Hosea 7:13 - De Beebaa Dabu

¹³ E vakaa naa gilaadeu, go hiidinga gilaadeu gu daahuli gee i de au! Daia gilaadeu gi maakau, go hiidinga gilaadeu gu hai baasi mai gi de au! Au ne lodo mmao e hagaola gilaadeu, aagai gilaadeu e hadu muna i de au.

Hosea 7:13 Iomraidhean Croise

Nehemiah 1:10

Gilaadeu go oo dangada hai hegau ma au dangada gu hagao i doo sauaa ma doo lima mmahi.

De Beebaa go Job 22:17

Gilaadeu ne hai ange gi de Maadua, ‘Aude hakoso ina gimaadeu! Ni aha naa a de Ia Mmahi Mmao laa e maua i de hai mai gi gimaadeu?’

Psalm 106:10

Gai ia ne hagaola gilaadeu mai i olaadeu hagadaumee, ma de hagaola gilaadeu mai i olaadeu hagadaumee mmahi.

Isaiah 30:1

E hagadaba Tagi Maolunga, “E vakaa naa denga dama hai alaadeu hai, e haia laa hanu hagatau gai e dee bei agu hagatau, gilaadeu e hagaheloongoi ma denga huaahenua aagai e dee hai hegau i ssauaa o dogu hagasaalunga, gai gilaadeu e hagalagolago olaadeu haisala.

Isaiah 30:2

Gilaadeu ne loiho gi Egypt aagai tee hagatuu mai donu gi de au; gilaadeu ne ssala de bale mai i daho Pharaoh, ma de mmuni i lalo de malu o Egypt!

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 41:14

De ilo go Jacob, aama Israel damaa mee, koe gi dee madagu, i hiidinga go au donu e bale adu goe, go Tagi Maolunga e hagadaba, de ia ne hagaola ina goe, go de Ia Dabu o Israel.

Isaiah 43:1

Aagai iainei, Tagi Maolunga e hagadaba — de ia ne hagadau ina goe, Jacob, gai go de ia ne hagahua ina goe, Israel: “Aude madagu, go hiidinga au gu hagaola goe; au gu hagahi adu goe i doo ingoo, koe niiagu.

Isaiah 59:13

Gimaadeu ne hagamaanege ma de hagadee iloo Tagi Maolunga, gimaadeu ne daahuli gee i demaadeu Maadua; gimaadeu ne hai denga hagatau hagadaemaha ma de hai baasi, gimaadeu e tala muna hhadu ne loage laa i omaadeu lodo.

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.

Jeremiah 14:10

E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Jeremiah 42:20

bolo goodou e dee heohi donu, i doodou masavaa ne hai au gi hano gi Tagi Maolunga, doodou Maadua, ga hai mai, ‘Dalodalo ange gi Tagi Maolunga taadeu Maadua, gai be se aha naa huu a Tagi Maolunga taadeu Maadua e tala adu, gai koe ga tala mai gi gimaadeu mee alodahi aana e tala adu, gai gimaadeu ga hai gi bei.’

Jeremiah 51:9

Gimaadeu ne hagatale de hai gi ieiangi Babylon, aagai ia tee maua gi ieiangi. Gidaadeu ga tili ia, gai dahi ma dahi gi hano gi dono henua; go hiidinga dono hagaduasala gu dae age loo gi lo te langi gai gu maolunga donu bei denga giliiga.

Jeremiah 7:15

Au e alualu naa goodou gi hulo gee i mada luoogu mada, bei dagu hai ne hai ai oodou daina go dangada o Ephraim.

Lamentations 5:16

De hau i honga omaadeu biho gu doo. Gu vakaa loo gimaadeu, i hiidinga gimaadeu gu haisala!

Ezekiel 16:23

E vakaa naa goe, e vakaa naa goe, go de Ia Aamua go Iahweh e hagadaba. Gai e hanu ange donu oo baubau madali mee nei alodahi:

Ezekiel 18:2

“Dee hee de hagadoonunga o de muna hagasengasenga a dangada i de henua go Israel e tala naa, i delaadeu hagataba, ‘Denga damana ne gai denga grape mmala, gai niho o denga dama gu ssae’?

Ezekiel 18:25

Gai goodou e hagataba, ‘Hegau a de Ia Aamua e hai e dee heohi donu.’ De gau Israel, goodou hagalaangona agu muna: E aha, gu dee heohi nei agu hegau? E dee go goodou gu dee heohi naa oodou hegau?

Ezekiel 34:6

Agu ssiibi gu ssenga saele i honga mounga ma duuduu alodahi. Gilaadeu gu mavaevae saele i henua i lalo alodahi, gai e deai donu dangada e saalaa gilaadeu.

Hosea 11:12

Ephraim gu duuli au i denga muna hhadu, de gau Israel gu daahanga mai au; gai a Judah goi hai baasi ange huu gi de Maadua, de Ia Dabu e hai hegau laa i de mee abodonu.

Hosea 11:2

Aagai ga dee modu huu dagu hagaagahi gilaadeu, gai gu kii ange donu delaadeu hulo ga hagammao gee i de au. Gilaadeu ne sigidaumaha ange gi denga Baal, ma de dudu mee maanongi ange gi denga diinonga.

Hosea 5:7

Gilaadeu tee hai hegau ange gi Tagi Maolunga i de muna abodonu; gilaadeu ne hagadili denga dama gaiaa. Gai taonga i de duu de maasina i dai, e oha naa gilaadeu ma alaadeu veelenga.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Hosea 7:3

Gilaadeu e hagamalangilangi denga hodooligi i alaadeu dahulinga baubau, gai e hagamalangilangi denga dagi i alaadeu muna hhadu.

Hosea 9:12

Gai e dee galemu naa donu delaadeu haele age alaadeu dama, gai au e kave gee naa gilaadeu, ga dae ai gi teai se gilaadeu e doe. E vakaa naa gilaadeu, i de masavaa oogu e hano gee mai ai i olaadeu daha!

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Jonah 1:10

Gai denga daane hai moni gu maatagu mmao, ga ssili ange gi de ia, “Se hegau bee hee aau ne hai nei?” (Denga daane laa gu iloo bolo Jonah ne hano e mmuni i Tagi Maolunga, i hiidinga ia gu tala ange gi gilaadeu.)

Jonah 1:3

Gai Jonah ne hidi age ga savini e hano gee mai i mada luu mada o Tagi Maolunga. Gai ia ne hano iho gi Joppa, gu gidee e ia dahi vaga i kilaa gu dai malanga e hano gi Tarshish. Gai ia ne hagao dono paasese, ga gage i de vaga laa e hano gi Tarshish, e mmuni ai i Tagi Maolunga.

Micah 6:12

De gau lava o de aduhale e vaivai hai dangada, gai dangada e nnoho i oo daha e hadu muna, ma de tala muna hagasenga i olaadeu ngudu.

Micah 6:4

Au ne hagassao mai goe i de henua go Egypt, ma de hagaola goe mai i de henua oou nogo hagahai hegau hagaduasala ina ai. Au ne hai Moses gi hanadu gi dagina goodou madali Aaron ma Miriam.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Deuteronomy 15:15

Gai koe manadua bolo koe se dangada nogo hagahai hegau hagaduasala ina i de henua go Egypt, gai Tagi Maolunga doo Maadua ne hagaola goe. Aanei hiidinga aagu e tala adu ai nei mee nei gi goodou anailaa nei.

1 John 1:10

Noo gidaadeu e hagataba bolo gidaadeu tigi haisala, gai gidaadeu e hai de Maadua gi se ia hadu muna, gai ana muna e dee daakodo donu i odaadeu lodo.

Revelation 8:13

Gai au ne gidee ma de langona dahi igele e hagadaba i de leo mmahi, i dono masavaa e lele ai i lo te moana, “E vakaa naa, e vakaa naa, e vakaa naa dangada e nnoho i henua i lalo, go hiidinga denga dangada de langi dogodolu ange laa gu dai ili naa alaadeu trumpet!”