Hosea 6:9 - De Beebaa Dabu

⁹ De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Hosea 6:9 Iomraidhean Croise

Genesis 12:6

Gai Abram ga hano laa lo te henua ga hano ai gu dae gi Shechem, i de mommee iai de oak o Moreh. De masavaa laa gai go de gau Canaan e nnoho i de henua laa.

1 Kings 12:25

Gai Jeroboam ne hagaduu de aduhale go Shechem i de mommee iai mounga o Ephraim ga noho ai; gai ia ne hano hogi ga hagaduu Penuel.

Ezra 8:31

Gai gimaadeu ne hulo gee mai i ssaalingaa vai go Ahava i de madaangahulu ma lua laangi o tahi malama, ga hulo gi Jerusalem; gai de lima sauaa o demaadeu Maadua i omaadeu elunga, ma de hagaola gimaadeu mai i omaadeu hagadaumee, aama gilaadeu e nnoho laa e hebagi mai gi gimaadeu i honga de haiava.

Jeremiah 11:9

Gai Tagi Maolunga ga hai mai gi de au, “Dangada e nnoho i Judah ma Jerusalem gu buni e hai dahi hagatau baubau.

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Ezekiel 22:9

E hanu dangada i oo daha e hagabaubau ina dangada ma de llodo e daa dangada gi maakau; e hanu hogi dangada e gaimee i mommee daumaha i honga denga mounga, ma de hai denga dahulinga hakino gee.

Ezekiel 23:27

Au e hai naa gi dee haia e goe dahulinga hakino gee ma de hai be se manu aau ne hai i de henua go Egypt. Koe gu dee ahe ange donu e ssala mee nei, aabe e ahe ange e manadua Egypt.

Hosea 2:10

Iainei gai au ga hagaui nei gi deai ono malo gi dogaa ai ia i ono dau soa, gai e deai naa donu e maua i de hagaola ia mai i de au.

Hosea 4:2

Gilaadeu e hagatoo donu i de hagasenga, e hadu muna, ma de daa gi maakau dangada, e gaiaa ma de dagodo haisala. Gilaadeu gu oha hainga alodahi, ma de duudagi de daa ga maakau dangada.

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Hosea 5:2

Gilaadeu e hai dahi geelonga gelo i Shittim; gai au e haele naa gilaadeu alodahi.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Micah 3:9

Goodou dagi o dangada o Jacob, goodou dagi o de gau Israel, nnoho mai hagalaangona. Goodou e kino i de hagamodu muna heohi, gai e hagahaisala mee heohi alodahi.

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Zephaniah 3:3

Denga dangada aamua e bei denga laiono e hagangolo laa, ono dagi e bei denga wolf i de ahiahi, gilaadeu e dee dugu hanu mee gi doe gi taiao age.

Mark 14:1

De masavaa ne lua ai laangi i mua o Taonga Hagasili ma Taonga o Pelaoaa Dee Hagahua. Gai de gau haimeedabu maolunga ma de gau sisi ne ssala delaadeu hai e poo hagammuni ai Iesu e daa gi magau.

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

Acts 4:24

Aagai ga langona huu e olaau soa muna laa, gai gilaadeu ga dalodalo ange gi de Maadua i de lodo daudahi, ga hai ange: “Tagi Maolunga, go koe ne haia de langi ma henua i lalo, ma tai aama mee alodahi iai,