Hosea 6:2 - De Beebaa Dabu

² Dua e lua laangi, gai ia e hagamouli age naa gidaadeu; gai de hagadolu laangi, ia e hagahiihidi age naa gidaadeu, gi maua ai e gidaadeu i de nnoho i mada luoono mada.

Hosea 6:2 Iomraidhean Croise

Genesis 17:18

Gai Abraham ne hai ange gi de Maadua, “Mee naa go Ishmael aau e hagamanuuia!”

2 Kings 20:5

“Ahe hai ange gi Hezekiah tagi o ogu dangada, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada. Tilo, au e hagaieiangi donu goe. Dua naa huu e dolu laangi gai koe e hano naa gi de hale o Tagi Maolunga.

Psalm 61:7

Gai ia gi hodooligi i mada luu mada o de Maadua ga hano ai; doo aloha ma doo hai hegau i de mee abodonu gi buibuia ia.

Psalm 71:20

Koe ne hai gi gidee e au denga hai ngadaa lagolago ma de baubau, gai koe e ahe ange naa ga hagaola dogu mouli, ma de hagaahe age au i de mommee o de gau maakau.

Ecclesiastes 3:3

e dahi masavaa e daa ai gi maakau, gai e dahi hogi masavaa e hagaieiangi ai; e dahi masavaa e oha ai, gai e dahi hogi masavaa e hagaduu age ai;

Isaiah 26:19

De gau maakau e mouli age naa; olaadeu angaanga e hiihidi age naa. Goodou denga angaanga i lodo daanunga, hiihidi age daahili i doodou malangilangi. Go hiidinga oodou mouli hoou e bei de mee suungia i taiao, gai de gelegele e hagaahe age naa denga hagasaalunga o de gau maakau.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

John 14:19

E dee mmule naa donu, gai de gau henua i lalo gu dee gidee au, aagai goodou e gidee au; go hiidinga au e mouli gai goodou e mouli naa hogi.

Romans 14:8

Noo gidaadeu e mouli, gidaadeu e mouli e hagadubu ai Tagi Maolunga; noo gidaadeu e maakau, gai gidaadeu e maakau e hagadubu ai Tagi Maolunga. Deenei ai, gidaadeu nii Tagi Maolunga e dee hilihili be gidaadeu e mouli be maakau.

1 Corinthians 15:4

ia ne danu, gai ne mouli age i dua e dolu laangi bei de hai gu sisi ai laa i de Beebaa Dabu,