Hosea 8:10 - De Beebaa Dabu

¹⁰ Gai e dee galemu donu delaadeu hagao ange gilaadeu gi denga huaahenua, gai au gu dai hagabuni mai naa gilaadeu. Gilaadeu gu hagadaga ange naa de sogoisi i delaadeu hagaduasala ina i daho denga hodooligi ma dagi.

Hosea 8:10 Iomraidhean Croise

2 Kings 14:26

Gai Tagi Maolunga gu gidee bolo de gau Israel gu kona mmao delaadeu duasala, gai gu deai donu se dangada hai hegau aabe se dangada ilaage i olaadeu magavaa tigi hagaduasala, gai gu deai donu hogi dangada e balea ange gilaadeu.

2 Kings 17:3

Gai Shalmaneser, de hodooligi o Assyria, ne hebagi ange ga hagadee kii ia, gai Hoshea gu noho i ono lalo, ma de hagao ange taagisese gi de ia.

2 Kings 17:4

Aagai de hodooligi o Assyria gu iloo bolo Hoshea gu hai dagi hagatau vaivai dagodo, go hiidinga ia gu hai hanu dangada gi hulo gi daho de hodooligi o Egypt go So, gai ia gu dee hagao ange hogi taagisese gi de hodooligi o Assyria, bei ana hegau e hai i ngadau gu hulo. Deelaa ai, de hodooligi o Assyria ne poo ia ga hhao gi lo te hale pono.

1 Chronicles 5:26

Gai de Maadua o Israel ne hagangalue lodo o de hodooligi o Assyria go Pul (e bei go Tiglath-Pileser, de hodooligi o Assyria), gi gaavee gee de aamuli o Reuben, ma de aamuli o Gad, aama dahi luu baasi de aamuli o Manasseh gi dahi henua gee. Gai ia ne kave gilaadeu gi nnoho i Halah, ma Habor, ma Hara, aama gaogao ssaalingaa vai go Gozan, gai gilaadeu goi nnoho donu huu i kilaa ga dae mai ai gi anailaa nei.

Isaiah 10:8

Ia ne hagadaba, “E aha, ogu dagi alodahi e dee ni hodooligi?

Isaiah 30:2

Gilaadeu ne loiho gi Egypt aagai tee hagatuu mai donu gi de au; gilaadeu ne ssala de bale mai i daho Pharaoh, ma de mmuni i lalo de malu o Egypt!

Isaiah 36:13

Gai de Rabshakeh ne duu ga oo i de leo laumalie i muna Hebrew, ga hai ange, “Goodou hagalaangona muna a de hodooligi maolunga, go de hodooligi o Assyria.

Jeremiah 42:2

ne loomai gi daho de pelaabisi go Jeremiah, ga hai ange, “Gimaadeu e dangidangi adu, hagalaangona demaadeu dangidangi, gai koe ga dalodalo ange gi Tagi Maolunga doo Maadua, i dagodo o dangada alodahi e doe nei, i hiidinga i mua gai gimaadeu e soa, gai iainei gimaadeu gu sogoisi donu huu, bei dau hai gu gidee ai naa anailaa nei.

Ezekiel 16:33

Denga daane e gaavange mee ngadi gaavange gi denga haahine hai be se manu alodahi, aagai koe e gaavange mee ngadi gaavange gi oo dau soa daane, ga hai gilaadeu gi loomai gi oo daha, mai i mommee alodahi gi dagodo haisala madali goe.

Ezekiel 16:37

deenei ai, tilo, au e hagabuni mai naa oo dau soa alodahi, go gilaadeu oou ne dagodo haisala madali, go gilaadeu alodahi oou ne aloha ai aama gilaadeu oou ne kino ai. Au e gaamai naa gilaadeu i mommee alodahi gi hai baasi adu gi de goe, ma de hagaui oo malo i olaadeu mada i mua, gi gidee ai e gilaadeu doo gilisau.

Ezekiel 22:20

Bei de hai e hagabudu ai laa denga selevaa ma bronze, ma iron ma lead aama dini ga hhao ange gi lo te ahi mmahi, e bei ai hogi, au e hagabuni mai naa hogi goodou i dogu lili ma dogu bole ga hhao ange gi lo te ahi mmahi gi vaivai ai goodou.

Ezekiel 23:5

Gai Oholah se hine hai be se manu i dono masavaa nogo hai bodu mai ai gi de au; ia ne lodo mmao i ono dau soa go de gau Assyria — go denga daane hebagi

Ezekiel 26:7

Gai e hagadaba de Ia Aamua go Iahweh: Tilo, au e hai naa gi humai i ngaiho Nebuchadnezzar, de hodooligi o Babylon, go de hodooligi o denga hodooligi, gi gaamai denga hoosa ma hada hebagi, ma denga daane e saavini i hoosa, aama dahi hagabuulinga hebagi soa gi hebagi ange gi Tyre.

Daniel 2:37

De hodooligi, koe e maolunga ange i denga hodooligi alodahi. Gai de Maadua o de langi gu gaavadu gi de goe de nohoanga hodooligi, ma ssauaa, ma de mmahi, aama de mahamaha;

Hosea 10:10

De masavaa naa huu oogu e lodo ai, gai au e hagaduasala naa gilaadeu; denga huaahenua e hagabuni naa ga hebagi ange gi gilaadeu ga noonooa gilaadeu i hiidinga olaadeu haisala gu lagolago.

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Haggai 2:6

Gai e hagadaba Tagi o denga hagabuulinga hebagi: E dee mmule naa donu, gai au ga hagangalungalue de langi ma henua i lalo, ma tai aama de henua.