Isaiah 1:2 - De Beebaa Dabu

² De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Isaiah 1:2 Iomraidhean Croise

2 Kings 21:22

Ia ne tili Tagi Maolunga, de Maadua o ono dubuna madagidagi, ia tee daudali i lodo o Tagi Maolunga.

Psalm 49:1

Denga huaadangada alodahi, nnoho mai hagalaangona de mee nei; alodahi e nnoho i henua i lalo, goodou hagalaangona;

Psalm 50:4

Ia e hagahi de langi i lunga ma henua i lalo, gai ia ga hagamodu ai muna o ono dangada:

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 31:6

De gau Israel, goodou aahe mai gi de ia oodou gu hai baasi ange naa aagena.

Isaiah 34:1

Denga huaahenua, goodou hagapaa mai hagalaangona; denga huaadangada, nnoho mai hagalaangona! De henua ma mee alodahi i ono elunga gi hagalaangona, go henua i lalo ma mee alodahi iai.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Isaiah 65:2

Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Jeremiah 13:15

Nnoho mai hagalaangona; goodou aude hagamaolunga, go hiidinga Tagi Maolunga gu hagadaba.

Jeremiah 22:29

De henua, de henua, de henua, noho mai hagalaangona muna a Tagi Maolunga!

Jeremiah 3:22

“Denga dama dee hai hegau i de mee abodonu, goodou aahe mai; gai au ga hagaieiangi goodou gi hai hegau ai goodou i mee abodonu.” ⌊Dangada ne hai mai,⌋ “Uaa, gimaadeu e loomai naa gi de goe, i hiidinga go koe go Iahweh demaadeu Maadua!

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Jeremiah 6:19

Henua i lalo, goodou hagalaangona; tilo, au e hai naa gi humai dahi hai ngadaa gi de huaadangada nei, e sui ange ai hua o alaadeu hagatau, go hiidinga gilaadeu tee hagallongo mai gi agu muna; gai gilaadeu ne kino i agu hainga.

Ezekiel 24:3

Gai koe daalaa ange de mee hagasengasenga nei gi de gau hagamaanege naa, ga hai ange gi gilaadeu, ‘E hagadaba de Ia Aamua go Iahweh: Dugua ange de anibada e dunu, dugua ange de anibada ma gi liingia ange vai gi ono lodo.

Ezekiel 36:4

deenei ai, denga mounga o Israel, goodou hagalaangona muna a de Ia Aamua go Iahweh. De Ia Aamua go Iahweh e hai ange gi denga mounga ma duuduu, ma denga saalingaa vai ma denga geelonga, ma mommee gu maoha ma gu ngadi daakodo, ma denga aduhale gu ngadi daakodo laa ma teai dangada iai, gai gu pasa hakadanga ai e denga huaahenua —

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Micah 1:1

Tagi Maolunga ne hagailoo ange ana muna gi a Micah taane Moresheth, i de masavaa o Jotham, ma Ahaz, aama Hezekiah e hodooligi ai i Judah. Gai ne hagaago ange gi de ia dagodo mee e hai ange gi Samaria ma Jerusalem.

Micah 1:2

Goodou denga huaadangada alodahi, nnoho mai hagalaangona, henua i lalo ma dangada alodahi e nnoho ai, goodou aanga mai hagalaangona, gai de Ia Aamua go Iahweh ga hagabaubau goodou, de Ia Aamua mai i dono temple dabu.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Malachi 1:6

Tagi o denga hagabuulinga hebagi e hai adu gi goodou, “Tama e hagadubu dono damana, gai tangada hai hegau e hagadubu dono dangada aamua. Gai noo go au doodou damana, gai gu aha gu deai ai naa soodou hagadubu au? Gai noo go au doodou dangada aamua, gai gu aha goodou gu hagangadi mee ai naa au? Go goodou ogu dangada haimeedabu e hagangadi mee ina naa dogu ingoo. Aagai goodou e ssili, ‘Dee hee demaadeu hai ne hagangadi mee ai doo ingoo?’

Acts 4:20

Go hiidinga gimaau e dee maua donu i tee tala mee amaau gu lava i de gide aama de langona.”

Deuteronomy 1:31

Gai goodou gu gidee hogi de hai a Tagi Maolunga doodou Maadua ne bale adu ai goodou i de vao, ga saabai goodou bei de hai a tamana e saabai ai laa dana gauligi i honga luoono eu. Ia ne bale adu goodou ga dae ai gi doodou tae mai gi kinei.”

Deuteronomy 30:19

Gai au e hagahi ange de langi ma henua i lalo e hai ai de gau hagadonu gi hai baasi adu ai goodou, bolo au gu dugu i oodou mada i mua de mouli ma de magau, de manuuia ma de hagamalaia. Deenei ai, goodou hilihilia de mouli, gi mouli ai goodou ma oodou dama,

Deuteronomy 32:1

De langi i lunga, nnoho mai hagalaangona, gai au ga basa adu; henua i lalo gi hagalaangona agu muna e tala i dogu ngudu.

Deuteronomy 4:26

gai au e hagahi de langi ma henua i lalo e hagadonu ai bolo goodou e moolau naa donu doodou maakau ga dee maaleva i de henua oodou ga hulo naa e henua ai i baasi dai o Jordan. Goodou e dee maua naa donu gi nnoho daulooloa i honga de henua laa, aagai goodou e odi naa donu i de daia ga maakau.