Hosea 9:6 - De Beebaa Dabu

⁶ Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

Hosea 9:6 Iomraidhean Croise

2 Kings 13:7

Gai gu dinolima donu daane e kage i honga hoosa, ma e madaangahulu hada hebagi, aama e dahisemada daane e seesee e doe i de hagabuulinga hebagi o Jehoahaz, go hiidinga de hodooligi o Syria gu daa gilaadeu ma gu maakau; gilaadeu ne bei donu dagodo o de mama i de masavaa e duuduu ai denga grain.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Proverbs 24:31

gai tilo, gu ssomo ai denga manu daladala ma manu dabeo, gai de bae i luu baasi gu maoha.

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 19:13

Denga dagi o Zoan ni dangada donu ssenga, gai dagi o Memphis gu hagasengalia; go gilaadeu duludulu o dangada, aagai gilaadeu gu dagi gee Egypt.

Isaiah 27:12

De laangi laa gai Tagi Maolunga e hili naa denga grain mai i ssaalingaa vai go Euphrates ga dae ai gi Ssaalingaa Vai o Egypt, gai goodou de gau Israel e bei naa denga grain e ogo dagidahi laa.

Isaiah 32:13

ma hiidinga o de henua o ogu dangada gu ssomo ai daladala ma manu duiduia — uaa, goodou tangi i hiidinga o hale alodahi oodou nogo malangilangi ai laa, aama hiidinga o de aduhale hagalongaa nei.

Isaiah 34:13

Denga manu daladala e ssomo naa i lodo hale danuaa, gai manu dabeo ma manu duiduia i lodo hale buibui makaga. Gai de mommee laa e hai naa gi se mommee niio denga jackal, aama de mommee nnoho o denga owl.

Isaiah 5:6

Au e hai naa de veelenga laa gi se ngadi gelegele; au e dee velevele naa donu aabe hagabalabala de veelenga laa, gai gi ssomo age ai denga manu duiduia ma manu daladala; au e hai ange naa gi denga hagausinga gi haia gi dee pala iho de langi gi ono elunga.

Isaiah 7:23

De masavaa laa, gai mommee alodahi nogo ssomo ai laa e mano grapevine, e hagao laa i e mano shekel, gu ssomo ai denga manu duiduia ma manu daladala.

Jeremiah 2:16

Gai denga daane o Memphis ma Tahpanhes ne dahi hogi doo biho.

Jeremiah 42:22

Deelaa ai, goodou gi iloo de mee nei: goodou e daa naa donu ga maakau i de gadilaasa, ma de onge, ma de mee hagamaakau i de mommee oodou e llodo naa e hulo e nnoho ai.”

Jeremiah 44:1

Gai ne hagaago ange gi Jeremiah dagodo o de gau Ssuu alodahi e nnoho laa i de henua go Egypt, i Migdol, ma Tahpanhes, ma Memphis, aama de henua o Pathros, ga hai ange,

Jeremiah 44:12

Au e kave naa dangada e doe i Judah, go dangada ne hagammahi laa ga hulo e nnoho i Egypt. Gilaadeu alodahi e maakau naa donu i Egypt; gilaadeu e daia naa ga maakau i de gadilaasa be go de onge. Mai i tangada maolalo ga dae ai gi tangada maolunga, gilaadeu e maakau naa donu i de gadilaasa ma de onge. Gilaadeu e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada.

Jeremiah 44:13

Gai au e hagaduasala naa gilaadeu e nnoho i de henua go Egypt i de gadilaasa, ma de onge, aama de mee hagamaatagu, bei dagu hai ne hagaduasala ai Jerusalem.

Jeremiah 46:14

“Daalaa ange gi Egypt gai hagailoo ina i Migdol; hagailoo ina hogi i Memphis ma Tahpanhes, hai ange, ‘Goodou tuu mage hagadabena, go hiidinga de gadilaasa e daa naa dangada i oodou gaogao.’

Jeremiah 46:19

Dangada e nnoho i Egypt, haoa oodou goloa e hulo ai goodou gi dahi henua gee, go hiidinga Memphis e oha naa ga ngadi dagodo, gu se mommee maoha gu deai dangada e nnoho ai.

Ezekiel 30:13

E hagadaba de Ia Aamua go Iahweh: Au e oha naa denga diinonga, ma de hai gi deai diinonga i Memphis. Gai Egypt e deai naa sono dagi, gai au e hai naa gi maatagu dangada i honga de henua.

Ezekiel 30:16

Au e dudu naa Egypt i de ahi; gai Pelusium e duasala naa i dono mmae. Thebes e oha naa ga maoha; Memphis e duasala naa i laangi alodahi.

Hosea 10:8

Denga mommee daumaha o Aven e oha naa, go de mommee o Israel ne haisala ai. Manu daladala ma manu duiduia e ssomo age naa i honga olaadeu mommee o ssigidaumaha. Gai gilaadeu e hai ange naa gi denga mounga, “Haolia gimaadeu!” gai e hai ange naa gi denga duuduu, “Baakuu mai haolia gimaadeu!”

Hosea 11:11

Gilaadeu e bolebole naa ga loomai ai bei denga manu llele mai i Egypt ma denga manu kono mai i de henua go Assyria. Gai au e hagaahe mai naa gilaadeu gi delaadeu mommee,” go Tagi Maolunga e hagadaba.

Hosea 2:6

Deenei ai, au e pono naa dono haiava i denga manu daladala, ma de buibui ia gi dee gidee ai e ia dono haiava.

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 7:13

E vakaa naa gilaadeu, go hiidinga gilaadeu gu daahuli gee i de au! Daia gilaadeu gi maakau, go hiidinga gilaadeu gu hai baasi mai gi de au! Au ne lodo mmao e hagaola gilaadeu, aagai gilaadeu e hadu muna i de au.

Hosea 7:16

Gilaadeu e aahe mai, aagai tee aahe mai gi de au, de Ia Maolunga Mmao laa: gilaadeu e bei de mee hholu e deai mee e kii ange ai. Olaadeu dagi e maakau naa i de gadilaasa i hiidinga o alaadeu muna hagamaolunga. Gilaadeu e hagadookaa ina naa i de henua go Egypt i hiidinga o de mee nei.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Zephaniah 1:11

Dangada e nnoho i de mommee hagao mee, goodou tangi see; go hiidinga de gau hagao mee e maakau naa, gai alodahi e hagao mee i selevaa gu odi hogi i teai.

1 Samuel 13:6

De masavaa huu a denga daane o Israel ne gidee ai bolo gilaadeu gu hai ngadaa, i hiidinga olaadeu hagadaumee gu mmahi ange i gilaadeu, gai denga daane ga hulo ga mmuni i lodo haonga, ma lodo geelonga, ma magavaa o denga hadu, ma lodo geelinga, aama lodo mommee e hagasahu ange aagena vai.