Isaiah 14:12 - De Beebaa Dabu

¹² Koe gu tili iho mai i de langi, de heduu o taiao, gai go de heduu maalama laa! Iainei koe ne tili iho gi henua i lalo, gai koe nogo hagadee kii denga huaahenua i mua!

Isaiah 14:12 Iomraidhean Croise

Isaiah 13:10

Denga heduu i lo te langi ma olaadeu hagabuulinga e dee maalama naa. De laa e gohu naa i de masavaa e hanage ai, gai de maasina e dee maalama naa hogi.

Isaiah 34:4

Denga heduu alodahi i lo te langi e llilo naa, gai de langi e hhedu naa bei de beebaa mulo; denga hagabuulingaa heduu alodahi e too iho naa, bei denga lau manu mmae o de grapevine, ma lau manu mmae o de fig.

Jeremiah 50:23

De haamaa o henua i lalo alodahi ⌊go Babylon⌋ gu hhadi ma gu maoha! Denga huaahenua gu llele olaadeu mouli i de ngadi dagodo o Babylon!

Jeremiah 51:53

Gai ga dae age naa donu Babylon gi de langi, ma de hai ga makaga dono mommee buibui maolunga iai, aagai au e hai naa gi loomai de gau oha gi hebagi ange gi de ia, go Tagi Maolunga e hagadaba.

Lamentations 2:1

De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Ezekiel 26:17

Dangada e hua adu naa taahili o de magau, ga hai adu, ‘Dee hee doo hai ne maoha ai naa, de aduhale gu dele saele ono longo, gai e nnoho ai denga daane hai moni! Koe se henua mmahi i honga tai, gai koe ma oo dangada e hagamaatagu dangada e nnoho i kilaa.

Obadiah 1:4

Gai e dee galemu naa donu doo lele ga maolunga bei de igele, ma de hai doo hoohanga i magavaa o denga heduu, gai au e tili iho naa donu goe gi lalo, go Tagi Maolunga e hagadaba.

Luke 10:18

Iesu ne hai ange gi gilaadeu, “Au ne gidee de doo iho o Satan mai i de langi bei dagodo o de uila.

2 Peter 1:19

Gai gu kii ange donu hagadonu muna a denga pelaabisi, gai e heohi hogi doodou kana ange ga hagallongo, bei doodou hai e daumada ai de laama e maalama laa i de mommee gohu, ga dae ai gi de ao de mee, gai de heduu o taiao gu sobo age i oodou lodo.

2 Peter 2:4

Gai noo de Maadua tee hagaola de gau de langi i de masavaa olaadeu ne haisala ai, aagai ne tili ange gilaadeu gi lo te ahi o Gehenna, ma de noonooa gilaadeu ga dugu i lo te geelonga gohu ga dae mai ai de masavaa hagamodu muna;

Revelation 2:28

Gai au e gaavange naa gi de ia de heduu o taiao.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 8:10

Gai togodolu dangada de langi ne ili dana trumpet, gai dahi heduu laumalie mmao i lo te langi gu doo iho, gai e ula bei de lama gu haula laa, gai ne doo iho gi honga e dahi diba i diba e dolu o denga leevaa, ma denga saalingaa vai alodahi.

Revelation 9:1

Gai togolima dangada de langi ga ili dana trumpet, gai au gu gidee dahi heduu i lo te langi e doo iho gi henua i lalo, gai gu gaavange gi de heduu laa de gii o de geelonga e deai laa sono dagelo.