Isaiah 10:12 - De Beebaa Dabu

¹² Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Isaiah 10:12 Iomraidhean Croise

2 Kings 19:31

Gai e hanu naa donu dangada e doe i Jerusalem, gai e hanu naa e ola i de mounga go Zion. Go mahi donu o Tagi o denga hagabuulinga hebagi e hagassula ina de mee nei.

Psalm 18:27

Koe e hagaola gilaadeu e llodo maolalo, aagai e hagamaolalo gilaadeu e llodo maolunga.

Psalm 21:10

Koe e daa naa olaadeu aamuli ga deai e doe i henua i lalo, ma teai olaadeu hagadiilinga e doe i magavaa o dangada.

Psalm 76:10

Ni muna abodonu, de llili o dangada e hidi mai ai doo tuhi, gai dangada e ola mai i de lili e dau adu naa gi de goe.

Psalm 76:5

Denga daane hebagi mmahi gu gaavee olaadeu goloa hebagi, gai gilaadeu gu sseni i sseni o de gau maakau; denga daane aaboo i de hebagi gu dee maua i de langa age olaadeu lima.

Proverbs 21:4

Luu mada hagamaolunga ma de lodo maolunga go de laama a tangada baubau, gai e haisala donu.

Proverbs 30:13

Hanu dangada e kona de lodo maolunga, gai e kona de hagangadi mee dangada.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 2:12

Tagi o denga hagabuulinga hebagi gu hagadabena dahi laangi ange gi gilaadeu alodahi e llodo maolunga ma de hagamaolunga, ma gilaadeu e hagaamua ina gilaadeu, (gai gilaadeu alodahi e hai naa ga maolalo),

Isaiah 24:21

De laangi laa gai Tagi Maolunga e hagaduasala naa denga dagi maolunga o lo te langi i lunga ma denga hodooligi o henua i lalo.

Isaiah 27:7

E aha, de Maadua ne hagaili laa ia, bei dana hai ne hagaili ai dangada ne hagailiilia ia? Aabe ne daa gilaadeu ga magau, bei de daa ga maakau o dangada ne daia gilaadeu ga maakau?

Isaiah 27:9

Deenei de hai e degi ange ai gi baubau o Jacob; gai deenei de hai e aau gee ai ono haisala alodahi: i de masavaa aana e oha ai denga hadu alodahi o denga mommee o ssigidaumaha ga hai gu bei lehu, gu deai donu duludulu laagau o Asherah e doe, aabe ni mommee o ssigidaumaha o mee maanongi e tuu.

Isaiah 29:14

Deenei ai, au e ahe ange naa e hai gi llele mouli de gau nei, i mee hagalele mouli lagolago; gai de iloo mee o de gau iloo mee e dee maaleva naa, gai de heiangi o de gau heiangi e lilo naa hogi.”

Isaiah 33:1

E vakaa naa goe, de ia e oohaa denga henua, gai tigi ai donu dangada ne oohaa ina goe! E vakaa naa goe, tangada e dee hai hegau i de mee abodonu, gai tigi ai donu dangada ne hagasengalia goe! De masavaa naa huu aau e tuu ai de oha gai koe e oohaa naa donu hogi; de masavaa naa huu aau e tuu ai de hagasenga dangada, gai koe e hagasengalia naa donu hogi.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 37:29

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.

Isaiah 5:15

Dangada e hai naa ga maolalo, gai dangada e hagamaolalo ina na, tangada hagamaolunga e hagangadi mee ina naa.

Isaiah 50:11

Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Isaiah 65:7

go oodou baubau ma baubau o oodou dubuna, go Tagi Maolunga e hagadaba. Go hiidinga gilaadeu ne dudu denga sigidaumaha i honga denga mounga ma de hai baasi mai gi de au i honga duuduu, au e hagabau ange naa gi gilaadeu de hagaoanga o alaadeu hegau i mua.”

Isaiah 9:9

Dangada alodahi e iloo naa de mee nei, Ephraim ma gilaadeu e nnoho i Samaria; go dangada e hagataba i de hagamaolunga ma de lodo maolunga:

Jeremiah 25:29

Tilo, au gu daamada de hai gi humai dahi hai ngadaa gi de aduhale iai dogu ingoo; e aha, goodou e maanadu bolo goodou e dee hagaduasala? Goodou e hagaduasala donu, go hiidinga au e hagahi mai naa de gadilaasa gi hai baasi ange gi dangada alodahi e nnoho i henua i lalo, go Tagi o denga hagabuulinga hebagi e hagadaba.’

Jeremiah 50:18

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e hagaduasala naa de hodooligi o Babylon ma dono henua, bei dagu hai ne hagaduasala ai laa de hodooligi o Assyria.

Jeremiah 50:32

De ia hagamaolunga e baguu naa ga dagodo i honga de gelegele, gai e deai naa donu se dangada e hagahidi age ia; au e haula naa dahi ahi i lodo ono aduhale, e dudu ai mee alodahi i luu baasi de henua laa.”

Ezekiel 31:10

Deenei ai, e hagadaba de Ia Aamua go Iahweh: go hiidinga de manu laa gu looloa mmao gai dono ulu e daea age denga giliiga, gai ia ne lodo maolunga i hiidinga dono looloa,

Ezekiel 31:14

Mee nei ne hai gi deai ai manu ssomo i gaogao vai e somo ga kona de lloa, gai olaadeu ulu gu daea age denga giliiga. Gai gi deai ange ai se manu ssomo gu hagamaluulu danuaa e somo ga looloa bee nei, gilaadeu alodahi e odi naa donu i de maakau, ga hulo gi de mommee i lalo de henua, madali dangada alodahi gu loiho laa gi lo te geelonga o de gau maakau.

Daniel 11:45

Gai ia e hagatuu age naa ono hale malo danuaa i magavaa o tai ma de mounga mahamaha ma de dabu. Aagai ia e magau naa donu, gai e deai donu se dangada e balea ange ia.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Numbers 24:24

Denga vaga e loomai naa i Kittim ga hebagi ange gi Assyria ma Eber; gai gilaadeu e oohaa naa hogi.”

Matthew 12:33

“Noo e danuaa de manu somo, gai ono hua e danuaa hogi; gai noo e baubau de manu, gai ono hua e baubau hogi, go hiidinga dangada e madea de manu somo i ono hua.

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Deuteronomy 32:27

aagai au e madagu i muna hagammae manava a de hagadaumee, kana dee tonu ange denga hagadaumee, ga hagataba, ‘Gimaadeu ne kii i omaadeu mahi donu; e dee go Tagi Maolunga donu ne haia mee nei.’ ”

1 Peter 4:17

Gai gu dae mai de masavaa e daamada ai de hagamodu muna o dangada o de Maadua; gai noo de hagamodu muna e daamada i gidaadeu, gai aahee ai naa dagodo o dangada e dee hagallongo ange gi de longo danuaa a de Maadua?