Isaiah 10:22 - De Beebaa Dabu

²² Israel, e dee galemu naa donu de soa oo dangada bei de lagolago gelegele i gabugabu tai, gai e sogoisi naa donu huu e aahe mai. Gai gu lava donu i de hagamodu i de heohi, bolo e daa gilaadeu gi maakau.

Isaiah 10:22 Iomraidhean Croise

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

1 Kings 4:20

Gai gu soa mmao dangada i Judah ma Israel, bei de lagolago gelegele i gaogao tai; gai gilaadeu ne gaimee ma de unu ma de lodo malangilangi.

2 Kings 19:31

Gai e hanu naa donu dangada e doe i Jerusalem, gai e hanu naa e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Isaiah 37:31

Gai dangada ne ola i Judah e nnoho naa i de henua bei dagodo o de manu somo e ssomo laa ono aga ga hulo gi lo te gelegele, gai ono laa iai hua lagolago.

Isaiah 46:3

Dangada o Jacob, goodou hagalaangona agu muna, goodou dangada alodahi o Israel e doe, go goodou aagu ne hagauda mai i de masavaa oodou ne hagadili, ma de saabai goodou mai i de masavaa oodou ne haanau ai;

Isaiah 48:19

Gai oo hagadiilinga e soa naa bei de lagolago o denga gelegele, gai au dama e soa naa hogi bei de lagolago o gelegele malili; olaadeu ingoo e dee llilo naa donu, aabe aau gee mai i mada luoogu mada.”

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Isaiah 6:11

Gai au ne ssili ange, “De Ia Aamua, dee hee maa taulooloa de hai mee nei?” Ia ne hai mai: “Mee nei e hai ga dae ai gi de odi aduhale alodahi i de oha gai gu deai dangada e nnoho ai, ga dae ai gi teai dangada e doe i denga hale i kilaa, gai de henua gu ngadi dagodo;

Isaiah 6:13

Gai ga dahi naa donu huu diba i diba e madaangahulu o dangada e doe i de henua, gai e ahe ange naa donu ga ngadi dagodo. Aagai e bei naa de terebinth ma de oak e sele iho laa gai olaau daahido e tuu i honga de gelegele, gai de uli dabu laa go tahido donu i honga de henua laa.”

Isaiah 60:22

Dangada hugadoo e sogoisi i goodou e hai naa ga se aamuli soa, gai de hagabuulinga damaa mee hugadoo e hai naa ga se huaahenua soa. Go au donu go Iahweh, au e hai gi moolau de hai mee nei i de masavaa gu hagamodu.

Isaiah 65:8

E hagadaba Tagi Maolunga, “De masavaa e hanu ai vai huamanu i lodo gau looloa grape, gai dangada e hagataba, ‘Aude oha de mee naa, go hiidinga e hanu manuuia iai,’ gai e bei ai hogi dagu hai e hai ai ogu dangada hai hegau; au e dee daa naa donu gilaadeu alodahi gi maakau.

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Jeremiah 3:14

Goodou aahe mai, denga dama gu daahuli gee i de au, go Tagi Maolunga e hagadaba. Go au doodou dangada aamua; au e kave naa hanu goodou — e dahi mai i dahi aduhale gai e dogolua mai i dahi huaabodu — gai au e hagaahe mai naa goodou gi Zion.

Jeremiah 44:28

Dangada e dee maakau laa i de gadilaasa ga aahe mai i Egypt gi de henua o Judah, e sogoisi naa donu. Gai dangada o Judah e doe ne hulo laa ga nnoho i de henua go Egypt, e iloo naa be go agu muna aabe go alaadeu muna e hagassula.

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Revelation 20:8

gai ia e sao mai naa ga hagasenga denga huaahenua i henua i lalo alodahi, e bei go Gog ma Magog, ga hagabuni mai gilaadeu e hagadabena ange gi de hebagi; gai taelodo o de gau laa e bei denga gelegele i gabugabu tai.