Isaiah 13:8 - De Beebaa Dabu

⁸ Gilaadeu e kona naa de maatagu, gilaadeu e mmae naa ma de manavasaa, bei de hine gu hai laa ono hagalangona. Gilaadeu e hagadau kalo ange naa ma de llele mouli, gai olaadeu mada e mmea naa.

Isaiah 13:8 Iomraidhean Croise

2 Kings 19:26

Gai dangada e nnoho i kilaa gu deai olaadeu mahi, gilaadeu e maatagu naa ma de dookaa. Gilaadeu gu bei denga manu ssomo vaaligiligi i lo te duu malaelae, se goodo matili age laa, ma denga helii e ssomo laa i tua denga hale, e mmae laa i mua de ssomo age.

Psalm 48:7

Koe gu oha vaga o Tarshish i de madangi mai i dua.

Isaiah 26:17

Tagi Maolunga, omaadeu dagodo i mada luoo mada e bei dagodo o de hine hai dama gu dai haanau laa, i dono masavaa e mmae ma de dangi i de hai ono hagalangona.

Jeremiah 13:21

Gai aahee naa au muna e tala i de masavaa, aana e hai ai dangada aau ne agoago ange gi ni dagi niiou? E aha, goodou e dee mmae naa oodou lodo, bei de hine gu hai ono hagalangona?

Jeremiah 30:6

Siilia ma de tilo: e aha, e maua e dahi daane i de haanau hanu dama? Gai gu aha au gu gidee ai naa denga daane mmahi alodahi e poo olaadeu dinae bei de hine gu dai haanau, gai gilaadeu alodahi gu mada tea olaadeu mada?

Jeremiah 4:31

Au e langona leo bei de dangi o de hine e dangi i de masavaa o ono hagalangona, ia e gonogono i de masavaa e haanau ai dana dama madua — go de leo o tamaa hine o Zion e ssala ai dana madangi, ma de haalo luoono lima ga hagadaba, “Gu vakaa loo au! Au gu dai ssili mada i dogu madagu i de gau daa dangada.”

Jeremiah 46:5

Gai ni aha aagu e gidee adu nei? Gilaadeu gu maatagu, gilaadeu gu aahe dua; olaadeu daane dau i de hebagi gu hagadee kii ina. Gilaadeu gu saavini ma gu hulo gee, gai tee kalo dua donu; gai de mee hagamaatagu gu i mommee alodahi, go Tagi Maolunga e hagadaba.

Jeremiah 48:41

Denga aduhale e hagadee kii ina naa, gai denga hale hagaloosi makaga e gaavee naa. De laangi laa gai lodo o denga daane hebagi o Moab e bei naa dagodo lodo o de hine gu hai ono hagalangona.

Jeremiah 49:22

Tilo, dahi igele gemo e lele mai naa ga hagatili iho, ga doha luoono bakau ga hai baasi ange ai gi Bozrah. Gai lodo o denga daane hebagi mmahi o Edom e bei naa lodo o de hine gu hai ono hagalangona.”

Jeremiah 49:24

Damascus gu deai ono mahi, gai gu huli ma gu savini; ia gu kona de manavasaa ma de mmae, bei de mmae o de hine gu hai ono hagalangona.

Jeremiah 50:43

De hodooligi o Babylon gu langona olaadeu longo, gai luoono lima gu pole. Ia gu manavasaa ono lodo, ma de mmae bei de hine gu hai ono hagalangona.

Jeremiah 51:30

Denga daane dau i de hebagi o Babylon gu haganoho de hebagi, gilaadeu gu mmuni i lodo olaadeu hale buibui makaga, gai gu deai olaadeu mahi, gilaadeu gu bei dagodo o denga haahine. Denga hale i de aduhale gu dudu i de ahi, gai ono baalanga hagamakaga gu hadihadi.

Ezekiel 20:47

gai hai ange gi de lodo henua o Negev, ‘Hagalaangona muna a Tagi Maolunga. E hagadaba de Ia Aamua go Iahweh: Tilo, au e dahu naa dahi ahi i kilaa, ga dudu ai denga manu ssomo alodahi, go manu ssomo lau kohu ma manu ssomo maakau; gai de ula o de ahi e dee maua naa donu i de diinei, gai de mommee laa alodahi e odi naa i de dudu, mai i de bido gi ngaage ga dae ai gi de bido i ngaiho.

Hosea 13:13

De mmae o de hine gu dai haanau gu tae mai gi Ephraim, aagai ia se dama e deai sono heiangi; de masavaa oona e haanau ai, aagai ia e dee doo mai i de haonga o de mommee o denga dama.

Joel 2:6

Denga huaadangada gu maatagu i delaadeu gidee mee nei: gai dangada alodahi gu mada tea olaadeu mada.

Nahum 2:10

Nineveh gu se ngadi aduhale, gu maoha ma gu ngadi dagodo ai! Dangada gu maatagu, gai olaadeu duli gu pole; dangada alodahi gu manavasaa, gai gu mada tea olaadeu mada!

John 16:21

De hine e hai ono hagalangona e daemaha, i hiidinga gu dae mai dono aoaa e haanau ai; gai de masavaa naa huu e haanau ai dana gaagaa, gai ia gu dee manavasaa, gai gu malangilangi i hiidinga o dana dama gu haanau mai laa gi henua i lalo.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.