Isaiah 14:1 - De Beebaa Dabu

¹ Tagi Maolunga e lodo aloha ange naa gi Jacob; ia e ahe ange naa e hili Israel ma de hai gilaadeu gi nnoho i delaadeu henua. De gau henua gee e loomai naa ga dau ange gi gilaadeu, ma de hagabuni ange gi dangada o Jacob.

Isaiah 14:1 Iomraidhean Croise

Esther 8:17

Gai de gau Ssuu e nnoho laa i denga vaaenga ma denga aduhale alodahi ne kave laa aagena de hagailoo a de hodooligi, gu llodo danuaa ma de malangilangi, gai gilaadeu ga daonga ma de malangilangi. Gai dangada soa o de henua laa gu hai gi ni dangada Ssuu, i hiidinga gilaadeu gu maatagu i de gau Ssuu.

Psalm 102:13

Koe e hidi age naa ga lodo aloha ange gi Zion; i hiidinga gu dae doo masavaa e abodonu ange ai, gai gu dae mai de masavaa gu hagailonga laa.

Psalm 102:14

Go hiidinga hadu o Zion ni mee e hagaaloha ange gi oo dangada hai hegau, gai gilaadeu e hinangalosaa i de mama o dono gelegele.

Psalm 143:12

Hagallilo ina ogu hagadaumee i hiidinga doo abodonu, gai daia gi maakau ogu hagadaumee alodahi, i hiidinga go au doo dangada hai hegau.

Psalm 98:3

Ia tee ngalo donu dono abodonu, ma de hai hegau i de mee abodonu ange gi de gau Israel. Henua i lalo alodahi gu gidee e gilaadeu de kii o taadeu Maadua.

Isaiah 19:18

De laangi laa gai e lima aduhale o Egypt e pasa i muna Canaan, ma de hagaheloongoi ange gi Tagi o denga hagabuulinga hebagi. Dahi aduhale laa e hagaingoo ange naa go de Aduhale o de Oha.

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Isaiah 27:6

Gai Jacob e ssomo mai naa ono aga i laangi e loomai, gai Israel e loage naa ono laa ma ono huaala, ga loage ono hua ga hhao henua i lalo alodahi.

Isaiah 41:8

Israel, go koe dogu dangada hai hegau, Jacob, go de ia aagu ne hili, goodou go hagadiilinga o dogu soa go Abraham.

Isaiah 41:9

Au ne gaamai goodou i de bido laa o henua i lalo, ma de hagahi mai goodou i de mommee mmao. Gai au e hai adu, “Go koe dogu dangada hai hegau;” au gu hili goe, gai tee tili donu goe.

Isaiah 44:1

“Aagai koe, Jacob, dogu dangada hai hegau, hagalaangona, ma Israel, de ia aagu gu hili.

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Isaiah 47:1

De bua moe go Babylon, iho ma gi noho i lo te gelegele; tamaa hine a de gau Babylon, noho i honga de gelegele e dee go de nohoanga o de hodooligi, Gai koe gu dee hagabinga bolo se damaa hine somo danuaa ma de balabala doo angaanga.

Isaiah 49:10

Gilaadeu e dee hiikai naa donu be hieunu, gai de vao hagavvela ma de madangi hagavvela e dee hagammae naa donu gilaadeu. Gai de ia e lodo aloha ange laa gi gilaadeu e dagi naa gilaadeu, ga kave gi gaogao denga saalingaa vai.

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 49:15

E aha, e maua e dahi dinana gi ngalo dana dama ne haau, aabe gi dee lodo aloha ange gi dana dama ne haanau? Gai ga ngalo naa donu e ia dana dama, aagai au e dee ngalo donu goe!

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 49:7

E hagadaba Tagi Maolunga, de Ia Hagaola o Israel, gai go dono Ia Dabu, ange gi de ia e hagangadi mee ina ma de kino ai o denga huaahenua, ma ange gi tangada hai hegau o denga dagi: “Denga hodooligi e tuu age naa, i de masavaa alaadeu e gidee ai goe, denga dagi o de henua e ino naa gi lalo, i delaadeu gidee goe, go hiidinga Tagi Maolunga, go de ia e hai hegau i de muna abodonu, gai go de Ia Hagaola ma de Ia Dabu ma o Israel, ne hilihilia goe.”

Isaiah 54:3

Gai koe e hagalahalaha naa gi de madau ma de masui, oo hagadiilinga e hagadee kii naa denga huaahenua, gai gilaadeu ga nnoho i lodo olaadeu aduhale gu ngadi daakodo laa.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 56:3

Tangada henua gee gu dau ange laa gi Tagi Maolunga gi dee hagadaba, “Tagi Maolunga e vvae gee naa ngau mai i dono huaadangada.” Gai de eunuch gi dee hagadaba, “Au e bei donu huu de manu somo gu mmae laa.”

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 66:20

Gai gilaadeu e hagaahe mai naa oodou daina i denga huaahenua alodahi gi dogu mounga dabu, e hai ai ssigidaumaha ange gi Tagi Maolunga. Gilaadeu e loomai naa i honga denga hoosa ma hada hebagi, ma honga hada ange laa, ma honga denga donkey ma gamelo, bei de hai a de gau Israel e gaamai ai laa alaadeu sigidaumaha grain i lodo gumedi gilimalali gi de hale o Tagi Maolunga, go Tagi Maolunga e hagadaba.

Jeremiah 16:15

aagai gilaadeu e hagataba naa, ‘Gimaadeu e hagatoo donu i de mouli o Tagi Maolunga, ne hagassao ina mai laa de gau Israel i de henua i ngaiho, aama mai i henua alodahi aana ne alualu gilaadeu gi hulo aagena.’ Gai au e hagaahe ange naa gi gilaadeu de henua aagu ne gaavange laa gi olaadeu dubuna.

Jeremiah 29:14

E hagadaba Tagi Maolunga: Goodou e gidee naa donu au, gai au e hagaahe adu naa doodou manuuia. Au e hagabuni mai naa goodou i denga huaahenua alodahi, ma mommee aagu ne hai goodou gi mavaevae saele aagena, go Tagi Maolunga e hagadaba; au e hagaahe mai naa goodou gi de mommee aagu ne kave gee ai goodou gi denga henua gee.

Jeremiah 30:8

De laangi laa, go Tagi o denga hagabuulinga hebagi e hagadaba, gai au e hhadi naa de laagau hagahai hegau i honga olaadeu eu, ma de tala olaadeu mee noonoa; de gau henua gee gu dee hagahai hegau gilaadeu.

Jeremiah 31:4

De bua moe go Israel, au e hagaduu age naa goe, gai koe e duu age naa donu! Gai koe e hagadangidangi naa i dau tambourine ma de anu ai i doo malangilangi.

Jeremiah 50:33

Gai e hagadaba Tagi o denga hagabuulinga hebagi: “Dangada o Israel gu vaivai haia, aama dangada hogi o Judah. Dangada ne gaavee gilaadeu e daohi donu huu gilaadeu, e dee llodo e dugu gilaadeu gi hulo.

Jeremiah 51:51

⌊Goodou e hagataba,⌋ “Gimaadeu gu hagangadi mee ina, go hiidinga gimaadeu gu langona hanu muna hagadookaa; gimaadeu gu dee hagadubulia, go hiidinga de gau henua gee gu ulu gi lodo mommee dabu i de hale o Tagi Maolunga.”

Ezekiel 16:60

Aagai au e ahe ange naa ga hagamaanadu dagu hagatoo donu hagaheloongoi ne hai madali goe i de masavaa oou e gauligi ai, gai au e hai adu naa dahi hagatoo donu hagaheloongoi e dee ngado gi de goe.

Ezekiel 47:22

Gai goodou vaevaaea de henua i oodou magavaa e henua ai goodou aama de gau henua gee e nnoho i oodou daha gu hanu laa alaadeu dama. Gilaadeu gu hagabinga bolo ni dangada Israel bei oodou dagodo; gai e vvae ange hogi dahi mommee gi gilaadeu i de henua madali denga aamuli o Israel.

Zechariah 1:17

Ahe ange hagailoo ina hagadaba: E hagadaba Tagi o denga hagabuulinga hebagi: Ogu aduhale e aahe ange naa ga hagadagadaga age, gai Tagi Maolunga e ahe ange naa ga hagaaneane Zion ma de hili Jerusalem.”

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Luke 1:54

Ia gu bale ange dono dangada hai hegau go Israel, i dana maanadu dono lodo aloha,

Luke 2:32

ia se maalama e hagaago ange ai gi denga Gentile, ma de hagamahamaha ai oo dangada go de gau Israel.”