Hosea 9:15 - De Beebaa Dabu

¹⁵ Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Hosea 9:15 Iomraidhean Croise

Psalm 78:60

Ia gu tili nei donu dono mommee noho i Shiloh, go de hale malo oona e noho ai i magavaa o dangada.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Jeremiah 11:15

Ni aha a de ia oogu e aloha ai laa e hai i dogu hale daumaha, i dana hai hegau hakino gee lagolago madali dangada? E aha, e maua e kano manu i de hai gi dee hagaduasala goe? De masavaa aau e hai ai au hegau hakino gee, gai koe e malangilangi laa?

Jeremiah 12:8

Dogu boolonga gu bei dagodo o de laiono i lodo henua. Ia e goo mai gi de au; deenei ai, au gu kino ai.

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Jeremiah 5:5

Gai au e hano naa gi daho de gau maolunga e basa ange ai gi gilaadeu; gilaadeu e iloo donu haiava o Tagi Maolunga, ma lodo o delaadeu Maadua.” Aagai gilaadeu ne hagabuni ga hadihadi ana laagau hagahai hegau, ma de duuduu denga mee noonoa.

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Ezekiel 23:18

De masavaa ne duudagi ai dono hai be se manu i madamada o dangada, ma delaadeu gidee dono gilisau, gai au ne tili ia i dogu kino i ana hegau, bei dagu hai ne tili ai laa dono daina hahine.

Hosea 1:6

Gai Gomer ne hai dama ange hogi ga haanau dahi damaa hine. Gai Tagi Maolunga ga hai ange gi Hosea, “Hagaagahi ange dono ingoo go Lo-Ruhamah, go hiidinga au e dee lodo aloha ange naa donu gi dangada o Israel, aabe e degi ange gi gilaadeu.

Hosea 1:9

Gai Tagi Maolunga ga hai ange, “Hagaagahi ina ange dono ingoo go Lo-Ammi, go hiidinga goodou e dee go dogu huaadangada, gai au e dee go doodou Maadua.”

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Leviticus 26:30

Gai au e oha naa oodou mommee daumaha, ma de duuduu iho oodou mommee e sigidaumaha ai mee maanongi, ma de maga ange oodou angaanga gu maakau gi honga oodou diinonga; gai au e kino naa i goodou.

Amos 4:4

Goodou hulo gi Bethel ma gi haisala ai; gai hulo gi Gilgal ga duudagi ai doodou haisala. Gaamai oodou sigidaumaha i daiao alodahi, ma oodou sigidaumaha o tahi diba i diba e madaangahulu e gaamai laa i denga dolu ngadau alodahi.

Amos 5:27

Deenei ai, au e hai naa goodou gi hulo gi dahi henua e mmao gee mai i Damascus,” go Tagi Maolunga e hagadaba, dono ingoo laa go de Maadua o denga hagabuulinga hebagi.

Amos 5:5

goodou gi dee ssala au i Bethel, gai gi dee hulo gi Gilgal, aabe gi seesee gi hulo gi Beersheba. Go hiidinga de gau Gilgal e gaavee gee naa gi dahi henua gee, gai Bethel e hai naa ga se ngadi mommee.”

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Micah 6:5

Ogu dangada, goodou manadua hagasaele a de hodooligi o Moab go Balak, gai aahee muna a Balaam tama daane a Beor ne basa ange ai; manadua mee ne hai i doodou loomai i Shittim gi Gilgal, gai gi iloo ai e goodou dagodo hegau heohi a Tagi Maolunga!”

Zephaniah 3:3

Denga dangada aamua e bei denga laiono e hagangolo laa, ono dagi e bei denga wolf i de ahiahi, gilaadeu e dee dugu hanu mee gi doe gi taiao age.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Acts 4:27

Ni muna abodonu, Herod ma Pontius Pilate, ma denga Gentile aama de gau Israel ne hagabuni i de aduhale nei, e hai baasi ange gi doo dangada hai hegau dabu go Iesu, go de ia aau gu hagadabu laa i de lolo.

Acts 5:21

Gai ga langona huu e gilaadeu muna laa, gai gilaadeu ga hulo ga ulu gi lo te buibui o de temple i de ao de mee ga agoago ai. Aagai ga dae mai huu tangada haimeedabu maolunga ma gilaadeu alodahi madali ia, gai gilaadeu ga hagahi de hagabuulinga hagasaele, go de hagabuulinga o dagi o de gau Israel, ga hai hanu gi hulo gi gaamai de gau tala i de hale pono.

Joshua 10:43

Muli mai gai Joshua ma de gau Israel alodahi ne aahe, ga hulo gi delaadeu mommee nnoho gaainga i Gilgal.

1 Samuel 7:16

Ngadau alodahi gai ia e hagadaga i Bethel, ma Gilgal, aama Mizpah, ga hagamodu ai muna o de gau Israel i mommee laa alodahi.