Isaiah 1:4 - De Beebaa Dabu

⁴ E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Isaiah 1:4 Iomraidhean Croise

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

2 Kings 21:22

Ia ne tili Tagi Maolunga, de Maadua o ono dubuna madagidagi, ia tee daudali i lodo o Tagi Maolunga.

2 Chronicles 12:1

Gai de masavaa huu ne sula ai de hodooligi o Rehoboam, gai dono nohoanga hodooligi gu mmahi, gai gilaadeu ma de gau Israel alodahi ga tili hainga a Tagi Maolunga.

2 Chronicles 27:2

Gai ia ne hai hegau i de heohi i mada luu mada o Tagi Maolunga, bei dagodo hegau a dono damana go Uzziah, gai ia tee ulu i de temple o Tagi Maolunga bei dagodo hegau a dono damana ne hai. Aagai dangada ne duudagi de hai denga dahulinga hakino gee.

Nehemiah 1:7

Gimaadeu gu hai hegau baubau adu donu gi de goe i demaadeu dee daohi au hainga ma au muna gu hagasauaa, aama au hagamodu gu lava i de gaavange gi doo dangada hai hegau go Moses.

Psalm 58:3

Mai i de masavaa olaadeu ne haanau ai, gai de gau baubau e hulo gee i de haiava; mai i de masavaa olaadeu e nnoho ai i de mommee o denga dama, gai gilaadeu e tala denga muna hadu.

Psalm 71:22

Dogu Maadua, au e tuhi goe i de harp, i hiidinga koe e hai hegau i de muna abodonu; au e daahili ma de tuhi goe i de lyre, de Ia Dabu o Israel.

Psalm 78:40

Gai tee modu donu delaadeu hai baasi ange gi de ia i de vao ma de hagadaemaha ono lodo i lodo henua!

Psalm 78:41

Gilaadeu ne hagatale ia i hanonga lagolago, ma de hagadaemaha lodo o de Ia Dabu o Israel.

Psalm 78:57

Gilaadeu ne aahe dua ma tee hai hegau i de mee abodonu bei olaadeu dubuna madagidagi; gai e deai se tali ange gi gilaadeu bei de mee hholu gu hadi laa.

Psalm 78:8

Gai gi dee bei ai gilaadeu dagodo olaadeu maadua — olaadeu dubuna se atangada e makaga olaadeu lodo ma de hagamaanege, olaadeu lodo tee maua i de tuu gi makaga, gai olaadeu hagasaalunga tee hai hegau ange gi de Maadua i de mee abodonu.

Psalm 89:18

Tagi Maolunga, go koe demaadeu ia buibui, gai go de Ia Dabu o Israel ne gaamai demaadeu hodooligi.

Exodus 32:7

Gai Tagi Maolunga ga hai ange gi Moses, “Hagamoolau hano iho gi lalo, go hiidinga au dangada ne hagassao mai i de henua go Egypt, gu hai denga dahulinga hakino gee.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Isaiah 1:28

Aagai de gau hai alaadeu hai ma de gau haisala e odi naa i de oha ga deai, gai gilaadeu e daahuli gee i Tagi Maolunga e maakau naa.

Isaiah 10:6

Au ne hai ia gi hano gi hai baasi ange gi dahi huaahenua baubau, au ne kave ia gi hai baasi ange gi dahi huaadangada oogu e lili ai laa, ma de hai gi de mahi gilaadeu ga kave olaadeu goloa, aama de dagadagahi gilaadeu bei denga bela i honga denga haiava.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Isaiah 14:20

Koe tee danu madali gilaadeu, go hiidinga koe ne oha doo henua ma de daa ga maakau oo dangada. E deai naa donu dangada e manadua hagadiilinga o dangada e haia de baubau.

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.

Isaiah 3:8

Jerusalem e oha naa ga maoha, gai Judah e hagadee kii ina naa, i hiidinga alaadeu muna ma hegau e hai baasi ange gi Tagi Maolunga, ma de hagangadi mee dono mahamaha.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 30:15

E hagadaba de Ia Aamua go Iahweh, de Ia Dabu o Israel, “Noo goodou e daahuli mai oodou lodo gi de au ga hagammabu i ogu daha, gai goodou e ola; i hiidinga go doodou hagammabu ma de hagadonu au oodou e mmahi ai. Aagai goodou e dee llodo.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 31:2

Gai Tagi Maolunga e kona mmao de heiangi, gai e maua i de hai gi humai de hai ngadaa; ia e dee hagaahe donu dana muna. Ia e hidi age naa ga hebagi ange gi de gau baubau, ma gilaadeu e balea ange dangada e haia de baubau.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 41:16

Koe e nonu naa mee nei i de madangi, gai de madangi e ili naa ga kave gee, de madangi mmahi e hagassii saele naa gilaadeu. Gai goodou e malangilangi naa i Tagi Maolunga, goodou e hagamahamaha naa de Ia Dabu o Israel.

Isaiah 41:20

gi gidee ai e dangada ma de iloo, gai gi maua ai e gilaadeu i de hagasaele ma de tonu ange bolo go de lima sauaa o Tagi Maolunga donu ne haia de mee nei, gai go de Ia Dabu o Israel ne haia gi hanu de mee nei.

Isaiah 5:19

gai dangada e hagataba laa, “Tagi Maolunga gi hagamoolau, ia gi moolau de hai ana hegau gi gidee ai gimaadeu. Haia mee nei gi tae mai, gai gi moolau de hai hegau a de Ia Dabu o Israel, gi iloo ai e gimaadeu!”

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 58:2

Laangi alodahi gai gilaadeu e ssala ngau, e dagodo be gilaadeu e llodo gi iloo e gilaadeu ogu haiava, gai e dagodo be gilaadeu se huaahenua e haia de mee heohi, gai gilaadeu tigi tili donu muna a delaadeu Maadua. Gilaadeu e ssili mai dagodo o ogu hagamodu heohi, e dagodo be gilaadeu e malangilangi i de hagabaa ange o de Maadua.

Isaiah 65:11

Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;

Isaiah 65:3

Gilaadeu ni dangada e hagadaemaha ina ogu lodo i masavaa alodahi, gilaadeu e hai denga sigidaumaha i lodo veelenga, ma de dudu mee maanongi i honga mommee o ssigidaumaha e hai i hadu.

Isaiah 9:17

Deelaa ai, de Ia Aamua e dee malangilangi i alaadeu dama daane, be e lodo aloha ange gi alaadeu gauligi gu deai olaadeu damana, aabe go haahine gu maakau olaadeu bodu. Go hiidinga gilaadeu alodahi e dee hai hegau i mee heohi aama de baubau, gai muna a dangada alodahi e tala gu hakino gee. Gai mee nei alodahi tee maua i de hai gi helui dono lili, dono lima goi hagaabo donu huu.

Jeremiah 15:6

Koe ne tili au, go Tagi Maolunga e hagadaba; koe tee modu de ahe dua. Deelaa ai, au e hagaabo naa dogu lima e hagaduasala ai goe; au gu dalea i de golomagi ogu lodo.

Jeremiah 2:13

Ogu dangada gu hai e lua baubau: gilaadeu gu tili au, ssaalingaa vai o de mouli, gai gilaadeu ne hoda mommee e hagasahu ai vai, go mommee e dee maua gi daakodo ai vai.

Jeremiah 2:17

Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 2:31

Goodou de atangada nei, hagalaangona muna a Tagi Maolunga: E aha, au gu bei laa dagodo o de vao i daho Israel, aabe ne bei dahi henua gohu boo dangodango? Gai gu aha ogu dangada gu hagataba ai laa, ‘Gimaadeu gu ilaage i de hulo be go hee omaadeu e llodo e hulo aagena, gimaadeu e dee aahe ange e loomai gi de goe’?

Jeremiah 2:33

Koe e kona de heiangi i de ssala oo bodu! Denga haahine baubau hugadoo gu agoago i au dahulinga baubau.

Jeremiah 2:5

E hagadaba Tagi Maolunga: “Se baubau aha a oodou dubuna ne gidee laa i ogu daha, gai gilaadeu ga hagammao gee ai laa i de au? Gilaadeu ne daudali ange i denga diinonga dee haigamaiana, ga deai ai olaadeu haigamaiana.

Jeremiah 32:32

Dangada alodahi o Israel ma dangada o Judah gu hai au ma gu bole, i alaadeu hegau baubau alodahi — go gilaadeu ma olaadeu hodooligi, ma olaadeu dagi, ma olaadeu dangada haimeedabu, ma olaadeu pelaabisi, go daane o Judah ma dangada o Jerusalem.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Jeremiah 7:19

E aha, go au alaadeu gu hai laa gi lili? go Tagi Maolunga e hagadaba. E aha, e dee go gilaadeu donu huu alaadeu e hagammae ma de hagadookaa?

Jeremiah 7:26

Aagai gilaadeu tee hagallongo mai aabe ne aanga mai. Gilaadeu ne hagamakaga olaadeu lodo ma de kii ange de baubau i olaadeu dubuna madagidagi.

Ezekiel 14:5

Gai au ga hagaahe mai ai lodo o de gau Israel alodahi gu hulo gee laa i de au i hiidinga delaadeu daumaha ange gi denga diinonga.’

Ezekiel 16:33

Denga daane e gaavange mee ngadi gaavange gi denga haahine hai be se manu alodahi, aagai koe e gaavange mee ngadi gaavange gi oo dau soa daane, ga hai gilaadeu gi loomai gi oo daha, mai i mommee alodahi gi dagodo haisala madali goe.

Ezekiel 16:45

Koe e bei donu doo dinana, go de hine ne kino laa i dono bodu ma ana dama; koe e bei hogi oo daina haahine, gilaadeu ne kino i olaadeu bodu ma alaadeu dama. Doo dinana se hine Heth, gai doo damana se daane Amor.

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

Numbers 32:14

Gai tilo, goodou go dama donu a oodou damana, goodou gu sui donu oodou damana e hai ai gi kii ange de lili o Tagi Maolunga i de gau Israel.

Matthew 11:28

Loomai gi de au, goodou alodahi e daalea ma de daemaha, gai au ga hagammabu goodou.

Matthew 23:33

Goodou e bei denga labodo, gai ni dama nii denga labodo hagammau, dee hee doodou hai e hagaola ai goodou i de hagaduasala o de ahi?

Matthew 3:7

Aagai de masavaa huu a John ne gidee ai denga Pharisee ma Sadducee gu loomai hogi e babudaisi i ono daha, gai ia ga hai ange gi gilaadeu, “Goodou dama a denga labodo hagammau, goai ne hai adu goodou gi hagaola ina goodou mai i de bole gu dai humai laa?

Romans 8:7

Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

1 Corinthians 10:22

E aha, gidaadeu e llodo e hai gi lodo gaiaa Tagi Maolunga? E aha, gidaadeu e mmahi ange laa i de ia?

Deuteronomy 29:25

Gai dangada e hagataba naa, “Go hiidinga gilaadeu tee daohi de hagatoo donu hagaheloongoi a Tagi Maolunga de Maadua o olaadeu dubuna madagidagi, ne hai madali gilaadeu, go de hagatoo donu hagaheloongoi aana ne hai madali gilaadeu, i de masavaa aana ne hagassao mai gilaadeu i de henua go Egypt.

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

Deuteronomy 32:19

Tagi Maolunga gu kino i gilaadeu i dana gide mee nei, i hiidinga ana dama daane ma damaa hine gu hai ia gi lili.

Deuteronomy 32:5

Gilaadeu ne hai hegau ange gi de ia i tee heohi, gilaadeu gu dee ni dama niiana i hiidinga olaadeu baubau; gilaadeu se atangada e hulo gee i de mee heohi ma de hadu muna.

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Revelation 18:5

go hiidinga ono haisala gu hagabudubudu ma gu tae age loo gi de langi, gai de Maadua goi manadua donu ono baubau.

Judges 10:10

Gai de gau Israel ga tangi ange gi Tagi Maolunga, ga hai ange, “Gimaadeu gu haisala adu gi de goe, gai gu tili demaadeu Maadua, gai ga daumaha ange gi denga Baal.”