Hosea 8:5 - De Beebaa Dabu

⁵ Samaria, dilia doo ⌊diinonga e hagadulagi ange laa gi de⌋ kaau! Au e kona mmao de lili i gilaadeu. Dee hee maa taulooloa delaadeu dee maua i de hai gi gilimalali gilaadeu?

Hosea 8:5 Iomraidhean Croise

2 Chronicles 13:8

Gai iainei goodou gu maanadu bolo goodou ga hai baasi ange gi de nohoanga hodooligi a Tagi Maolunga gu gaavange laa gi de aamuli o David. Goodou se hagabuulinga hebagi soa, gai oodou diinonga kaau goolo madali goodou, go mee a Jeroboam ne hai moodou.

Psalm 19:13

Buibuia hogi doo dangada hai hegau gi dee haisala i de hai ogu lodo; gai ogu haisala gi dee dagina hogi au. Gai gi dee haisala ai au i de haisala laumalie.

Proverbs 1:22

“De gau llodo ssenga, dee hee maa taulooloa doodou llodo e daohi doodou llodo ssenga? Dee hee maa taulooloa doodou doo i mee, ma doodou kino i de heiangi?

Isaiah 45:20

Goodou loomai hagabuni i dahi mommee; goodou e doe i denga huaahenua, hagabuni mai. Gilaadeu e gaavee saele olaadeu diinonga laagau ni dangada ssenga, gilaadeu e dalodalo ange gi denga diinonga e dee maua laa i de hagaola.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.

Hosea 10:5

Dangada e nnoho i Samaria gu maatagu i hiidinga o dahi ⌊diinonga e hagadulagi ange laa gi de⌋ kaau i Beth Aven. Dono huaadangada e tangi naa i hiidinga o delaadeu diinonga, ono dangada haimeedabu e tangi naa hogi, aama dangada ne malangilangi i de mahamaha o tiinonga laa, go hiidinga gu gaavee gee mai i olaadeu daha.

Hosea 10:8

Denga mommee daumaha o Aven e oha naa, go de mommee o Israel ne haisala ai. Manu daladala ma manu duiduia e ssomo age naa i honga olaadeu mommee o ssigidaumaha. Gai gilaadeu e hai ange naa gi denga mounga, “Haolia gimaadeu!” gai e hai ange naa gi denga duuduu, “Baakuu mai haolia gimaadeu!”

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Hosea 8:6

Gilaadeu ni dangada mai i Israel! Tiinonga nei — go de labagau ne haia; gai e dee go de Maadua abodonu. De kaau o Samaria e oha naa ga too dagidahi.

Amos 8:14

Gilaadeu e hagatoo donu i tiinonga hagadookaa o Samaria, be go de hagataba, ‘Dan, au e hagatoo donu i de mouli o doo diinonga,’ aabe go de hagataba, ‘Au e hagatoo donu i de mouli o tiinonga o Beersheba;’ gilaadeu e maakau naa donu, gai e dee aahe ange e hiihidi age.”

Micah 1:7

Ono diinonga alodahi e oha naa ga too dagidahi; ana mee ngadi gaavange alodahi e dudu naa i de ahi; gai au e oha naa ono diinonga alodahi. Go hiidinga ana mee ngadi gaavange go de hagaoanga o denga haahine hai be se manu, deelaa ai, gilaadeu e aahe ange naa ga kave de hagaoanga o denga haahine hai be ni manu.”

Acts 7:41

Gai gilaadeu ne hai dahi diinonga ga hagadulagi ange gi dahi kaau gauligi i laangi laa, ga sigidaumaha ange gi tiinonga laa ma de malangilangi i de kaau alaadeu gu hagaduu laa.

Deuteronomy 32:22

Gai de ahi gu hakaa i hiidinga o dogu lili, gai e ula ga hano gi de mommee o de gau maakau, gai e dudu naa honga de henua ma mee alodahi e ssomo ai, ma de haula ga kaa daahido o denga mounga.