Isaiah 12:4 - De Beebaa Dabu

⁴ De laangi laa gai goodou e hagataba naa: “Hagaahe ange de abodonu gi Tagi Maolunga, ma de dalodalo ange gi de ia; hagadele ina i denga huaahenua dagodo o ana hegau gu hai, ma de tala bolo gi hagaamua ina dono ingoo.

Isaiah 12:4 Iomraidhean Croise

1 Chronicles 16:8

Hagaahea ange de abodonu gi Tagi Maolunga, dalodalo i dono ingoo; daalaa dagodo ana hegau i daho denga huaahenua.

1 Chronicles 29:11

Tagi Maolunga, koe e maolunga, gai e mmahi, koe e mahamaha, koe e kii, gai niiou ssauaa e dagi ai, gai niiau mee alodahi i de langi ma henua i lalo. Tagi Maolunga, niiou de nohoanga hodooligi, gai koe e aamua i honga mee alodahi.

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

Psalm 105:1

Hagaahea ange de abodonu gi Tagi Maolunga, dalodalo i dono ingoo; daalaa dagodo ana hegau i daho denga huaahenua.

Psalm 107:22

Gilaadeu gi haia denga sigidaumaha o de hagadegi, ma de tala ana mee gu hai i denga daahili hagamalangilangi!

Psalm 113:5

Gai goai e bei dagodo o Tagi Maolunga taadeu Maadua; go de ia e noho i dono nohoanga maolunga,

Psalm 148:13

Mee nei alodahi gi duuhia de ingoo o Tagi Maolunga, i hiidinga go dono ingoo donu huu e heohi de hagaamua; dono mahamaha e maolunga ange i henua i lalo ma de langi.

Psalm 18:46

Tagi Maolunga e mouli! Hagadegi ina dogu baba makaga! Hagaamua ina de Maadua, dogu Ia Hagaola!

Psalm 21:13

Tagi Maolunga, gi laumalie doo hagaamua i hiidinga o oo mmahi; gimaadeu e daahili ma de tuhi oo mahi.

Psalm 22:31

Gilaadeu e tala ange naa gi dangada tigi haanau dagodo o ana hegau heohi alodahi ne hai.

Psalm 34:3

Hagaamua ina Tagi Maolunga madali au, gidaadeu ga hagaamua dono ingoo!

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Psalm 46:10

“Goodou nnoho ma gi dee mmuu, gai goodou gi iloo bolo go au donu de Maadua. Denga huaahenua e hagaamua naa donu au, henua i lalo e hagaamua naa donu au.”

Psalm 57:5

De Maadua, doo hagaamua gi maolunga ange i de langi, gai doo mahamaha gi dagodo i henua i lalo alodahi.

Psalm 68:5

De Maadua e noho laa i honga dono mommee dabu, go tamana o denga gauligi gu deai olaadeu damana, gai ia e buibui denga haahine gu maakau olaadeu bodu.

Psalm 73:28

Aagai au, e danuaa dogu hagabaa ange gi de Maadua; au gu hai de Ia Aamua go Iahweh go dogu buibui, gai au ga tala ai dagodo o au hegau alodahi.

Psalm 9:11

Daahili duuhia Tagi Maolunga, e noho laa i dono nohoanga i Zion! Daalaa ange gi denga huaadangada dagodo o ana hegau!

Psalm 96:3

Daalaa dagodo o dono mahamaha i magavaa o denga huaahenua, aama ana hegau hagalele mouli i magavaa o dangada alodahi.

Psalm 97:9

Tagi Maolunga, koe e maolunga mmao i henua i lalo alodahi, koe e maolunga ange i denga diinonga alodahi.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Exodus 33:19

Gai Tagi Maolunga ga hai ange, “Au e hai naa ogu dagodo danuaa alodahi gi hano i oo mada i mua, gai au e tala naa dogu ingoo, go Iahweh; au e abodonu ange gi gilaadeu oogu e lodo abodonu ange aagena, gai e lodo aloha ange gi gilaadeu oogu e lodo e aloha ange aagena.”

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 2:17

Gai tangada hagamaolunga e hai naa ga maolalo, de gau lodo maolunga e hai naa ga ni dangada maolalo; gai go Tagi Maolunga donu huu e maolunga i de laangi laa,

Isaiah 24:15

Deenei ai, hagamahamaha ina Tagi Maolunga i baasi dua; denga modu i honga tai, goodou duuhia de ingoo o Tagi Maolunga, de Maadua o Israel.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Isaiah 26:8

Tagi Maolunga, de masavaa omaadeu e daudali ai i au muna gu hagamodu, gai go koe donu demaadeu tali. Gai demaadeu mee e llodo mmao ai go de hagadeledele danuaa o doo ingoo.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Isaiah 42:12

Gilaadeu gi hagamahamaha ina Tagi Maolunga, ma de tala dono tuhi i mommee i tagudai.

Isaiah 48:20

Goodou hulo gee mai i Babylon, gai saavini hulo gee mai i daho de gau Babylon! Hagailoo ina de mee nei ma de oo i de malangilangi, hagadele ina de longo nei gi dae gi de bido laa o henua i lalo; hai ange, “Tagi Maolunga gu hagaola dono dangada hai hegau go Jacob.”

Isaiah 66:19

Au e hagaduu ange naa dahi hagailonga i olaadeu magavaa, ma de hai hanu gilaadeu ne ola gi hulo gi denga huaahenua: go Tarshish, ma Put, ma Lud, go dangada e mmau i de tili mee hholu, ma Tubal ma de gau Greek, ma mommee i tagudai tigi langona e gilaadeu ogu longo aabe gidee dogu mahamaha. Gilaadeu e tala ange gi denga huaahenua dagodo o dogu mahamaha.

Jeremiah 50:2

“Goodou daalaa gi langona e dangada i denga huaahenua, hagaduulia age dahi hagailonga ma de hagailoo ange gi dangada; goodou e dee hagammuni donu, aagai hagataba, ‘Babylon e hagadee kii naa, gai a Bel e hagadogaa naa, Merodak e madagu naa. Ono diinonga e hagadookaa ina naa, gai ono diinonga gu maatagu.’

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

John 17:26

Au gu tala ange gi iloo e gilaadeu oo dagodo, gai au e duudagi naa donu de hai gi iloo e gilaadeu oo dagodo, gi dagodo ai de aloha oou ne aloha ai laa i de au i olaadeu lodo, gai au ga noho hogi i olaadeu lodo.”