Hosea 9:11 - De Beebaa Dabu

¹¹ De mahamaha o Ephraim gu bei de manu lele e lele laa ga hano, gu deai donu dama e haanau, gu deai e hai tama, aabe e hagadili!

Hosea 9:11 Iomraidhean Croise

Genesis 41:52

Gai ia ne hagaingoo ange dana dama gauligi go Ephraim, go hiidinga ia ne hagadaba, “De Maadua gu hai au gi hagadili i de henua oogu ne duasala ai.”

Genesis 49:22

Joseph e bei de grapevine hua lagolago, gai se grapevine hua lagolago i gaogao dahi saalingaa vai; ono laa e ssinga ange naa laa honga de buibui.

2 Samuel 6:23

Gai Michal, tamaa hine a Saul, teai donu sana dama ga dae ai gi dono magau.

De Beebaa go Job 18:5

De laama a tangada baubau gu diinei, gai de ula o dana ahi e made naa.

Psalm 58:8

Haia gilaadeu gi bei de snail e vaivai laa ga odi, gai gi bei tama ssege e dee gidee laa de maalama o de laa.

Ecclesiastes 6:3

Noo tangada e hagadili e lau dama ma de mouli i ngadau lagolago, gai ga daulooloa naa donu dono mouli, gai noo ia e dee maua gi malangilangi i mee danuaa o de mouli nei, gai teai hogi dangada ne danumia ia, gai au e hagadaba bolo tama ssege e danuaa ange i de ia.

Isaiah 17:3

Denga aduhale buibui o Ephraim e llilo naa, Damascus e deai naa sono sauaa e dagi ai; gai dangada e doe i Syria e bei naa dagodo o de mahamaha o de gau Israel, go Tagi o denga hagabuulinga hebagi e hagadaba.

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 4:7

Gu kii ange de soa de gau haimeedabu, gai gu kii ange hogi delaadeu haisala mai gi de au; au e hai naa delaadeu mahamaha gi se dookaa.

Hosea 5:9

Ephraim e hai naa ga se mommee ngadi dagodo i de laangi o de hagaduasala. Au e hagailoo naa mee gu hagamodu e hai ange gi denga aamuli o Israel.

Hosea 9:14

Tagi Maolunga, gaavange gi gilaadeu — be ni aha aau e gaavange gi gilaadeu? Haia gi ssege alaadeu dama gai gi deai olaadeu vai uu.

Amos 1:13

E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Luke 23:29

Tilo, e tae mai naa laangi a dangada e hagataba ai, ‘E manuuia denga haahine teai alaadeu dama, ma gilaadeu tee haanau, ma gaanuunu tee hakaa unuunu laa hanu dama!’

Deuteronomy 28:18

Au dama e haanau ma hua o doo gelegele e hagamalaia naa, ma dama a au kaau ma au ssiibi.

Deuteronomy 28:57

i de henuu e doo mai laa i dua dono haanau, ma denga gaagaa aana e haanau laa. Ia e gai hagammuni naa mee laa, i hiidinga gu deai gai, i de masavaa a de hagadaumee e hagaduasala ai goe, ma de masavaa alaadeu e duuli ina ai luu baasi oo aduhale.

Deuteronomy 33:17

Dono mahamaha e bei dagodo o de kaau mmahi, gai luoono hanga e mmahi bei hanga o de kaau aada. Ia e hagalagolagohia denga huaadangada i luoono hanga, ga usu gilaadeu alodahi gi de bido laa o henua i lalo. Aanei dagodo o tahisemada dangada o Ephraim; aanei hogi dagodo o tahisemada dangada o Manasseh.”