Isaiah 1:25 - De Beebaa Dabu

²⁵ Au e hagaabo naa dogu lima e hai baasi adu ai gi de goe, au e kave gee naa mee baubau e pigi adu laa gi de goe, ma de aau gee mee hakino alodahi mai i oo daha.

Isaiah 1:25 Iomraidhean Croise

Psalm 119:119

Koe e tili de gau baubau alodahi o henua i lalo bei denga gainga; deenei ai, au e lodo mmao i au muna.

Isaiah 1:22

Denga selevaa hagamogomogo i kilaa gu ni lehu, denga uvaini danuaa i kilaa gu hilo ma vai.

Isaiah 27:9

Deenei de hai e degi ange ai gi baubau o Jacob; gai deenei de hai e aau gee ai ono haisala alodahi: i de masavaa aana e oha ai denga hadu alodahi o denga mommee o ssigidaumaha ga hai gu bei lehu, gu deai donu duludulu laagau o Asherah e doe, aabe ni mommee o ssigidaumaha o mee maanongi e tuu.

Isaiah 4:4

Gai de Ia Aamua laa e hagagilimalali naa denga mee hakino gee o denga haahine o Jerusalem; ia e hhui naa denga dodo e baalau laa i Jerusalem i de hagasaalunga e hagamodu ina laa muna i de ahi.

Jeremiah 6:29

Denga mee ili ahi, e hai ga mmahi de ahi e dudu ai gi deai lead, aagai e deai haigamaiana de duudagi de hagadanuaa mee nei; go hiidinga de gau baubau e dee maua donu i de hai gi gilimalali.

Jeremiah 9:6

Gu kona mmao de vaivai haia o dangada, gu laumalie de hagasenga, gai dangada gu dee llodo gi iloo e gilaadeu au,” go Tagi Maolunga e hagadaba.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Ezekiel 20:38

Au e aau gee naa i oodou daha, gilaadeu e hai baasi mai ma de hagamaanege. Gai e dee galemu naa donu dagu hagassao mai gilaadeu i de henua olaadeu e nnoho gaainga ai laa, aagai gilaadeu e dee ulu donu i de henua o Israel. Gai gi iloo ai e goodou bolo go au donu go Iahweh.

Ezekiel 22:19

Deenei ai, e hagadaba de Ia Aamua go Iahweh: Go hiidinga goodou gu ni lehu donu huu, deenei ai, au e hagabudu mai naa goodou gi lo te aduhale go Jerusalem.

Ezekiel 22:20

Bei de hai e hagabudu ai laa denga selevaa ma bronze, ma iron ma lead aama dini ga hhao ange gi lo te ahi mmahi, e bei ai hogi, au e hagabuni mai naa hogi goodou i dogu lili ma dogu bole ga hhao ange gi lo te ahi mmahi gi vaivai ai goodou.

Ezekiel 22:22

Gai goodou e vaivai naa bei dagodo o denga selevaa i lo te ahi mmahi, gai gi iloo ai e goodou bolo go au donu go Iahweh, ne hagaduasala ina laa goodou i dogu bole.”

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Malachi 3:3

Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga,

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Deuteronomy 32:43

Denga huaahenua, goodou duuhia dono huaadangada, go hiidinga ia e sui ange naa mee ne hai ange gi dono huaadangada hai hegau. Ia e sui ange naa hegau baubau a ono hagadaumee gai ia e degi ange gi dono henua ma dono huaahenua.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.