono hale dabu, gai tee maua donu ono mee ne dalodalo ai.

Isaiah 16:7

Deenei ai, de gau Moab, goodou tangi ssee, gilaadeu alodahi gi tangi ssee i hiidinga o Moab. Gilaadeu e tangi ma de hinangalosaa i denga raisin puli o Kir Hareseth, go hiidinga gilaadeu gu maakulu.

Isaiah 22:12

Gai de Ia Aamua, Tagi o denga hagabuulinga hebagi ne hagahi naa goodou i de laangi laa gi tangi ma de tangi see ma de dahi gi malali oodou biho, aama de kahu i malo daladala.

Isaiah 3:24

Gilaadeu gu dee maanongi gai gu pilo; gu dee beele gai gu noonoa i denga daula; gu dee selu olaadeu biho gai gu malali olaadeu biho; gu dee kahu i malo danuaa gai go malo daladala; gilaadeu gu dee mahamaha gai gu maaga i de baalanga.

Jeremiah 3:21

De leo o dahi e langona i ulu denga duuduu, go de tangi ma tangi see o dangada o Israel, go hiidinga gilaadeu gu hagahaisala delaadeu haiava; gilaadeu gu ngalo Tagi Maolunga, delaadeu Maadua.

Jeremiah 47:2

E hagadaba Tagi Maolunga: “Tilo, denga vai e hagahonu age naa i ngaiho, ga loomai bei de mee mmilo mmahi. Gai e haoli naa honga de henua ma mee alodahi iai, go denga aduhale ma dangada e nnoho ai. Dangada e oo naa ga tangi, gai dangada alodahi e nnoho i de henua e tangi see naa,

Jeremiah 47:5

Gaza e dahi naa dono biho ga malali, gai Ashkelon e ngadi dagodo naa. Goodou dangada e doe i de mommee iai de geelonga, dee hee maa taulooloa doodou duuduu oodou angaanga?

Jeremiah 48:1

Dagodo o Moab. E hagadaba Tagi o denga hagabuulinga hebagi, de Maadua o Israel: “E vakaa naa Nebo, de henua e oha naa! Kiriathaim gu hagadogaa ina, i de hagadee kii ina; de mommee buibui makaga gu hagadogaa ina ma de oohaa ina.

Jeremiah 48:18

Dangada e nnoho i Dibon, iho mai i doodou duulanga hagadubu, ma gi noho i honga de gelegele mmasa, go hiidinga de ia e oohaa ina Moab e humai naa e hebagi adu, ma de oha oodou aduhale buibui.

Jeremiah 48:31

Deenei ai, au e dangi naa i Moab, au e dangi naa i Moab alodahi, au e hinangalosaa naa i denga daane o Kir Hareseth.

Jeremiah 48:35

Au e hai naa gi deai dangada i Moab e haia sigidaumaha i denga mommee daumaha ma de dudu mee maanongi ange gi olaadeu diinonga, go Tagi Maolunga e hagadaba.

Jeremiah 49:3

Heshbon, koe gi dangi, go hiidinga Ai gu maoha! Dangada o Rabbah, goodou hevaalogi tangi, gai kahu i malo daladala ma de hinangalosaa, ma de saavini i magavaa o denga buibui; go hiidinga Milcom e gaavee naa gi dahi henua gee, madali ono dangada haimeedabu aama dagi o dono henua.

Jeremiah 7:29

Duudia oo ngaangaaulu ma gi dilia, gai noho dangi i honga denga duuduu malaelae, go hiidinga Tagi Maolunga gu kino ma de tili de atangada nei i dono lili.

Ezekiel 27:31

Gilaadeu e dahi naa olaadeu biho ga malali i oo hiidinga, ma de kahu i malo daladala. Gilaadeu e tangi ssee naa ma de daemaha olaadeu lodo, i de kona delaadeu hinangalosaa.

Ezekiel 30:2

“Tama a tangada, basa pelaabisi mage hai ange: E hagadaba de Ia Aamua go Iahweh, Dangi see ma gi hai ange, ‘E vakaa naa i de laangi laa!’

Ezekiel 7:18

Gai gilaadeu e kahu naa i denga malo daladala ma de hoohonu i de maatagu; gilaadeu gu dookaa, gai olaadeu biho gu dahi ma gu malali.

Leviticus 13:40

Noo tangada gu malili dono biho ga sula dono dumuagi, gai ia e gilimalali.

Leviticus 21:5

De gau haimeedabu e dee duuduu ngaangaaulu i olaadeu biho, be gi duuduudia gi podo huluhulu i olaadeu gumigumi, aabe gi seleselea olaadeu angaanga ⌊i delaadeu hinangalosaa⌋.

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

Numbers 21:28

De ahi ne humai i Heshbon, de ahi ula ne humai i de aduhale go Sihon, ga dudu gu odi Ar o Moab, ma de gau aamua i mommee daumaha o Arnon.

Numbers 21:30

Gimaadeu gu hagadee kii gilaadeu; Heshbon alodahi gu oohaa ga dae ai loo gi Dibon. Gimaadeu gu oha mee alodahi ga dae ai laa gi Nophah, go de mommee e hano ga dae gi Medeba.”

Numbers 32:3

“Ataroth, ma Dibon, ma Jazer, ma Nimrah, ma Heshbon, ma Elealeh, ma Sebam, ma Nebo, aama Beon —

Numbers 32:38

ma Nebo, ma Baal Meon (hanu ingoo nei e sui naa), aama Sibmah; gai gilaadeu ne gaavange hanu ingoo gee gi denga aduhale alaadeu ne hagatuu.

Deuteronomy 14:1

Goodou ni dama donu nii Tagi Maolunga doodou Maadua. Goodou aude duuduudia oodou angaanga aabe gi dahia gi malali oodou biho i de magau o dahi dangada.

Deuteronomy 34:1

Gai Moses ga hano gee i de mommee soe i Moab, ga hanage gi de mounga go Nebo, ga hano gi de ulu o Pisgah, se mommee i de baasi laa o Jericho. Gai Tagi Maolunga ga hagaago ange gi de ia de henua alodahi: mai i Gilead ga dae ai gi Dan,