Isaiah 1:8 - De Beebaa Dabu

⁸ Tamaa hine o Zion gu ngadi duu donu huu bei de baasi hale i lo te veelengaa grape, ma de baasi hale i lo te veelengaa kiulii, gu bei de aduhale e duuli ina luu baasi i denga daane hebagi.

Isaiah 1:8 Iomraidhean Croise

De Beebaa go Job 27:18

Gai de hale aana e hagaduu e maoha ngaohie naa bei de hale o de neveneve, ma de baasi hale a tangada dagitilo e hagaduu laa.

Psalm 9:14

gai au ga tala tuhi ai goe i denga haitoga o tamaa hine o Zion, ma de malangilangi i kilaa i dau hagaola mai au.

Isaiah 1:7

Doodou henua gu ngadi dagodo, oodou aduhale gu dudu i de ahi; de gau henua gee gu kave oodou gelegele i oodou madamada alodahi; de henua gu ngadi dagodo gai gu oohaa e de gau henua gee.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Isaiah 10:32

Anailaa nei gai ia e nnoho naa i Nob, ia e tugi ange naa dono lima gi tamaa hine o Zion, i de mounga o Jerusalem.

Isaiah 29:3

Au e duuli naa luu baasi de aduhale alodahi; au e duuli naa luoo baasi i denga hale dagitilo ma de hagatuu denga mee oha e hebagi adu ai gi de goe.

Isaiah 30:17

E mano goodou e saavini naa ga hulo gee i doodou maatagu i dahi dangada sogosogo; e dogolima dangada e hai goodou alodahi gi saavini gi hulo i doodou maatagu, ga dae ai gi doodou bei dagodo o dahi laagau e duu laa i ulu de mounga, aabe go dahi hagailonga i honga dahi mounga.”

Isaiah 37:22

aanei muna a Tagi Maolunga e hai baasi ange ai gi de ia: De bua moe o Zion e hagangadi mee ma de doo mee i de goe. Tamaa hine o Jerusalem e geugeu dono biho i doo savini e hano gee.

Isaiah 37:4

Kana adu Tagi Maolunga doo Maadua e hagallongo naa muna a de Rabshakeh, go muna a dono dangada aamua, go de hodooligi o Assyria ne hagailoo mai, ma de basa hagamaolunga ai i de Maadua e mouli laa, gai ia ga hagasee ai ia i hiidinga muna a Tagi Maolunga doo Maadua gu langona naa. Deenei ai, dalodalo i dangada goi mouli laa.’ ”

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Isaiah 49:21

Gai koe e hagadaba naa i oo lodo, ‘Goai ne hanaua mai dama nei gi de au? Au ne buliaamou ma teai agu dama; au ne gaavee gi dahi henua gee ma de dilia. Gai goai ne haelea age dama nei? Tilo, go au donu huu e doe; aagai go hee ne loomai ai dama nei?’ ”

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Isaiah 8:8

gai vai e ssali mai naa gi Judah, ga haoli de henua ga dae age ai gi de ua. Gai ia e bei naa de manu lele e doha laa luoono bakau ga haoli ai honga doo henua alodahi, Immanuel!”

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Jeremiah 6:2

Au e oha naa de aduhale mahamaha, go tamaa hine o Zion.

Lamentations 2:1

De Ia Aamua gu haoli tamaa hine o Zion i de hagausinga o dono lili! Ia ne tili iho mai i de langi gi henua i lalo de mahamaha o Israel; ia tee manadua donu de mommee e dugu ange aagena luoono vae, i de laangi oona ne lili ai.

Lamentations 2:6

Ia gu oha dono baasi hale bei dagodo o dahi veelenga; ia gu oha dono mommee hagabuni. Tagi Maolunga gu hai Zion gi ngalo denga daonga ma denga Sabbath, ia ne hagangadi mee de hodooligi ma tangada haimeedabu i hiidinga de kona dono lili.

Zechariah 2:10

Tamaa hine o Zion, koe gi daahili ma de malangilangi, go hiidinga au e humai naa e noho i oo daha, go Tagi Maolunga e hagadaba.

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

John 12:15

“Tamaa hine o Zion, aude madagu; tilo, doo hodooligi e humai naa, gai ia e gage i honga tama a dahi donkey!”