Hosea 6:4 - De Beebaa Dabu

⁴ Ephraim, dee hee dagu hai e hai ai goe? Judah, dee hee dagu hai e hai ai goe? Doo aloha e bei de mama o de maluulu i taiao, ma de mee suungia o taiao e moolau laa teai.

Hosea 6:4 Iomraidhean Croise

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Jeremiah 3:19

Au ne hagadaba, ‘Au e lodo mmao e hai goodou gi ni dama niiagu, ma de gaavadu gi goodou dahi henua danuaa, gai se boolonga e mahamaha ange i denga huaahenua alodahi!’ Gai au ne maanadu bolo goodou e hagahi mai naa Tamana gi de au, ma tee huuhuli gee i de daudali mai i de au.

Jeremiah 34:15

Aagai iainei goodou gu daahuli oodou lodo, ma gu hai hegau i de heohi i mada luoogu mada: dahi ma dahi gi dugua gi ilaage dangada doodou henua, goodou ne hai hogi dahi hagatoo donu hagaheloongoi madali au i de hale iai dogu ingoo.

Jeremiah 5:23

Aagai de huaadangada nei e makaga olaadeu lodo ma de hagamaanege; gilaadeu gu huuhuli ma gu hulo gee.

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Jeremiah 5:9

E aha, au e dee hagaduasala naa gilaadeu i hiidinga o mee nei? go Tagi Maolunga e hagadaba. E aha, au e dee sui ange naa hegau a de huaahenua e haia mee nei?

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Hosea 7:1

de masavaa aagu e lodo ai e hagaieiangi Israel, gai gu gidee mai baubau a Ephraim, ma hegau dee heohi a Samaria. Gilaau ne hai hegau i de hagasenga, de gau gaiaa e ulu gi lodo hale e gaiaa ai, denga hagabuulinga e gaiaa mee o dangada i honga denga haiava;

Matthew 13:21

Aagai go hiidinga e deai donu ono aga, deelaa ai, ia e dee daulooloa donu. Gai de masavaa huu e dae mai ai de hai ngadaa ma de vaivai haia i hiidinga o muna laa, gai ia e moolau de ahe dua.

Judges 3:12

Gai de gau Israel ga aahe ange ga hai denga dahulinga baubau i mada luu mada o Tagi Maolunga; gai Tagi Maolunga ga hai gi kii Eglon, de hodooligi o Moab, i de mmahi i Israel, go hiidinga gilaadeu gu hai denga dahulinga baubau i mada luu mada o Tagi Maolunga