Isaiah 1:21 - De Beebaa Dabu

²¹ Kalo ange diiloo, de aduhale nogo hai hegau i de mee heohi, gu hai hegau ai nei bei de hine hai be se manu! De aduhale nogo hai hegau laa i de hagamodu heohi; de mee heohi nogo dagodo i kilaa, aagai iainei go de gau daa dangada e nnoho ai!

Isaiah 1:21 Iomraidhean Croise

2 Samuel 8:15

Gai David ne hodooligi i honga Israel alodahi, gai ia ne hagamodu i de soe ma de mee heohi ange gi ono dangada alodahi.

2 Chronicles 19:9

Ia ne hai ange gi gilaadeu, “Goodou haia de hegau nei i doodou maatagu i Tagi Maolunga ma de hai hegau i de muna abodonu i oodou lodo alodahi.

Nehemiah 11:1

Gai dagi o dangada ne nnoho laa i Jerusalem, gai de gau Israel ange laa ne dada denga laagau ga hilihili ai e dagidahi mai i e madaangahulu dangada gi nnoho i Jerusalem, de aduhale dabu, gai de gau ange laa gi nnoho i olaadeu aduhale.

Psalm 46:4

E dahi saalingaa vai e sali mai ma e hagamalangilangi de aduhale o de Maadua, go de mommee dabu e noho ai laa de Ia Maolunga Mmao laa.

Psalm 48:1

Tagi Maolunga e maolunga mmao, gai e heohi de hagalaumalie dono tuhi i lo te aduhale o taadeu Maadua. Dono mounga dabu

Psalm 48:8

Gimaadeu gu langona, ma de gidee i lo te aduhale o Tagi o denga hagabuulinga hebagi, ma lo te aduhale o demaadeu Maadua; de Maadua gu hai de aduhale laa gi dagodo ga hano ai. Selah

Isaiah 1:22

Denga selevaa hagamogomogo i kilaa gu ni lehu, denga uvaini danuaa i kilaa gu hilo ma vai.

Isaiah 26:10

Gai ga abodonu ange naa donu dangada gi de gau baubau, gai gilaadeu e dee maua donu i de ago de mee heohi; gai ga nnoho naa donu gilaadeu i de henua o olaadeu e heohi, gai gilaadeu e duudagi donu de hai hegau i de baubau, gilaadeu e dee anga ange donu gi de maolunga o Tagi Maolunga.

Isaiah 48:2

Goodou e hagataba bolo goodou ni dangada e dau ange gi de aduhale dabu, gai goodou e dau ange gi de Maadua o Israel; dono ingoo go Tagi o denga hagabuulinga hebagi.

Isaiah 5:7

De veelengaa grape a Tagi o denga hagabuulinga hebagi go de hale o Israel, gai dangada o Judah go de veelenga oona e malangilangi ai laa. Ia ne ssala de hagamodu muna heohi i kilaa, aagai tilo, go de daa dangada donu huu aana ne gidee; ia ne saalaa de heohi, aagai tilo, go de tangi donu huu o dangada aana ne langona!

Isaiah 59:14

Gai de hagamodu muna heohi gu buibuia, de heohi gu mmao gee; gai mee abodonu gu dee gidee i denga aduhale, gai de muna abodonu gu dee gidee hogi.

Isaiah 59:15

Gai gu deai donu se muna abodonu e gidee i kilaa; gai tangada e kino laa i de baubau e vaivai haia. Gai Tagi Maolunga tee malangilangi i dana gidee bolo gu deai se hagamodu muna heohi.

Isaiah 59:3

Oodou lima gu hai ma gu hakino gee i denga dodo, gai oodou madannia gu hai goodou ma gu haisala. Oodou ngudu gu tala muna hhadu, gai oodou alelo gu musumusu denga mee baubau.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Hosea 11:12

Ephraim gu duuli au i denga muna hhadu, de gau Israel gu daahanga mai au; gai a Judah goi hai baasi ange huu gi de Maadua, de Ia Dabu e hai hegau laa i de mee abodonu.

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Habakkuk 1:4

Deenei ai, de hainga gu dee hai hegau, gai de hagamodu heohi gu dee sula age. De gau baubau gu soa ange i gilaadeu e heohi, de hagamodu heohi gu dee hai hegau.

Zechariah 8:3

E hagadaba Tagi Maolunga: Au e ahe mai naa gi Zion, ga noho i Jerusalem, gai Jerusalem e hagaingoo ange naa go de aduhale o de muna abodonu, gai de mounga o Tagi o denga hagabuulinga hebagi e hagaingoo ange go de mounga dabu.

Luke 13:34

Jerusalem, Jerusalem, de aduhale ne daia ga maakau denga pelaabisi ma de maga i hadu gilaadeu ne hai gi loomai gi de aduhale! Gu dee modu dogu lodo e hagabudu au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Acts 7:52

Gai goai denga pelaabisi a oodou dubuna madagidagi tee vaivai hai? Gilaadeu ne daa ga maakau dangada ne daalaa dagodo de humai o de Ia Heohi laa, go de ia oodou gu gaavange laa ma de daa ga magau —

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Revelation 11:2

Gai koe aude haidea lo te buibui laa daha o de temple; dugua donu huu, go hiidinga gu dugu ange gi denga huaahenua, gai gilaadeu e hagadee kii naa ga kave de aduhale dabu laa i e madahaa ma lua malama.

Revelation 11:8

ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.