Isaiah 10:16 - De Beebaa Dabu

¹⁶ Deenei ai, de Ia Aamua, Tagi o denga hagabuulinga hebagi, e hai naa gi mmagi ono daane hebagi mmahi, gai dono hagadubu e haula naa i de ahi ula.

Isaiah 10:16 Iomraidhean Croise

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

Psalm 106:15

Ia ne gaavange gi gilaadeu olaadeu mee ne dangidangi ai, gai ne gaamai de mee hagamaakau gi olaadeu magavaa.

Psalm 78:31

gai de lili o de Maadua ne hai baasi ange gi gilaadeu; ia ne daa ga maakau denga daane mmahi i olaadeu magavaa, gai ne hai denga daane dau i Israel gi too gi lalo.

Isaiah 10:18

De mahamaha o lodo henua i kilaa ma de gelegele e ssomo ai manu e oha naa donu ga odi, bei tangada magi e hagadaga iho laa.

Isaiah 17:4

De laangi laa gai de mahamaha o Jacob e lilo naa, gai dono angaanga bedi e bangabanga naa.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Isaiah 37:29

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 5:17

Gai denga ssiibi gauligi e gaimee naa i kilaa bei de mommee iai helii, gai hanu dangada gee e gaimee naa i de mommee o de gau lava gu maoha laa.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Isaiah 9:4

Go hiidinga koe gu hadihadi de laagau e hagahai hegau aana e hagauda, ma togo i honga dono eu, go de laagau a de ia e vaivai haia gilaadeu, bei de laangi aau ne hagadee kii ai de gau Midian.

Isaiah 9:5

Denga mee vae o taane hebagi dau, ma olaadeu malo laa daha alodahi gu baalau laa i dodo e dudu naa i de ahi.

Jeremiah 21:14

Au e hagaduasala naa goodou gi bei hua o oodou hegau, go Tagi Maolunga e hagadaba. Au e haula naa dahi ahi i lodo henua i doo henua ga dudu ai mee alodahi i luu baasi.”

Jeremiah 48:14

Dee hee doodou hai e hagataba ai naa, ‘Gimaadeu ni daane hebagi mmahi, gai ni daane e aabo i de hebagi?’

Ezekiel 34:16

Au e ssala naa ssiibi gu dee maleva laa, ma de hagaahe mai gilaadeu gu hulo gee. Au e saabini naa maanuga o ssiibi gu lagohia laa ma de hagammahi gilaadeu e baageaa, aagai au e daa naa gi maakau denga ssiibi pedi ma de mmahi. Au e hagaloosi ange naa gilaadeu i de hagamodu heohi.

Nahum 1:12

E hagadaba Tagi Maolunga, “E dee galemu naa donu delaadeu mmahi ma de soa, gai gilaadeu e odi naa donu i de maakau. Judah, e dee galemu donu au gu hagaduasala goe, gai au e dee ahe ange naa donu e hagaduasala goe.

Zephaniah 2:13

Ia e hebagi ange naa gi denga henua i ngaiho, ma de oha Assyria; Nineveh e hai naa ga ngadi dagodo, gai gi se vao e deai vai iai.

Zechariah 7:4

Gai Tagi o denga hagabuulinga hebagi ne hagaago mai ana muna, ga hai mai:

Acts 12:23

De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.