Hosea 8:2 - De Beebaa Dabu

² Israel e dangi mai gi de au, “Dogu Maadua, gimaadeu e iloo goe.”

Hosea 8:2 Iomraidhean Croise

2 Kings 10:16

Gai Jehu ne hai ange, “Humai madali au e tilo ai goe ogu mahi i hiidinga o Tagi Maolunga.” Gai ia ga hagauda Jehonadab madali ia i lo tono hada hebagi ga hulo ai gilaau.

2 Kings 10:29

Aagai ia ne duudagi donu huu de haisala bei dagodo o Jeroboam, tama daane a Nebat, go mee aana ne hagahaisala ai de gau Israel, i delaadeu daumaha ange gi denga kaau goolo i Bethel aama Dan.

Jeremiah 7:4

Goodou aude hagadonusia denga muna hhadu e hagadaba laa, ‘Deenei de temple o Tagi Maolunga, de temple o Tagi Maolunga, de temple o Tagi Maolunga.’

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Hosea 8:3

Aagai Israel ne hagangadi mee de mee danuaa; dahi hagadaumee e doolohi naa ia.

Micah 3:11

Dagi o Jerusalem e hagamodu muna e kave ai denga ngadi gaavange hagasenga, de gau haimeedabu e agoago e kave ai dahi hagaoanga, gai denga pelaabisi e tala mee tigi loomai e kave ai denga sseene. Aagai gilaadeu e hagataba bolo delaadeu tali go Tagi Maolunga, “E aha, Tagi Maolunga e dee noho nei i odaadeu daha? E deai naa donu se hai ngadaa e baa i gidaadeu.”

Matthew 25:11

Muli mai gai denga bua mmoe ange laa ne loomai hogi, ga hai ange, ‘Tangada aamua, tangada aamua, huugea mai de haitoga e ulu adu ai gimaadeu.’

Matthew 7:21

“E dee go dangada alodahi e hagahia mai, ‘Tagi Maolunga, Tagi Maolunga’ e ulu i de nohoanga hodooligi o de langi, aagai go gilaadeu donu huu e haia lodo o dogu Damana i de langi laa.

Luke 13:25

De masavaa naa huu o tangada niiona de hale e pono ai de haitoga, gai goodou e tuu naa i duaahaho ga dugidugi ai de haitoga, ga hai ange, ‘Tagi Maolunga, huugea mai de haitoga e ulu adu ai gimaadeu!’ Gai ia e hai adu naa gi goodou, ‘Au e dee iloo donu be go hee oodou ne loomai ai!’

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

1 John 2:4

Tangada e hagadaba, “Au e iloo ia” aagai e dee daohi ana muna, se dangada hadu muna, gai e deai donu se muna abodonu e dagodo i ono lodo,