Isaiah 10:5 - De Beebaa Dabu

⁵ E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 10:5 Iomraidhean Croise

Genesis 10:11

Gai ia ne humai i de henua laa ga hano gi Assyria ne hagaduu age ai Nineveh, ma Rehoboth Ir, ma Calah,

2 Kings 18:25

E dahi ange mee, e dee go Tagi Maolunga ne hai mai au gi humai gi hebagi ange gi de mommee nei gi oohaa ina? Tagi Maolunga ne hai mai au gi humai gi hebagi ange gi de henua nei ma gi oohaa ina.’ ”

2 Kings 19:25

Koe tigi langona naa donu bolo au ne hagamodu mee nei i mua loo? Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.

Psalm 125:3

De laagau a de gau baubau e dagi ai e dee maua donu gi dagodo daulooloa i honga de henua o olaadeu e heohi, gai gi dee haia ai e de gau heohi de baubau.

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Isaiah 10:15

E aha, e maua e taguu i de hagadaba, bolo ia e kii ange i tangada e hagaabo ina, aabe go ssoaa i de hagadaba bolo ia e kii ange i tangada e soaa ina mee? E dagodo be go dahi laagau e hagaabo ina tangada e daohia age, aabe go de laagau e daohia age tangada e dee se laagau laa!

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 14:24

Tagi o denga hagabuulinga hebagi ne basa hagatoo donu, ga hai ange, “Agu hagatau gu hai, e hagassula naa donu, gai dagu mee gu hagamodu, e dee haisala donu.

Isaiah 14:25

Au e hagadee kii naa de gau Assyria i dogu henua; gai au e dagadagahi naa Assyria i honga ogu mounga. Gai dana laagau hagahai hegau e aau gee naa i honga ogu dangada, dana mee hagauda daemaha e aau gee naa i honga olaadeu eu.”

Isaiah 23:13

Galo ange diiloo dagodo o de henua o de gau Babylon; deenei de huaadangada nogo deai laa. De gau Assyria ne hai de henua gi se mommee e nnoho ai denga manu lodo henua; gilaadeu ne hagatuu denga mee ne hagatuu e oha ai, gilaadeu ne oha ga maoha ono hale maolunga.

Isaiah 26:20

Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 29:2

Aagai au e gaamai naa dahi hai ngadaa gi Ariel, dangada iai e tangi naa ma de hinangalosaa; gai au e hai naa de aduhale laa gi bei Ariel.

Isaiah 30:27

Tilo, de ingoo o Iahweh e humai naa i dahi mommee mmao; dono lili e ula bei de ahi ma de buu ai de useahi; luoono malaungudu e hagalloa i dono bole, gai dono alelo e bei de ahi mmahi.

Isaiah 30:30

Gai Tagi Maolunga e hai naa gi langona e dangada dono leo maolunga, ma de gidee de hagaabo dono lima i dono bole, ma de ahi ula mmahi e duungia laa mee, madali de langi pala, ma de madangi, aama dibadibaa haisi.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 34:2

Tagi Maolunga gu lili i denga huaahenua alodahi, ma de bole mmao i olaadeu hagabuulinga hebagi. Ia e hai naa gi daia gilaadeu gi odi i de maakau; ia e hai naa gi daia gilaadeu gi maakau.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Isaiah 7:17

Tagi Maolunga e gaamai naa gi de goe ma oo dangada, aama doo huaabodu dahi masavaa hai ngadaa, gai tigi ai ange donu se masavaa bee nei mai i de laangi o Ephraim ma Judah ne mavaevae ai: ia e gaamai naa gi goodou de hodooligi o Assyria.”

Isaiah 7:20

De laangi laa gai de Ia Aamua e dahi naa ngaangaaulu i doo biho ma luoo vae, aama doo gumigumi i de leesaa aana e hai gi humai i de baasi laa o Euphrates: go de hodooligi o Assyria.

Isaiah 8:4

go hiidinga i mua dana iloo de hagaagahi adu, ‘Dogu damana’ aabe go ‘Dogu dinana’, gai de lava o Damascus ma goloa o Samaria e gaavee gee naa e de hodooligi o Assyria.”

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Ezekiel 22:31

Deenei ai, au e hagaduasala donu gilaadeu i dogu lili, ma de hagallilo gilaadeu i dogu bole bei dagodo o de ahi. Au e sui ange naa donu alaadeu hegau, go de Ia Aamua go Iahweh e hagadaba.”

Ezekiel 7:10

Tilo, de laangi laa gu dae mai! Gu dae mai donu! De hagaduasala gu hua, de laagau gu iai huaala, de lodo maolunga gu loage ono huaala!

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Nahum 1:1

Muna hagadaemaha i dagodo o Nineveh. De beebaa o de midi hagaago ange a Nahum taane Elkosh.

Habakkuk 1:12

Tagi Maolunga, e aha, koe tee noho mai laa i taamada? Go koe dogu Maadua, dogu Ia Dabu, gimaadeu e dee maakau donu. Tagi Maolunga, koe ne hagatau bolo gilaadeu gi hagaduasala ina gimaadeu; gai go koe, de Baba, ne hagamodu ina ange gilaadeu gi haelea gimaadeu.

Zephaniah 2:13

Ia e hebagi ange naa gi denga henua i ngaiho, ma de oha Assyria; Nineveh e hai naa ga ngadi dagodo, gai gi se vao e deai vai iai.

Numbers 24:24

Denga vaga e loomai naa i Kittim ga hebagi ange gi Assyria ma Eber; gai gilaadeu e oohaa naa hogi.”