Hosea 9:3 - De Beebaa Dabu

³ Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Hosea 9:3 Iomraidhean Croise

1 Kings 9:7

gai au e aau gee naa Israel mai i de henua aagu gu gaavange gi gilaadeu, ma de tili de hale aagu gu hagadabu ange gi dogu ingoo. Gai Israel e hai naa ga se muna e hakadanga ai dangada alodahi.

2 Kings 17:6

Gai ssiva ngadau huu o Hoshea, gai de hodooligi o Assyria ga hagadee kii Samaria, ga kave de gau Israel gi Assyria, ga dugu gilaadeu i Halah ma Gozan i gaogao ssaalingaa vai go Habor, aama lodo aduhale o de gau Media.

Jeremiah 16:18

Gai au e hai naa gi lua hanonga e kii ange ai delaadeu hagaduasala i hiidinga olaadeu baubau ma olaadeu haisala, go hiidinga gilaadeu gu hai ma gu dee gilimalali dogu henua i olaadeu diinonga hakino gee e dee mouli laa, ma de hai gi dohu de huaahenua o dogu boolonga i olaadeu diinonga hakino gee.”

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Lamentations 5:6

Gimaadeu ne dugu ange gimaadeu gi Egypt ma Assyria, gi hanu ai amaadeu gai.

Ezekiel 4:13

Gai Tagi Maolunga ne hai mai, “Deenei de hai a de gau Israel, e gai ai denga gai dee gilimalali, i de masavaa olaadeu e nnoho ai i magavaa o denga huaahenua, i denga mommee aagu e hai gilaadeu gi hulo aagena.”

Daniel 1:8

Aagai Daniel ne baba dana maanadu bolo ia e dee hai gi hakino gee ia, i dana gai ma de unu uvaini a de hodooligi. Deelaa ai, ia ne dangidangi ange gi tagi o denga eunuch, gi dugua ange ia gi maua i tee gai mee e haia ga hakino gee ia.

Hosea 11:11

Gilaadeu e bolebole naa ga loomai ai bei denga manu llele mai i Egypt ma denga manu kono mai i de henua go Assyria. Gai au e hagaahe mai naa gilaadeu gi delaadeu mommee,” go Tagi Maolunga e hagadaba.

Hosea 11:5

E aha, gilaadeu e dee aahe naa gi Egypt, gai Assyria e dee dagi naa gilaadeu, i hiidinga delaadeu dee llodo e daahuli olaadeu lodo?

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 7:16

Gilaadeu e aahe mai, aagai tee aahe mai gi de au, de Ia Maolunga Mmao laa: gilaadeu e bei de mee hholu e deai mee e kii ange ai. Olaadeu dagi e maakau naa i de gadilaasa i hiidinga o alaadeu muna hagamaolunga. Gilaadeu e hagadookaa ina naa i de henua go Egypt i hiidinga o de mee nei.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 9:6

Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

Leviticus 18:28

Gai de henua e lueia mai naa hogi goodou, i doodou hai ga hakino gee de henua, bei dana hai ne hai ai denga huaahenua nogo nnoho i de henua i mua doodou loomai.

Leviticus 20:22

Gai goodou daohia agu mee alodahi gu hagasauaa ma agu mee gu hagamodu adu gi goodou ma gi daudali ai, gi dee lueia mai ai goodou e de henua aagu e kave goodou gi nnoho ai.

Leviticus 25:23

“ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Amos 7:17

Deenei ai, e hagadaba Tagi Maolunga: ‘Doo bodu e hai naa ga se hine hai be se manu i lo te aduhale, gai au dama alodahi e daa naa ga maakau i de gadilaasa. Doo henua e haide naa i de uga haide ga vaevae, gai koe e magau naa i de henua o de gau henua gee, Gai Israel e gaavee naa donu gi dahi henua gee, ma de hano gee mai i dono henua donu.’ ”

Micah 2:10

Hiihidi age hulo gee mai i kinei! De mommee nei e dee se mommee e hagammabu ai goe, go hiidinga gu hakino gee, gai gu maoha, gu odi donu i de maoha.

Acts 10:14

Aagai Peter ga hai ange, “Tagi Maolunga, e dee maua donu, go hiidinga au tigi gai donu dahi mee dee gilimalali aabe se mee hakino gee daudahi.”

Deuteronomy 28:63

Gai Tagi Maolunga e malangilangi naa hogi i de hai adu tanuaa gi de goe ma de hai gi soa goodou, aagai ia e malangilangi naa hogi i de hagaduasala goodou ga dae ai gi teai se goodou e doe. Goodou e gaavee gee naa i de henua oodou ga hulo naa e kave e henua ai.

Deuteronomy 28:68

Gai Tagi Maolunga e hagauda naa goe i honga denga vaga ga hagaahe gi Egypt, go de hanonga aagu gu tala adu bolo koe e dee aahe ange e hano ai. Gai koe e hagao ange naa goe gi oo hagadaumee, e hai ai olaadeu daane ma haahine hai hegau, aagai e deai naa donu dangada e hagao ina goe.

Deuteronomy 4:26

gai au e hagahi de langi ma henua i lalo e hagadonu ai bolo goodou e moolau naa donu doodou maakau ga dee maaleva i de henua oodou ga hulo naa e henua ai i baasi dai o Jordan. Goodou e dee maua naa donu gi nnoho daulooloa i honga de henua laa, aagai goodou e odi naa donu i de daia ga maakau.

Joshua 23:15

Aagai e bei naa donu huu de hai a Tagi Maolunga ne hagassula ai laa mee danuaa alodahi aana gu hagatoo donu adu gi goodou, gai Tagi Maolunga e gaamai naa hogi gi goodou denga mee baubau alodahi, ga dae ai gi dana hagallilo goodou, mai i de henua danuaa a Tagi Maolunga doodou Maadua gu gaavadu gi goodou,