Hosea 9:1 - De Beebaa Dabu

¹ Israel, koe gi dee malangilangi; koe gi dee lodo danuaa bei denga huaadangada ange laa. Go hiidinga koe tee hai hegau ange gi doo Maadua i de mee abodonu; koe e llodo mmao i hagaoanga a de hine hai be se manu i denga mommee hili huamanu alodahi.

Hosea 9:1 Iomraidhean Croise

Psalm 73:27

Tilo, dangada e hagammao gee i de goe e maakau donu; gai koe e daa gi maakau gilaadeu e hulo gee mai i de goe.

Isaiah 17:11

gai ga haia naa donu e goe ga ssomo i de laangi laa aau e doo ai, ma de hai ga loage olaadeu huaala i taiao aau ne doo ai, gai e deai donu mee e hagihagi ai, i de laangi o taemaha ma de mmae e dee maua laa gi ieiangi.

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Jeremiah 44:17

Aagai gimaadeu e hagassula donu amaadeu mee gu lava i de hagatoo donu ai. Gimaadeu e dudu ange naa mee maanongi gi de hine hodooligi o de langi, ma de ssigidaumaha ange mee unu gi de ia, bei hegau amaadeu ma omaadeu dubuna madagidagi, ma omaadeu hodooligi ma omaadeu dagi ne hai i aduhale o Judah ma honga haiava o Jerusalem. De masavaa laa gai gimaadeu e lagolago amaadeu gai ma de duadonu, gai gimaadeu tee hai ngadaa donu.

Lamentations 4:21

De gau Edom, goodou malangilangi ma de llodo danuaa, go goodou e nnoho i de henua go Uz. Aagai de ubu o de hagaduasala e gaavadu naa hogi goodou gi unu ai; gai goodou e unu naa ga ssenga ga hagaui oodou malo.

Ezekiel 16:15

Aagai koe ne tali hagalodolodo ange gi doo mahamaha, gai koe ga hano ga hai be se manu i hiidinga de soa dangada ne langona oo longo, gai koe ne dagodo haisala madali dangada alodahi e llodo i de goe.

Ezekiel 16:30

Ga kona de baageaa dau maanadu, go de Ia Aamua go Iahweh e hagadaba. Koe ne hai mee nei alodahi, bei dahulinga a de hine hai be se manu.

Ezekiel 20:32

Gai oodou mee e maanadu naa e dee maua donu i de hai, i doodou hagataba, “Gimaadeu e hai gi bei dagodo o denga huaahenua ange laa, ma huaabodu i denga henua ange laa, gimaadeu e daumaha ange gi denga laagau ma hadu.”

Ezekiel 21:10

gai ne hakaa e daa ai dangada gi maakau, ma de hai gi malamalama bei de dabadaba o de uila! E aha, ga malangilangi gidaadeu i togo hodooligi o dagu dama ⌊go Judah⌋? De gadilaasa e hagangadi mee de laagau bee nei alodahi.

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 2:12

Au e sele iho naa ana grapevine ma ana fig go mee aana e hagadaba laa bolo go dono hagaoanga mai i daho ono dau soa. Au e hai naa mommee laa gi se lodo henua, gai denga manu lodo henua e gai naa mee iai.

Hosea 4:12

o ogu dangada. Gilaadeu e ssili ange naa gi dahi diinonga laagau, gai go dahi bido laagau e basa ange. Gai de hagasaalunga o de hai be se manu gu dagi gee gilaadeu; gilaadeu gu dee hai hegau ange gi delaadeu Maadua i de mee abodonu.

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Hosea 5:7

Gilaadeu tee hai hegau ange gi Tagi Maolunga i de muna abodonu; gilaadeu ne hagadili denga dama gaiaa. Gai taonga i de duu de maasina i dai, e oha naa gilaadeu ma alaadeu veelenga.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”

Amos 4:5

Haia ssigidaumaha e hagaahe ange de abodonu i pelaoaa hagahua, ma de tala tuhi oodou sigidaumaha ngadi gaavange — gai goodou ga tuhi ai goodou, de gau Israel, go hiidinga deenei doodou mee e llodo e hai, go de Ia Aamua go Iahweh e hagadaba.

Amos 6:13

goodou e malangilangi laa i de hagadee kii ina o Lo Debar, ma de hagataba, “E aha, e dee go omaadeu mahi amaadeu ne hagadee kii ai Karnaim?”

Amos 8:10

Au e sui naa oodou laangi daonga gi ni laangi niiodou e tangi ai, gai oodou daahili alodahi e sui gi ni daahili hagahinangalosaa. Au e hai naa goodou gi kahu i malo daladala, ma de dahi gi malali oodou biho. Au e hai naa goodou gi tangi bei tangada e dangi laa i hiidinga de magau o dana dama dagidahi, gai de hagaodi o de laangi laa gi bei dahi laangi mmala.

James 4:16

Aagai goodou e pasa hagassoenga i doodou hagamaolunga. Denga pasa hagassoenga bee nei alodahi e baubau.

James 5:1

De gau lava, goodou nnoho mai hagalaangona. Goodou tangi ma de tangi see i hiidinga o denga hagaduasala gu dai tuu adu gi goodou.