Isaiah 1:6 - De Beebaa Dabu

⁶ Mai i lalo de vae ga dae ai gi de biho, gu deai donu se mommee danuaa iai, go mee dugidugia donu huu ma maanuga iai, aama maanuga e sali mai ai todo; tigi hagagilimalali, tigi saabini, gai tigi hulu i lolo.

Isaiah 1:6 Iomraidhean Croise

2 Samuel 14:25

Gai e deai donu se dama daane i Israel e mahamaha bei dagodo o Absalom. E deai donu se mee baubau daudahi i dono angaanga, mai i luoono vae ga dae age ai gi dono biho.

De Beebaa go Job 5:18

Ia e hagammae, aagai e ahe ange hogi ga saabini de maanuga; ia e hagalagohia, aagai e hagaieiangi hogi.

Psalm 77:2

De masavaa oogu ne hai ngadaa ai, gai au ne ssala de Ia Aamua laa; au tee dalea donu i de haalo luoogu lima i talodalo, au tee lodo gi hagaaneane ina ogu lodo.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 30:12

Gai e hagadaba Tagi Maolunga: Doo maanuga e dee maua gi mahu, gai doo mee lagohia e hagammae.

Jeremiah 30:15

Gu ahe gu dangi ai naa goe i doo lagohia, gai e dee maua gi helui doo mmae? Go hiidinga oo baubau nnui, ma oo haisala e lagolago, aagu ne hai adu ai nei mee nei gi de goe.

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Jeremiah 6:14

Gilaadeu e saabini maanuga o ogu dangada e dagodo be e dee ni maanuga kona. Gilaadeu e hagataba, ‘Nnoho paba, nnoho paba,’ aagai e deai donu se nnoho paba.

Jeremiah 6:7

De aduhale nei e honu malingilingi i de baubau, bei de vai geli e honu baabaa laa i vai. De alasala ma de oha mee e hai i kilaa; gai au e gidee dagodo o dono magi ma ono maanuga i masavaa alodahi.

Nahum 3:19

Gai gu deai donu mee e hagaieiangi ina goe; doo maanuga gu se mee hagamaakau. Dangada alodahi e langona oo longo e baabaa naa olaadeu lima. Go hiidinga goai tee langona iho tuasala i au hegau alasala ne hai?

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Matthew 9:12

Aagai ga langona huu e Iesu alaadeu muna, gai ia ga hai ange gi gilaadeu, “E dee go dangada e dee mmagi e ssala tangada hai magi, aagai go gilaadeu e mmagi e saalaa ia.

Luke 10:34

Gai ia ga hano ga saabini ono maanuga ga llingi ange lolo ma uvaini aagena. Gai ia ga hagauda ange taane laa gi honga dana manu, ga kave ia gi de hale gaainga ga tilo ange ai ia.