Isaiah 1:1 - De Beebaa Dabu

¹ De midi hagaago ange a Isaiah tama daane a Amoz, i dagodo o Judah ma Jerusalem, go de midi aana ne gidee laa i de masavaa o Uzziah, ma Jotham, ma Ahaz, aama Hezekiah e hodooligi ai i Judah.

Isaiah 1:1 Iomraidhean Croise

2 Kings 15:1

Gai de madalua ma hidu huu ngadau o Jeroboam ne hodooligi ai i Israel, gai Azariah, tama daane a Amaziah, de hodooligi o Judah, gu dae ange ga hodooligi.

2 Kings 15:13

Gai Shallum, tama daane a Jabesh, ne dae ange ga hodooligi i de matolu ma siva ngadau o Uzziah ne hodooligi ai i Judah, gai ia ne hodooligi i e dahi malama i Samaria.

2 Kings 15:32

Gai de lua ngadau huu o Pekah, tama daane a Remaliah ne hodooligi ai i Israel, gai Jotham, tama daane a Uzziah gu dae ange ga hodooligi i Judah.

2 Kings 15:7

Gai Azariah ne magau bei ono dubuna, gai gilaadeu ga danu ia madali gilaadeu i de aduhale o David, gai Jotham, dana dama daane ga sui ia ga hodooligi ai.

2 Kings 18:1

Gai tolu ngadau huu o Hoshea, tama daane a Elah ne hodooligi ai i Israel, gai Hezekiah, tama daane a Ahaz, gu dae ange ga hodooligi i Judah.

2 Kings 19:2

Gai ia ne hai Eliakim, taane e diiloo ange mee i dono hale, ma Shebna, tangada sisi, aama dagi o de gau haimeedabu gi hulo gi daho de pelaabisi go Isaiah, tama daane a Amoz. Gai gilaadeu alodahi e kahu i malo daladala.

2 Chronicles 26:1

Gai dangada alodahi o Judah ne kave Uzziah, gu madaangahulu ma ono laa ono ngadau, ga hai ia gi suuia dono damana go Amaziah gi hodooligi ai.

2 Chronicles 26:22

Gai hegau a Uzziah ange laa, mai i taamada ga dae ai gi de hagaodi, gu lava i de sisi a de pelaabisi go Isaiah, tama daane a Amoz.

2 Chronicles 27:1

Jotham gu madalua ma lima ono ngadau i de masavaa oona ne dae ange ai ga hodooligi, gai ia ne hodooligi i Jerusalem i e madaangahulu ma ono ngadau. Gai de ingoo o dono dinana go Jerushah, tamaa hine a Zadok.

2 Chronicles 28:1

Ahaz gu madalua ono ngadau i de masavaa oona ne dae ange ai ga hodooligi, gai ia ne hodooligi i e madaangahulu ma ono ngadau i Jerusalem. Gai ia tee hai hegau i de heohi i mada luu mada o Tagi Maolunga, bei dagodo o dono dubuna go David,

2 Chronicles 29:33

Gai taelodo o denga manu alodahi ne hai ai sigidaumaha se onolau kaau daane ma e dolumano ssiibi.

Psalm 89:19

Madagidagi gai koe ne hai ange gi oo dangada dabu i de midi hagaago ange, “Au gu bale ange dahi daane dau i de hebagi; Au gu hagaamua dahi dama daane i magavaa o dangada.

Isaiah 13:1

Muna hagadaemaha i dagodo o Babylon ne hagaago ange gi Isaiah tama daane a Amoz.

Isaiah 2:1

Muna ne hagaago ange gi Isaiah tama daane a Amoz i dagodo o Judah ma Jerusalem.

Isaiah 20:2

de masavaa laa gai Tagi Maolunga ne hai ange gi Isaiah tama daane a Amoz, “Hagauia oo malo daladala ma oo mee vae.” Gai Isaiah ne hai ga bei muna laa, ia ne gilisau ma de aau ono mee vae ga hano saele ai.

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Isaiah 37:2

Gai ia ne hai Eliakim, taane e diiloo ange mee i dono hale, ma Shebna, tangada sisi, aama dagi o de gau haimeedabu, gi hulo gi daho de pelaabisi go Isaiah, tama daane a Amoz. Gai gilaadeu alodahi e kahu i malo daladala.

Isaiah 38:1

De masavaa laa gai Hezekiah ne magi ga dai magau. Gai de pelaabisi go Isaiah, tama daane a Amoz ne humai gi ono daha, ga hai ange gi de ia, “E hagadaba Tagi Maolunga: Hagadabena ina mee i doo hale, go hiidinga koe e dee ieiangi naa donu gai e magau.”

Isaiah 40:9

Zion, de ia e hagadele ina de longo danuaa, koe gi hanage gi honga dahi mounga maolunga. Jerusalem, go de ia e hagadele ina de longo danuaa, koe gi oo i de leo laumalie. Aude madagu, gai oo hai ange gi aduhale o Judah, “Tilo, doo Maadua gu humai!”

Isaiah 6:1

De ngadau huu o de hodooligi go Uzziah ne magau ai, gai au ne gidee de Ia Aamua laa e noho i honga dahi nohoanga maolunga ma de hagaamua, gai de bido i lalo o dono malo e hola ma e dohu ai lo te temple.

Isaiah 7:1

De masavaa o Ahaz, tama daane a Jotham, tama daane a Uzziah, ne hodooligi ai i Judah, gai Rezin de hodooligi o Syria ma Pekah tama daane a Remaliah, de hodooligi o Israel, ne loomai e hebagi ange gi Jerusalem, aagai gilaau tee maua i de hagadee kii de aduhale.

Jeremiah 23:16

Gai e hagadaba Tagi o denga hagabuulinga hebagi: “Goodou gi dee hagalaangona muna a denga pelaabisi e tala adu; gilaadeu e hai goodou gi tali hagalodolodo ange gi mee dee haigamaiana. Gilaadeu e tala midi alaadeu e hadu age donu huu i olaadeu lodo, e dee ni muna mai i daho Tagi Maolunga.

Ezekiel 1:1

De matolu ngadau huu, i de lima laangi o de haa malama, i dogu masavaa e noho ai madali dangada ne gaavee laa gi dahi henua gee, i gaogao ssaalingaa vai go Kebar, gai gu mahuge mai de langi, gai au gu gidee hanu midi hagaago ange, mai i daho de Maadua.

Hosea 1:1

Tagi Maolunga ne hagailoo ange ana muna gi Hosea, tama daane a Beeri, i de masavaa o Uzziah, ma Jotham, ma Ahaz, aama Hezekiah e hodooligi ai i Judah, ma de masavaa o Jeroboam, tama daane a Jehoash, e hodooligi ai i Israel.

Amos 1:1

Muna a Amos, dahi daane hagaloosi ssiibi o Tekoa — go ana midi hagaago ange ne gidee i dagodo o Israel, i e lua ngadau i mua de ngalungalue o de henua, i de masavaa o Uzziah e hodooligi ai i Judah, gai Jeroboam tama daane a Jehoash e hodooligi ai i Israel.

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Micah 1:1

Tagi Maolunga ne hagailoo ange ana muna gi a Micah taane Moresheth, i de masavaa o Jotham, ma Ahaz, aama Hezekiah e hodooligi ai i Judah. Gai ne hagaago ange gi de ia dagodo mee e hai ange gi Samaria ma Jerusalem.

Nahum 1:1

Muna hagadaemaha i dagodo o Nineveh. De beebaa o de midi hagaago ange a Nahum taane Elkosh.

Habakkuk 2:2

Gai Tagi Maolunga ne hai mai gi de au: “Siia de midi hagaago ange nei, ma de sisi gi daakodo danuaa i honga denga duu hadu, gi maua ai e tangada e savini mai laa kilaa i de dau.

Numbers 12:6

gai ia ga hai ange, “Gooluu nnoho mai hagalaangona agu muna: Noo e dahi pelaabisi i oodou magavaa, gai au, Tagi Maolunga, e hagaago ange naa agu midi hagaago ange gi de ia, ma de basa ange gi de ia i denga midi.

Numbers 24:16

muna a taane e hagalaangona muna a de Maadua, ma de donu ange gi de iloo mee o de Ia Maolunga Mmao laa, ma de gidee midi mai i daho de Ia Mmahi Mmao laa, ia e hagabaguu gi lalo gai luoono mada e aala.

Numbers 24:4

muna a taane ne langona muna a de Maadua, ma de gidee de midi hagaago ange mai i daho de Ia Mmahi Mmao laa; ia ne hagabaguu gi lalo, gai luoono mada e aala.

Matthew 17:9

De masavaa olaadeu e loiho ai i de mounga laa, gai Iesu ga hai ange gi gilaadeu, “Goodou aude daalaa ange gi dangada oodou mee ne gidee nei, ga dae ai gi de mouli age o Tama a Tangada mai i de magau.”

Acts 10:17

Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon.

Acts 26:19

“Deenei ai, de hodooligi go Agrippa, au tee hagangadi mee donu de midi hagaago ange mai i de langi.

2 Corinthians 12:1

Au e duudagi de tala tuhi au. Gai e deai donu haigamaiana dagu tuhi au, aagai au e duudagi de tuhi denga midi ma hagaago ange a Tagi Maolunga.

2 Peter 1:21

Go hiidinga teai donu se muna pelaabisi ne daamada mai i daho tangada aabe go lodo donu huu o tangada, aagai go de Hagasaalunga Dabu ne hagangaalue ina lodo o dangada, gai gilaadeu ga tala muna mai i daho de Maadua.