Isaiah 11:1 - De Beebaa Dabu

¹ Dahi uli e matili age naa i tahido o Jesse; gai dahi laa e somo age naa i dono dahido ga hua.

Isaiah 11:1 Iomraidhean Croise

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

1 Chronicles 2:12

Boaz ne hagadili Obed, gai Obed ne hagadili Jesse.

Psalm 145:11

Gilaadeu e tala naa dagodo de mahamaha o doo nohoanga hodooligi, aama dagodo o doo sauaa,

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 53:2

Ia ne somo age i mada luu mada o Tagi Maolunga bei de uli o dahi manu somo, gai e bei de aga o dahi manu e somo laa i lo te gelegele e deai vai iai. Ia e deai donu sono mahamaha aabe se hagadubu e haia gi llodo gidaadeu e tilo ia, e deai hogi se mahamaha o dono angaanga e haia gi llodo gidaadeu i de ia.

Isaiah 6:13

Gai ga dahi naa donu huu diba i diba e madaangahulu o dangada e doe i de henua, gai e ahe ange naa donu ga ngadi dagodo. Aagai e bei naa de terebinth ma de oak e sele iho laa gai olaau daahido e tuu i honga de gelegele, gai de uli dabu laa go tahido donu i honga de henua laa.”

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Jeremiah 23:5

E hagadaba Tagi Maolunga, “E tae mai naa laangi, aagu e hagasula age ai dahi uli moo David, se ia e heohi, se hodooligi e humai ga dagi i de heiangi ma de hai hegau i de hagamodu soe ma de heohi i honga de henua.

Jeremiah 33:15

Laangi laa ma de masavaa laa gai au e hai naa de uli o de heohi gi matili age i tahido o David; gai ia e hai hegau naa i de hagamodu heohi ma de muna abodonu i honga henua.

Ezekiel 17:22

E hagadaba de Ia Aamua go Iahweh: Au e hhadi naa hogi dahi laa mai i de ulu o de manu somo go de cedar ga kave, au e hhadi naa dahi laa gauligi i de ulu, ga kave ga doo i de ulu o dahi mounga maolunga.

Ezekiel 37:25

Gilaadeu e nnoho naa i honga de henua aagu gu gaavange gi dogu dangada hai hegau go Jacob, go de henua o oodou dubuna nogo nnoho ai, gai gilaadeu ma alaadeu dama e nnoho ai naa ga hano ai, gai dogu dangada hai hegau go David e hodooligi naa i olaadeu elunga ga hano ai.

Micah 5:2

Aagai koe, Bethlehem Ephrathah, koe e damaa mee ange i denga aamuli o Judah, aagai dahi dagi e sula age naa i oo daha, ia e dagi naa i Israel, gai ia ne daamada mai huu i denga masavaa gu hulo, gai ne daamada mai loo madagidagi.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Zechariah 6:12

Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Romans 15:12

Gai Isaiah gu hagadaba hogi, “De mogobuna o Jesse e humai naa, ia e hanage naa ga dagi denga Gentile; gai go ia de tali hagalodolodo a denga Gentile.”

Hebrews 7:14

Go hiidinga gidaadeu e iloo bolo taadeu Dagi Maolunga se dangada de aamuli o Judah, gai Moses tee hagadaba donu bolo dangada i de aamuli laa e maua i de hai hegau a de gau haimeedabu.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”

Ruth 4:17

Gai denga haahine i de mommee laa ga hagaingoo ange ia go Obed, ga hagataba, “Dahi dama daane gu haanau ange gi Naomi.” Gai Obed ne hagadili Jesse, gai Jesse ne hagadili David.

1 Samuel 17:58

Gai a Saul ga ssili ange gi de ia, “Tama daane nei, goai oo maadua?” David ne hai ange, “Au se dama nii doo dangada hai hegau go Jesse, taane Bethlehem.”